اهليييييييييين بنات حواء وكل عام وانتم بخير
انا لي يومين مسنتره على قناة فتافيت ومعي دفتري واسجل ..الصراحه اللي مشجعني اني كنت صايمه وجوعاااانه وبس اتشهوا اسوي هذا ولا هذا خخخخخ
المهم اني طلعت لكم بكم وصفه
واللي عندها وصفه من هالقناه ياليت تحطها في الموضوع
معليش بنات انا حاطه الوصفات من دون صور لاني ما اعرف احطها


((كرات اللحم المحشيه بجبن الموتزاريلا على الطريقه الايطاليه))
المقادير
لحم مفروم <<الافضل يكون خليط بين لحم الخاروف ولحم البقر عشان يكون جامع بين الطعم وليونه اللحمه
خبزتوست مقطع ومربص بحليب
جبنه بارميزان مبشوره
جبنه موتزاريلا
شويه بقدونس
شويه ريحان
بيضيتين
فصين ثوم
بندق مجروش جرش ناعم
ملح و فلفل اسود
بقسماط
فطر مقطع شرائح
5 طماطات
زيت زيتون

الطريقه
نقطع البقدونس مع الريحان والثوم تقطيع صغير ونعجنه مع اللحمه
نضغط الخبز لين نطلع منه كل الحليب ونضيف لهم
نضيف البيضتين وجبنه البارميزان والبندق المجروش ونخلط
نضيف الملح والفلفل ونخلط
بعدين نكورها ونخلي فجوه بوسطها ونحشي فيها جبنه الموتزاريلا << على فكره ترا الجبنه قطع مو مبشوره
ونرجع نكورها ونغطيها بالبقسماط
ونحمرها على النار بشويه زيت زيتون لين ما يتيغر لونها
بعدين نرصها بصينيه بايركس

واللحين بنسوي الصوص اللي فوقها
نجيب الطماطات نقطعهم ونظغط عليهم بالشوكه لين ماتكون نصف مطحونه ونضيف عليها زيت زيتون ونتبلها بملح وفلفل
على الجهه الاخرى نقلي الفطر المقطع شرائح بزيت الزيتون لين يحمر ونضيف خليط الطماطم ونخليهم شوي على النار بعدين نحطه فوق كرات اللحم وننثر فوقهم بقدونس وريحان وجبنه موتزاريلا ونحطه بالفرن لمده 35 دقيقه

وبالعافيه
الوصفه الاخرى وهي
(( الريزيتو))
يييم يييم وهو رز على الطريقه الايطاليه انا مرره احبه وهو له اكثر من نكهه ممكن تضيفين له اي نوع من اللحم تحبينها سواء دجاج او لحم او ربيان ودايما اطلبه من المطاعم الايطاليه بس انا احبه بالفطر والربيان
بس انا اليوم جايبتلكم بنكهه ثانيه
المقادير
رز قصير الحبه و ممكن تستخدمون الرز المصري
زيت زيتون
بصل ابيض مقطع مكعبات صغيره
فلفل رومي اصفر مقطع مكعبات صغيره
فلفل رومي احمر مقطع مكعبات صغيره
ثوم
زعتر فرش
مرقه دجاج
دجاج شرائح صغيره او دجاج مفتت
شويه بصل اخضر مقطع صغير جدا
جبنه بارميزان مبشوره
قطعه زبده صغيره
ملح وفلفل اسود

الطريقه
يابنات السر بتحضير الريزيتو هي بالتحرك يعني تظلين تخلطين فيه لين يخلص
اول شي تحطين في القدر زيت الزيتون والبصل والفلفل بالوانه والملح والفلفل الاسود وتخلينه شوي على النار
تضيفين عليه الرز وتقلبينه لين يتداخل في الزيت ويعطيه لون ويكتسب طعم الخضار
بعدين نضيف الثوم المدقوق والزعتر << انا صراحه ما حصلت زعتر طبيعي فحطيت شوي جاف
ونحرك
ثم نضيف مرق الدجاج على ملعقه ملعقه مثل ملعقه الشوربه ونظل نخلط فيه لين ماينضج الرز
بعدين نضيف الدجاج والبصل الاخضر
ونحرك
ونضيف جبنه البارميزان المبشوره ونحرك << انا شفته يحط حوالي ملئ يده مرتين
ونضيف قطعه الزبده ونحرك
بعدين يييم ييم
بالعافيه
مراحب شعولي ..

الله يعطيك العافيه , فكرتك حلوة ..

أموت بهالقناه بس مايمديني اكتب شي , لانو ياادوب اقرأ الترجمه

الا وشالوها !!!!

انا اتابع مارثا ونيجيلا اكثر شي .. وكلها ترجمه .. يعني آخذ افكار

ومعلومات ع الماشي وبس..
(سبحان الله وبحمده,سبحان الله العظيم)
الوصفه الثالثه
كرات الدجاج المقرمشه بصلصه الريمولاد
المقادير
هذي الوصفه تستخدم اذا عندك بواقي دجاج او لحم وماودك تكبينه حرام ممكن تسوين فيه هذي الوصفه
او تسلقين دجاجه وتفتتينها
بصل مقطع مكعبات صغيره
فلفل رومي مقطع مكعبات صغيره
كرفس مقطع
ثوم مدقوق
اوراق الثوم تقطيع صغير << لا تسئلوني من وين نجيبه تراني ما اعرف
ماسترد (خردل)
مايونيز
بيضه
بقسماط
ملح
فلفل احمر بودره (تتشيلي)
زيت نباتي
الطريقه
نحمي قليل من الزيت في المقلاة ونحط عليه البصل الفلفل الرومي الكرفس ونقلب
بعدين نضيف الثوم الفلفل البودره والملح
ونقلبهم شوي بعدين نرفعهم من على النار
وعلى الجهه الاخرى نجيب الدجاج المفتت ونضيف عليه اوراق الثوم ,الماسترد ,المايونيز ,البقسماط ,البيضه ونضيف خليط الخضار اللي رفعناه من على النار
نعجنهم مع بعض ونكورها ونغطيها بالبقسماط ومن ثم نقليها بالزيت النباتي

والان نحضر صلصه الريمولاد
تحطين في الخلاط الكهربائي
بيضه
ماسترد
كريو ماسترد << لا احد يسألني
ثوم
حبه فجل
عصير ليمونه
شوي بصل اخضر
صوص الهوسيهي << برضو لا احد يسأل
شوي من شطه تباسكو
وهو قاعديخلط بالخلاط نضيف شوي شوي زيت الزيتون لين ماتوصلين للقوام اللي تبغينه
على فكره الصوص هذا يصلح للأكلات البحريه
المهم نرجع
نجيب بيضه مسلوق ونقطعها مكعبات
وبقدونس ونفرمه
وبذور الكبر ونخلطه مع الصوص اللي طلعناه من الخلاط

طريقه التقديم نضع في الطبق صوص الريمولاد ونضعه فوقه الكرات المقرمشه
وبالعافيه
مرحبتين قاروره مهشمه
انا صراحه من اول ماحطو القناة وانا مو عارفه اغيرها ههههههه
هلا فيك حبيبتي


الساعة الآن 07:37 .