السلام عليكم و رحمة الله و بركاته
يا بنات الله يخليكم اللي تعرف طريقة منزلة البادنجان ما تبخل علي فيها
و الله يجزاكم الخير
وكل عام وانتم بخير
للرفع
مشكوره
معقول ولا وحده بتعرفها؟
اختي احنا بنعملها بطريقة لذيذة و سهلة ان شالله تكون هي اللي قصدك عنها

بتقلي لحمة مفرومة لحد ما تتنشف ميتها و بتبهريها بملح و فلفل و بهار و قرفة على حسب الذوق طبعا
بتقطعي باذنجان مكعبات و بتقليه و بتخليه يتصفى من الزيت
كمان بتفرمي فلفل اخضر و بصل و توم و بندورة ..
بتقلبي البصل و التوم و اللحمة المفرومة بالزيت بس لا تكتري زيت لانه الباذنجان كمان رح ينزل منه
بعدين بتضيفي الفلفل الاخضر .. ضيفي مكعب ماجي او ملح و بهارات بداله زي ما بتحبي
ضيفي الباذنجان و البندورة و اغمريهم مي و لما تغلى وطي النار و غطي الطنجرة و خليها بس نص ساعة
في ناس بيعملو جنبها رز ابيض و ناس بياكلوها بخبز و بالحالتين طيبة
و في ناس ما بحطو فيها لحمة مفرومة بحطو حمص حب مسلوق
يعني في كتير طرق انت اختاري اللي بيعجبك
رب اجعلني مقيم الصلاة و من ذريتي ربنا و تقبل دعاء
رفع
الا بذكر الله تطمئن القلوب


الساعة الآن 04:30 .