ايش هو السيكراب ؟؟؟؟
18-12-1428 هـ, 05:12 مساءً
 
اقتباس مشاركة  (shahr)
ايش هو السيكراب ؟؟؟؟
طيب انا راح اعرف السكراب لكم

السكراب عبارة عن بيع الحديد المستعمل وشراءة وماعليك الا انك تستأجر ارض للحديد ويتم التعامل مع شركات متعاقدة مع سابك للحديد ولو تلاحظين انك لو بعتي فاتورة في اليوم المبلغ اللي انتي ربحتيه مابين الف والف وخمسمائة ريال يوميا
بس انتي على حسب راس مالك اعرف ناس باليوم الواحد يبيع اكثر من خمس الا ست فواتير يوميا ويطلع له في اخر الشهر مبلغ جامد .

طيب انا وشلون عرفت عن الموضوع هذا وكيف اجيب الحديد وكيف استاجر الارض وهذا اللي راح اشرح لك الحين

عندي واحد من عمالي باكستاني يوم جيت ابي اسكر ( اغلق) المؤسسة جاني العامل قالي لا تسكر المؤسسة ( مؤسسة مقاولات عامة ) وعطاني الرجال الفين ريال عشان اجدد المؤسسة وبعدين جاني من ثاني يوم وقال انت ليش ما اتاجر في السكراب وانا والله وقتها ما افهم وش السكراب وقلت وش السكراب قال السكراب شراء وبيع الحديد المستعمل قلت وش الفايدة قال الفايدة كتييييييييييير مدير قلت وانا داخل نفسي اقول ماوراه الا الدجة المهم الرجال مصمل قلت تدري شلون وين محلات السكرابات قال امش ( الرجال مومصدق اخذني على طول ) يوم رحت هناك ومريت عدة محلات وسئلت ورحت للشركة اللي راح اتعامل معاها في البيع فقط لان الشراء انتي او وكيلك هو اللي راح يحط عمال يشرون الحديد المهم دخلت على السوداني وتكلمت معه وقلتله ولاحظي وش قلت وهو وش قال قلت ياخي لو اخذت دينة جامدة 200000 الف ريال متى راح اسدد المبلغ ممكن على 3 سنوات الرجال رفع راسة وابتسم قال شكلك جديد في سوق السكراب قلت والله جديد قال الميتين الف هذي تسددها خلال ست اشهر ممكن اكثر وممكن اقل بصراحة انسطلت شوي وحمسني من جد للمشروع وقعدت سؤال ورا سؤال وتوارت عليه الاسئلة المهم الرجال ماقصر معي حتى الارض قالي حنا نوفرها لك وحنا نشتري الحديد منك بس عليك انت شراء الحديد وهذي شغلت الباكستاني اللي عندي او العامل اللي راح انتي تجيبينه يشتغل معك

الحديد لو شريتي حق مئة الف ((((ملاحظة ،،،،،،،كل ماارتفع راس المال كل ما صار الربح اكبر واوفر ))))))شلون الحين لو شريتي حق 100000 مايقارب 30 طن حديد وسعر الطن مثلا 1500 ريال وطلع عليك سعر الطن بـ 750 ريال يعني لو تبيعين الطن 1500 انت ربحتي 750 ريال في يوم واحد ولو بعتي 2 طن او 3طن او4 طن وعليك الحسبة وكلما ارتفع سعر الشراء كلما صار الربح خيااااااااااااااال



وسلامتكم اخوكم skooooot
19-12-1428 هـ, 08:56 صباحاً
 
االله يوفقكم ويرزقكم انشاء الله ويرزقنا والمسلمين امين
21-12-1428 هـ, 11:38 مساءً
 
والله وانا اشوف جارنا كل يوم يلقط من الشوارع حديد وكفرات ويبيعها للمحرقه مع انه تاجر
ويملك عقارات لاقبل والبنك مليان الظاهر من هنا بدا التجاره وهو متقاعد من ارامكواالله يوليه العافيه

اخوي سؤال السكراب هو الحرقه
26-12-1428 هـ, 05:12 صباحاً
 
للرفع
26-12-1428 هـ, 06:26 صباحاً
 


الساعة الآن 02:08 .