يعطيك العافية وتسلم الايادي اللي عاملتها

عيدكم مبارك وكل سنة والجميع الى الله اقرب
09-12-1428 هـ, 03:16 مساءً
 
جزاكم الله خير خواتي على المرور والتعليق الطيب منكم

.. نبدأ بسم الله الرحمن الرحيم بالطريقة الجوزيه المالحه :




المقادير :
2 كوب ونصف طحين جميع الاستعمالات

كوب ونصف نشا ( كورن فلور )

ملعقه صغيره ملح

2 ملعقه صغيره ممسوحه بيكنج بودر

3 بيض

1 وثلاث ارباع القالب زبده حجم 250

تعجن جميع المقادير وتشكل في الة الجوزيه وتحشى بحسب الرغبه انا حشيتها

بالبنه وزيتون صغير مقطع ورشية على الوجه سماق

ولبنه ونعناع جاف وعلى الوجه رشية زعتر

وجبنة كيري وخاطة معاها فلفل بارد مقطع وعلى الوجه جزر مبشور

تراها سهله ولذيذه وسهل انك تغيرين بالحشوات مثل ما تبغين .. وبالعافيه عليكم
09-12-1428 هـ, 04:04 مساءً
 
طريقة اصابع الزعتر سهله جداااا ولذيذه



نحتاج عجينة الجلاش المربعات الصغيره وناخذ بس شريحه واحده فقط ونمسح عليها بزيت

الزيتون وبعدين نرش عليها زعتر اذا حبيتي اضفتي ليه سماق او دقه يعني ( دئه )

وبس لفيها مثل السيجاره وصفيها بصينيه كبيره ومدهونه بقليل زيت ودخليها الفرن مع

المتابعه جيداا لانها بسرعه تستوي وما تاخذ وقت اول ما تحمر طلعيها ونتظريها تبرد وصفيها

في طبقة للتقديم .. بالهناء والشفاء
09-12-1428 هـ, 04:10 مساءً
 
مره روعه ماشاء تبارك الرحمن الله يحفظكــ

حاولي في اقرب فرصه تحطين الطريقه...

بأنتظارك يالغلا دمتي برعاية الله وحفظه..
09-12-1428 هـ, 04:23 مساءً
 
طريقة حلو التمر




المقادير :

عجينة الجلاش المربعات الصغيره

وزبده مقدار ملعقه كبيره واحده

كميه من التمر المنزوع النوى والمعجون

لوز محمص قليلا ومدقوق بحيث يكون كانه مجروش مش ناعم

ملعقه صغيره من الهيل والدارسين وملعقه كبيره ماء ورد وممكن انا نزيد كمية الماء الورد

مقدار من الزبده السايحه

الطريقه :

ناخذ التمر ونخلطه بالزبده ونحطه على النار مع التحريك حتى يلين قليلا ثم نلبس قفاز ونخلطه

معاه الدارسين والهيل وماء الورد .. وبالاخير نظيف الوز بس كثرو كمية اللوز لانه بيكون

احلى مع التمر

وبعدين ناخذ شريحه من الجلاش ونمسحها بالزبده السايحه وبعدين ناخذ شريحه ثانيه

ونمسحها بالزبده ( ممكن تستخدمين الزيت لو حبيتي )

ونلف التمر مثل الاصبع ونحطه بطرف الجلاش ونلفه رول صغير .. وبعدين نقطعه لثلاث قطع

صغيره ونصفه بصينيه مدهونه ونمسحه بالقليل من الزيت وندخله الفرن لفتره بسيطه ويكون

تحت الملاحظه ولحد ما يحمر ونصفه في الصينيه بعد ما يبرد .. وبالعافيه عليكم

والحين اسمحو لي باصلي المغرب وان شاء الله ارجع لكم بالليل اكمل اخر طبق
09-12-1428 هـ, 04:38 مساءً
 


الساعة الآن 03:51 .