السلام عليكم و رحمه الله وبركاته......... اقول يا بنات و يا حريم..... و الله اني محتاره من قلب.... لانه عندنا عطله لمدة اسبوع واحد فقط.. و محتارين وين نقضيه انا و زوجي و بناتي الثنتين..الله يخليهم لنا يا رب ... المهم...زوجي يقول العالم تمدح المالديف؟؟؟؟ و ذاك اليوم و هو داخل على النت شاف دعايات على جزيره مورشيوس اللي تقع في الجنوب الغربي لافريقيا. لا وفيها بعد اكبر منتجع في العالم اللي هو سان جران..و صور تاخذ العقل و شكله محتااااااااار الحين ؟؟ يقول لي حطي الموضوع في عالم حواء ونشوف بعدين وين نروح؟؟يعني هو معتمد على الله ثم عليكم... المهم انا سويت بحث على الجزيره هاذي هنا ..بس ما طلع شي... بعدين جاني احبااط حسيت انها مو معروفه زي المالديف؟؟؟ و الله اني محتاره؟؟ ترى زوجي يميل للمالديف اكثر لانه سمع انها ما فيها اسواق هاهاهاهاها و هذا اللي خلاني اتردد في المالديف...يعني بس بحر من كل الجهات الواحد يمل ؟؟ و الله مدري اتمنى انه احد يشاركني ......
30-05-1424 هـ, 03:36 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته...

أختي اسمحي لي ، نقلت موضوعك هنا ، فهنا مكانه أنسب...

وان شاء الله الأخوات هنا يفيدوك...
30-05-1424 هـ, 08:22 صباحاً
 
اهلا بنت النور انا افيدج باذن الله ..
انا اعرف ناس من اهلنا راحوا للثنتين .. المالديف و موريشوس ... اقولج كلامهم ...
المالديف عباره عن مجموعة جزر صغيره ... و كل جزريه عباره عن منتجع و فندق بروحها .. يعني تكون الجزيره اللي انتي فيها عباره عن فندقكم و بس .. و التنقل بين الجزر بقوارب طبعا .. فيها البحر لا صار ولا استوى شي يهبل و ممتاز و صاااافي للسباحه و افضل الاوقات للسفر لها من شهر 10 - 12 .
بالنسبه لموريشوس .. هم حلوه و تينن بعد بس اهي عباره عن جزيره واحده و التنقل بالسياره من مكان لي مكان يعني افضل حال من الماليف .. بس بحرها مو شي مو مثل الماليف و بالصفاء و الحلات.
بالنسبه للاسواق فيهم هم جزر فلا اتوقعيت بتلاقين اسواق لندن و الا باريس او حتى اسواقنا فيها .. اسواقهم فيها لبسهم و شغلاتهم التقليديه و التحف و الاواني المنزليه و التراث و من هالطقه
الثنتين فيهم السياحه حلوه و فيهم اماكن سياحيه بس اغلب وناستهم بالبحر من حيث سباحه و طلعات غوص و صيد سمك و رياضات مائيه يعني اذا انتي ما اتحبين هالاشياء ما تنفعج لا المالديف و الا موريشوس ..
تاكدي من الوقت اللي بتروحين فيه لا سبحان الله تكون حزة امطار و الا عواصف و الا تستانسون .. اسبوع كافي لاي من هالجزيرتين .. و جوهم غالبا في الموسم الزين يكون جو جزر يعني ربيعي صيفي شوي حر على شوي رطوبه .. هذا كل اللي اقدر اوافيج فيه و اتمنى اني وضحت لج الصوره و سفره موفقه
30-05-1424 هـ, 10:17 صباحاً
 
اختي العزيزة
جزر موريس جزر جدا جميلة و فيها تنوع في كل شيء سبحان الله
فيها اقلية مسلمة و لكن اكثر سكانها هنود و هندوس و مسيحية سود.
الوقت الان فيها جميل و دافئ و الاعاصير و الامطار تجيها فقط في يناير و فبراير و اشهر الصيف من افضل الاوقات فيها.
قد تحتاجين لبعض الثياب الدافئة للمساء و كذا كريمة ضد لسع الحشرات لانها جزيرة و هذا دائما متوقع.
تجنبي حفلات الفنادق لانه يكون فيها الرقص و المجون و لباس فاضح.
اهم منطقة فيها و اللي فيها المطاعم و المحلات و كمان المنظر الحلو هي Grand Baie
و في كمان اجمل مناظر الشاطئ عند Pointe aux pimentsو Trou aux biches.
و عندك كمان Blue Bay وMahébourg و لا تنسي العاصمة Port Louis.
Rose Hill و Beau Bassin مدينتين صغار و حلوين
الناس هناك بيحكوا فرنسي و انجليزي.
انتبهوا للافتات الشواطئ المسموح فيها بالسباحة لانه في مناطق خطيرة و الاحسن خلوكم بعيد لانه الاجانب من اوروبا واخدين راحتهم زيادة و قليلين حياء. و العملة رخيصة مقابل الدولار بس انتبهي لا ينصبوا عليك. و رحلة موفقة باذن الله
اتمنى اني اكون افدتك:24:
30-05-1424 هـ, 11:29 صباحاً
 


الساعة الآن 07:08 .