مرحبا اخواتي هاي اول مشاركة الي بتمنى تعجبكو وتقبلوني في هالمنتدى الي من زمان وانا احاول واسجل وما كان يزبط معي
حابة احكيلكم عن كذا خلطة جربتها وعجبتني واستفدت منها مع الاعتذار لصاحبات الخلطات لاني ناسية اسمائهم
اول خلطة للوجه : طحنت كمايات متساوية من الحلبة والعدس الاصفر والشوفان ثم خلطهم مع بعض ووضعتهم في مرطبان زجاجي في الثلاجة ، عند الاستخدام اخذ ملعقة صغيرة من الخلطة واضع عليها القليل من اللبن وعصرة ليمون وبتركها تتخمر لمدة ساعتين على الاقل او أكثر ، راح تلاحظو حبيباتي انه الحلبة الي فيها كأنها نفشت وذلك لوجود الكورتيزون الطبيعي فيها وبعدين بدهنها على الوجه واخليها لمدة نص ساعه الى ساعه كاملة ومن ثم تزال بالماء الفاتر وبتمرري قطعة ثلج بعديها راح تلاحظي صفاء ووجهك نور واذا استمريتي ثلاث ايام ورا بعض راح تلاحظي انه وجهك اتملى ونفخ
تاني خلطة للجسم : خلطت مقدارين من فازلين الاطفال ومقدار من بودرة جونسون للاطفال ومقدار من الجلسرين السائل وحفظتها بمرطبان بلاستيك ، بعد الحمام مباشرة ادهن جسمي مع التدليك راح تطلع منك ريحة زي البيبي بتجنن وتحافظي على نعومة وطراوة جلدك
تالت شي برضه للجسم : استخدمت زيت الزيتون الاصلي مع الملح لخشن اقوم بفرك جسمي قبل الحمام فيهم بعد ما اشيل بالحلاوة راح تلاحظي محل منابت الشعر صار احمر من تأثير الملح بس لا تخافي راح يروح تاني يوم بالكتير ويصير جسمك ناعم بجنن وما ننسى فوائد زيت الزيتون وكمان لاحظت انها اخرت طلوع الشعر بجسمي
رابع شي للهالات السوداء : استخدمت زيت اللوز الحلو ، قبل ما انام بدهنهم بزيت اللوز الحلو وفعلا بعد فترة راحت الهالات السوداء بس انتبهي ازا بطلتي تدهنيهم راح ترجع ، خليها عادة عندك قبل النوم
خامس شي : بتمنى تنول الخلطات اعجابكم وتتقبلوا اول مشاركة الي بهالمنتدى الحلو
وشكرا حبيباتي
leena2020 @leena2020
عضوة نشيطة
يلزم عليك تسجيل الدخول أولًا لكتابة تعليق.
سمارا.
•
مشكورة حبيبتي على عرض تجاربك
الصفحة الأخيرة