السلام عليكم

المطلوب منك الاتي

اختيار الموقع المناسب

اختيار العماله( يفضل الجنسيه الاندونيسيه او الفلبينيه)

اختيار ديكور بسيط وجذاب

ادخال خدمة ال dsl بدون اجهزه ( واير لس فقط واللي يبي انترنت يجيب معه جهازه )

بالنسبه لترخيص البلديه موضوعه بسيط ان شاء الله وممكن اي مكتب يطلعه

الله يوفقك ان شاء الله
الله يوفقك
أشكركم جميعا على تفاعلكم وردودكم ورزقنا الله وإياكم الرزق الحلال
جزاك الله خيرياأخت foras 20 على الإفادة
خت بتوله الأمورة

احييك على هالفكره

زوجي فاتح سلسة مقاهي سيارة و هالمجال ما شاء الله مررررربح و التكلفة بس في البداية لما تجهزي المحل ولكن أهم شي تختاري مكان مزدحم و يمر من خلاله مثلاً موظفين او مسافرين <<< المسافرين أكيد مربحين أكثر

الأجهزة:
مكينة إسبريسو و طبعاً إيطالية و أسعارها من 8 آلاف و فووووق على حسب الحجم وطبعاً تختاري الحجم على حسب موقع المقهى اذا فيه زحمة اكيد بتحتاجي كبير .

خلاط كأس بس طبعاً النوع الخاص بالمطاعم والمقاهي

فريزر لحفظ الثلج و ثلاجة لحفظ الحليب ... بالنسبة لثلاجة الموية ممكن تاخذيها من الشركات اللي تزودك بالموية مجاناً

مكينة سلاش

عين غاز و تكون مثبته عالطاولة و هي لإعداد القهوة التركية

مكينة القهوة الأمريكية

إبريق القهوة الفرنسية و التركية و طبعاً فيه كماليات اكيد معروفة ويحتاجها العامل

العمال (يفضل فلبيني): يجي الباريستا او المعلم وهو كبيرهم يعلمهم طريقة إعداد أنواع القهوة مثل الإسبريسو الماكياتو والموكا والكابتشينو و اللاتيه و الأمريكانو و و و و بصراحة كثيره المشروبات و كل مشروب نوعين حار و مثلج .. طبعاً عدد العماله على حسب الشغل .. بالنسبة لمقاهي السيارة يجو 2 في كل شفت و طبعاً المحل شغال 24 ساعه

فيه اشرطة فيديو مفيده لأصحاب المقاهي مثل :espresso 101 وفيه كمان كتب أنصحك فيها.
روحي موقع :
www.espresso101.com

لمزيد من المعلومات


أتمنى أكون أفدتك و هذا المجال مربح بس المتعب فيها الأجارات شوي عاليه أما رواتب العمال فالباريستا ياخذ تقريباً 1600و العمال الباقين أقل طبعاً
والكهرب والمويه بسيطه وإن شاء الله الترخيص من البلدية بسيط بس طلعيه في وقته وإلا ما يصدقو خبر يدفعوك غرامه التأخير

بالتوفيق اختي الغاليه




نسيت كمان اقول لك عن القهوة

القهوة فيه الإيسبريسو وهو القهوة الإيطالية ... بالنسبة لزوجي هو يحمص القهوة حقتنا بس انتي ممكن تلاقي شركات كثيرة تبيعه لك ... روحي اي مقهى يعجبك واسأليهم من فين يجيبو قهوتهم و اكيد بيعطوك رقم المندوب ... والقهوة التركية نفس الشي... الأمريكية من السوبارماركت نجيبه

فيه خلطات جاهزة لمشروبات تحفه احنا ناخذ من ماركة نسيت اسمها بس وكيلهم في السعوديه في الرياض اسمه كوفي مومينتس Coffee Moments إن شاء الله تلاقي رقمهم عند الإستعلامات و هم يوصلو لك الطلبات وإذا حبيتي تجربي عينات عندهم

ممكن المقهى الواحد يكلفك 200 ألف والربح علمه عند الله طبعاً






الساعة الآن 11:41 .