زهرة الليلاك @zhr_allylak
عضوة فعالة
الفرنش منيكير أو المناكير الفرنسي ما يضبط
هلا بنات...وايد أحب المنيكير الفرنسي وأحيانا أروح الصالون إذا عندي مناسبه بس يحطولي لون ب 15 درهم طبعا بدون التنظيف لاني أكون مسوتنه قبل .. بس أنا أشوف يبيعون مجموعه 3 ألوان في الصيدليات مثلا أو فبعض الماركات وإشتريتهم بس ماعرف أضبط الخط الأبيض بشكل مستقيم ممكن حد يعلمني بليز....لاني أحب أحطه لانه يخفي العيوب وشكله أنيق وراقي وناعم...ماعندي وقت أروح أسويه وما يطلع مضبوط في البيت يطلع الخط مب مستقيم أو شكله مب متشابه مع باقي الأظافر ..أنا بالنسبه لي مهم لان يخفي العيوب إلي في الأظافر لازم أحطه...ف ممكن تعلموني الطريقه الصح..
9
2K
يلزم عليك تسجيل الدخول أولًا لكتابة تعليق.
الصفحة الأخيرة
لو تلاحظين في اغلب المحلات فيه 3 الوان للمناكير+ملصقات على شكل قوس
بالنسبه للألوان تقدرين تحطين الابيض قبل وبعدين اللي لونه وردي فاتح واخر شي الشفاف
وفي ناس يغيرون يعني يحطون الشفاف عقب الابيض عقب الوردي
انتي شوفي اللي ترتاحين له ويناسبج
بالنسبه لي انا احط الابيض على الظفر بعدين الوردي واخر شي حق التثبيت احط الشفاف
انتي مشكلتج ماتسوين الخط على الظفر
هذي فايدة الملصقات المقوسه اللي مع العلبه
تحطين الطرف المقوس عند اخر شي تبين تصبغين الابيض فيه
او تغطين طرف الظفر الابيض فيه عشان تحطين الشفاف والوردي عقب تشيلين الملصق
وتحطين مكاانه الابيض
اتمنى تكونين فاهمه طريقتي
واذا بغيتي تريحين راسج من كل هذا
اشتري من برجوا المناكير الفرنسيه
تكون فرشاة المناكير مقوسه من الاساس وراح تريحج من انج ترسمين الخط الابيض
بنفسج وسعرها في حدود الستين او السبعين مو متذكره بالضبط
اتمنى تكونين فاهمه طريقتي واذا مافهمتي بفهمج عالخاص مره ثانيه
تحياتي لج