Analysis Services
  • «
  • <
  • 1
  • 2
  • 3
  • >
  • »
مع احترامي لك يا أخت ملح وسكر إسأل مجرب ولا تسأل طبيب ولا خبير..

الأسهم يبغالها شريطية اسهم يتاجرون فيها حتى الهوامير ما عادت تنفع فيها لأنه معظمهم صاروا سرادين من وراء الأسهم ..وروحي المستشفيات النفسية وشوفي الي منومين هناك أكثرهم من الي كانو يتاجرون بالأسهم.. وكمان روحي البنوك وشوفي القروض المهولة الي أصحابها جالسين الحين فقط يسددوا القروض وفلوس القروض راحت بالأسهم والأمثلة غير ذلك كثيرة ..
ودانة غاز الي كانو يقولوا عنها أهم شركة بالشرق الأوسط وانها راح توصل أقل شيئ 20 إلى 25 درهم والكلام ما كان كلام ناس عادية كان كلام خبراء وأنا كنت من المغفلين الي أشتوا فيها اسهم على 5 درهم لا ومن السوق السوداء كمان وبالأخير الحين مب قادرة توصل 3 دراهم حتى صار لها كم سنه على هذا الحال
المهم لا أطول عليكم الي عنده قرش محيره يحطه بالأسهم خلها إطيره والنصيحة ببعير هذه الأيام وشكرا
05-12-1428 هـ, 02:44 مساءً
 
اقتباس مشاركة  (خمس تفاحات)
عندي 100000 الف ريال حابة استثمرها لابنائي ادوني اقتراحاتكم الله يبارك لكم في اولادكم


السلام عليكم ورحمة الله وبركاتة

الله يحفظ ابنائك ويطول بعمرك , وهذا شي طيب بأن احد الوالدين يفكر بمستقبل ابنأئه والاستثمار لهم طويل المدى ,


بما أن الاستثمار من اجل ابنائك فهو طويل المدى......

يجب عليك ان تدرسين الخطه الاستثماريه لهم ..


بحكم خبرتي في الاستثمارت فأنا انصحك لوجه الله من خلال كلامي


اولاً ماهي الاستثمارت الممتازه والمناسبه على المدى الطويل..
( اسهم الاكتتابات , العقارات , الصناديق )

يجب ان تدرسين نوعية الاسهم والعقارات المناسبه او نوعية الصناديق او الجهة السمتثمره في الصندوق,,

المبلغ المتوفر عندك هو 100000 الف ريال
جزئي المبلغ ثلاث اجزاء او جزئين...
جزء في اسهم الاكتتابات فقط.
جزء في الصناديق الاستثماريه الممتازه والتي سيرها ممتاز في الفتره الماضيه او السنوات الماضيه.


( لاتجعلي مبلغك في مكان واحد او في استثمار واحد )

مبلغك لايكفي لشراء او بناء اي عقار

انصحك في تجزيئه المبلغ , وانصحك في الاكتتابات والصناديق



وعلى فكره يوجد لدي محافظ استثماريه ممتازه , وهي تصلح للاستمثار على المدى الطويل والقصير , وايضاً بأمكانك سحب الارباح كل فتره والاستثمار بها في احد محافظنا الاخرى او اي جهه اخرى ...





موفقه
05-12-1428 هـ, 05:17 مساءً
 
انا اشوف انك تحطيها في اي بنك اسلامي يشغلها لك

اظن في السنه يطلع لك 8 الاف ربح

والله يوفقك يارب
06-12-1428 هـ, 02:36 صباحاً
 
السلام عليكم ورحمة الله وبركاته
والله اخاف على اموالك
لاتصدقين اي شخص ولو انه مهما كان
احفظي فلوسك نصيحة اليوم صعب احد يجد هذا المبلغ بسهولة

ناس رواتبهم 10000 بالشهر ماقدروا يوفرون هذا المبلغ ولهم 9 سنوات في الوظيفة
احترصي
والله انصحك لوجه الله
لاتطير فلوسك
صكي عليها او سلميها انسان ثقة ثقة ثقة ويحس فيك وفي اللي عندك من اطفال
او اتركيها لاحد اولادك اذا كبروا
يشغلونها ولاتخبرينهم ان عندك فلوس بهذا الحجم قولي ان عندي 20000 ريال
واذا شغلها صح ان شاء الله وشفتي انه مشى بطريقة صحيحة
زودي شوي 10000 ريال وهكذا


لاتخلين فلوسك تجارب للرجال او الحريم بحسن نية

تدرين ان فيه ناس معهم صكوك على فلوسهم موقعة من المحكمة ومختمة وووووووووووو الخ لكن ماقدروا ياخذونها من خصمهم

احفظي فلوسك في مكان امين وكبري وسادتك
واذا ماشغلتيها السنة هذي ان شاء الله تشغلينها السنة اللي بعدها
المهم لاتجي السنة اللي بعدها ومامعك إلا مغاطها او اوراق تثبت ان لك حق عند فلان او فلانة وروحي دوريها عندهم
يمكن تروح سنين ورى سنين
ويمكن يمكن يمكن يجيك منها 5000 ريال هذا اذا جالك شيء


ماخوفك لكن لاتحسبين التجارة سهلة
التجارة يبي لها توفيق من الله سبحانه وتعالى أولا وقبل كل شيء
12-12-1428 هـ, 04:14 مساءً
 
الغالية خذي من فلوسج بس 3500 ريال ممكن اوفر لج بهم دخون اماراتي على اعلى المستويات تقريبا 10 درازن وحاولي تبيعين هم ,,, ومن ارباحهم زيدي خذي لج كميات ثانية ولو تحبين بعد عندي زيت حق الشعر ممكن اوفر لج 200 غرشة زيت مغلفة بكرتونة فاخرة نفس شغل المحلات المتخصصة يعني وهو وااااااااااااااااااايد ممتازة في ناحية وقف التساقط والنعومة والتطويل والكثافة ما شا الله ومن اول شهر تحسين باختلاف كبير في شعرج ,, الـ 200 غرشة بـ 13 الف درهم .. طبعا انا اسويه بنفسي مب اني اشتريه وارد ابيعه ومتكون تقريبا من 17 زيت مخلوطين ويا بعض ,, ولو تحبين تاخذين لج كشك في اي مركز تجاري عندكم وتبيعين صدقيني راح تكسبين واااايد ان شا الله ,,, يعني خذي من فلوسج بس 3500 درهم في البداية والباقي خليه وفي البنك ومن ارباع الـ 3500 تاجري ولا تغامرين في المبلغ كله ..

والله يوفقج وييسر لج الخير ان شا الله دنيا واخره

@ اختكم في الله @
12-12-1428 هـ, 07:42 مساءً
 


الساعة الآن 04:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏