نكمــــــل


وفيه سوق في كوالالمبور لايفوتك يجنن لانه مو سوق بس حلو للتمشي ، السوق اسمه ذا ماينس وهو بعيد شوي بس غريب السوق مقسوم نصين وبينهم نهر ممكن تاخذين قارب ويمشيك في البحيره الموجوده داخل هذا المجمع ويمشي بك على امتداد هذا النهر اللي يقسم السوق قسمين ، السوق فيه جلسات قهاوي ومطاعم على امتداد هذا النهر
وفيه اشياء حلوه وبضاعات متنوعه ،،، بصراحه السوق خيال لايفوتك

وفيه ملاهي سن واي لاقون ممكن تاخذين فندق فيها او انك تروحين لها يوم كامل لانها تفتح لحد الساعه 6 المساء
وهي مدينه كامله فيها مجمع تجاري ضخم فيه صالة تزلج وماركات كثيره فخمة وبسيطه وفيه مطاعم اشكال والوان

اما بيننج


بصراحه ونيسه مره مره مره بس يبي لك قومه من الصبح ، لانها بالليل هاديه جدا بعد 12 مافيه شي تروحين له الا الجلسه بالفندق
وعندك فندقين هم الحلوات بصراحه والقريبات انصحك لاتاخذين غيرهم وهم فندق شنغريلا وفندق جولدن ساندز
وكلهم شواطئهم حلوه اسعارهم تقريبا مع الفطور 300 وشوي بس شنغريلا اغلا شوي بس كلهم على مستوى من الفخامه طبعا السعر مع الفطور اللي يجنن في مكان يطل على الحديقه بصراحه بيننج تهبل تهبل
وعندك ورا فندق جولدن ساندز على طول مطعم حلو مره واللي يشتغلون فيه مسلمين اسمه ناندوز اكلهم حلو ورخيص
وفيه مطعم علاء الدين العربي مااعجبني مره بس جربيه وهو على نفس الشارع
وبعد صلاه المغرب تمشي على طول هالشارع تلقين اشكال والوان من هالبضائع الرخيصه لحد الساعه 12
وهي اكشاك يضعها اصحابها بعد اذان المغرب على امتداد هذا الشارع وبعد 12 يشيلوها
واذا تبغين سواق مسلم وثقه ويعرف عربي في بيننج ارسلي لي على الخاص واعطيك رقمه

اما الاسواق فالفندق يسوي رحلات ثلاث مرات في اليوم للمنطقه التجاريه في اوقات محدده ويرجعك في اوقات محدده
اسواق بيننج مره رخيصه خاصه بالجزم وانت بكرامه واشياء البيت

وعندك سوق ميجامول لايفوتك
08-06-1424 هـ, 08:18 مساءً
 
نكمل


اما لنكاوي وماادراك ما لنكاوي طبيعه وجمال وهدوء يعني بجد مكان رائع للرومانسيه

بس اكثر من ثلاثه ايام لاتجلسين لانك بتملين من الهدوء

وعندك احلا فندق : فندق بلانجي بيتش اللي هو عباره عن اكواخ كل كوخ فيه غرفة نوم او غرفتين او ثلاثه او اربعه
بس الفندق من كبره تتنقلين له بسياره صغيره مثل سيارات نوادي القولف او بالدراجات

لما تجلسين على الشاطئ تاكدي انك بتاخذين راحتك لان الفندق كبير والاكواخ موزعه على مساحه كبيره على الشاطئ
والبحيرات الصناعيه التابعه للفندق
الفندق تحفه
وفندق موتيارا بيتش كمان حلو بس مو احلى من الاول مع انهم من فئات الخمس نجوم

وعيب فنادق لنكاوي انها بعيده عن قلب المدينه يعني مسافه ربع ساعه تقريبا

وفيها اسواق بسيطه اغلبها بضاعات محليه ومطاعمها وجبات سريعه فقط

وممكن تستاجرين لك قارب يمشيك على الجزر القريبه من لنكاوي وهذي الرحله تستغرق ثلاث ساعات
08-06-1424 هـ, 08:32 مساءً
 
على فكره اذا رحتي لكوالالمبور لاتنسين تحجزين لك ليله او ليلتين في جينتينج اللي فيها مدينه الملاهي ، وجوها بارد
وطبيعتها خيال فيها فندق اسمه جينتينج سعره حلو
08-06-1424 هـ, 08:34 مساءً
 
اهم ثلاث مدن ،،
1/ بيننج ،،،
هذي مدينه ساحليه ،، هدووء فظيع فيها ... قعدت فيها اربع ايام ،،

2/لانكاوي ،،،
مدينه للاستجمام ،،، قعدت فيها يومين...

3/كوالالمبور ،،
هذي العاصمه ، وقعدت فيها سبع ايام سكنت فندقين،، وهذي اسواقها عدي وخربطي ،، بس غاليه...
على العموم انصحك تتسوقين في بيننج ولانكاوي فيها بضاعه حلوه وروعه ورخيييصه...
اما العاصمه اسواقها حلوة وفخمه وماركات بسسسسسسسسسسسسس ناااار..
لاتسوين مثلي خليت كل شي للعاصمه واسواقها وبعدين ماقدرت عليها..

ونصيحه ثانيه ،،، لاتاخذين معاك ملابس شتويه ابدا ابدا ،،
اختي راحت قبلي ماليزيا وتقول جوها زين ، عاد يوم رحت انا في موسم ثاني ،، قالت لي خذي لك ملابس شتويه لانك بتروحين بايام برد ، وصدقت كلامها ،، وتعالي شوفي الورطه الكبييره ،

جو ماليزيا استوائي ،،، معتدل ورطب طوول العام وامطارها على مدار السنه ،، يعني جوها مايتغير..

سفر سعيد ،، بس الله يعينك على المشي والاكل ،، اكلت اشياء نيه واشياء مااعرفها وحاجات بتمشي ،،ههه
بس العاصمة فيها مطاعم عربيه،،، رجعت ديرتي عصله من قلة الاكل وكثرة المشي....

طبعا مافي احد راح ماليزيا بدون كاميرا فيديو وفوتو،، والا كانه ماراح...


في معلومه ،،، هناك وخصوصا العاصمه ،، نشاطهم واسوقهم تبدأ من 4 العصر إلى 9 الليل،،.

ماذكرت لك الفنادق والاسواق والملاهي والمنتزهات لان التكاسي والبكجات ماراح يقصرون معاك.
صدقيني بتستانسين فيها حييل ،، ولما ترجعين وتشوفين الاشرطه والصور ، راح تحسين انك رحتي عالم ثاني....
12-06-1424 هـ, 02:45 مساءً
 
خواتي حبيت اسال عن فندق اسمه سن واي لاجوون
حد فيكم سكن فيه؟؟وايش مميزاته؟؟وعيوبه؟؟
لاني شفت ان فيه مميزات مثل الملاهي والسكيتنغ..بس مادري وين موقعه؟؟
اذا بعيد ولا وسط الاسواق؟؟؟
14-06-1424 هـ, 11:47 صباحاً
 


الساعة الآن 09:40 .