بائعة المسك :

ماادري لكن قريبتي مره صبغة شعرها اسود امها انهبلت قلت ووووووع شيلييييييييه راحت للكوفيره قالت لها ابيك تسحبينه قلت لها لو سحبته لك احترق لانه مامر عليه شهر صبغتك هذي .. رحنا لمحل قلنا له نبي شيء يسحب اللون الاسود من الشعر عطانا زي علبه زي الصبغه قالنا هذا يسحب اللون اتبعي التعليمات اللي فيه توكلنا على الله واخذناه لقيناه زي الصبغه تخلطينها زي الصبغه .. جربنا بخصله ورى رقبتها خصله مختفيه عشان لو احترقت او طلع لونه يخوف ولا طلع فيها اي مصيبه تكون مختفيه عن الانظار .. وحطينا بهالخصله يعني كثر الخصله بعرض الاصبع الصغير وماوصلنا للمنابت عشان لو احترقت مايصير بالمنابت جلسنا تقريبا عشر او خمس دقايق اقل بشوي ورحنا وغسلناه بسرعه طلع للون الخصله لون شعرها الطبيعي ولا تغير بالخصله شيئء غير ان الاسود راح وطلع لون شعرها الاصلي .. جينا وحطينا بشعرها كله وجلسنا نفس المدة اللي جلسناه لانه على طول يروح اللون يمكن خمس دقايق او ست والله مااذكر اللي اذكره اننا ماجلسنا زي مانجلس بصبغات على الراس تقولين زي المشقر .. وبعد ماغسلنا شعرها طلع لون شعرها الطبيعي والخصله انعاد عليها مرتين صارت فاتحه عن الشعر تقريبا بدرجتين يعني خصلتها كانت مرررررررره تجنن تفتحت على اشقر فاتح كأنها لون شعرها طبيعي الاشقر الفاتح حق الخصله .. ولا تأثر شعرها ولا شيء .. هذا الساحب مافيه غيره مع الصبغات معروف دايم يجي علبته كبر علب الصبغات او اكبر بشوي لون الكرتونه اصفر وفيه صورة حرمه شعرها اشقر مرررره وقصير .. ناسيه الماركه الصراحه .. وهو معروف يستخدم للي شعورهم اسود مايقدرون يصبغونه ولا يخصلونه يستخدمون هذا المستحضر لتفتيح لون الشعر عشان يقدرون يصبغونه الصبغات الفاتحه .. هو مو مشقر هو ساحب اللون .. لوفكرتي فيه جربيه مثل قريبتي بخصله ورى شعرك يعني بخصله ماحد ينتبه لها ولا تطولين بالمده خمس او اقل يعني اجلسي شوي وغسليه وشوفي هل يطلع شعرك الطبيعي ولا لا .. والمستحضر هذا سعره يتراوح مابين 20 - 25 ريال حسب المحلات والصيدليات .. فكري انت وشوفي وش تسوين .. والله يكون بعونك يارب .. المره الثانيه استخيري قبل لاتسوين اي شيء زين :D

ماادري لكن قريبتي مره صبغة شعرها اسود امها انهبلت قلت ووووووع شيلييييييييه راحت للكوفيره قالت...