السلام عليكم

بغيت أسألكم عن أفضل طريقه لشوي السمك بالفرن

وش هي أفضل أنواع السمك اللي نقدر نشويها بالفرن ؟؟؟؟؟؟

وأكون لكم شاكرة

أختكم , رجـــاوي
انا والله مااعرف بس اعرف طريقة القلي مثل البروست وشكرا ياااااااارب احد يفيييييييدك
اختي رجاوي السمك الكبير افضل شي للشوي عندنا بالكويت نشوي الهامور او النقرور الاصغر شوي اول شي القشور ماتنشال ولازم الشق يكون بالظهر عكس طبخ السمك للرز ينشق من البطن يتنظف وينغسل ويفرك داخله بالخل واتركيه لحين تجهيز الحشو ويتكون من بصل مقطع صغير وثوم مهروس كزبرة وشبنت مفرومين فلفل اخضرمفروم بارد او حار حسب ماتحبين اخلطيهم وحطي بهارات ناعمة اذا عندك مخلوط جاهز او استعملي فلفل اسود +ليمون اسود(لومي)+كمون +دارسين+مسمار+ملح............اغسلي السمكة من الخل واذا عندك ملح ليمون افركي بطن السمك فيه واحشيها بالحشوة اللي سويتيها الحين جيبي خيط مايكون نايلون او قطعة خام وقصيها مثل الخيط واربطي السمكة فيها ..........سوي مريس تمر يعني تمر وضيفي له شوي ماي حار واهرسيه انا احب اضيف له تمر هندي يعطي حموضة للسمكة وادهني السمكة بمريس التمر حطي السمكة على شبك الفرن وتحته صينية وغطيها بقصديرشغلي الفرن حامي ربع ساعة وبعدين وطي الحرارة تاخذ تقريبا ساعة اذا كانت حجمها كبير قبل التقديم شيلي القصدير وخليها تتحمر شوي............وبالهنا والعافية
بصراحه انا احب الهامور بس يكون فيليه

واشويه على شوايه خاصه روعه من بندا

يسلمك ربي
يعطيكم الف عافيه

ومشكورين للطريقه

وردكم يالغلاااا


الساعة الآن 01:58 .