حجابي عفافي ..
ما شاء الله عليك اختي معلوماتك وافية وكافية ما قصرتي الله يعطيك الصحه والعافية .. وجزاك الله خيرا ..
بس سؤالي عن قدر الضغط كيف استخدمه وما هو احسن نوعية ؟؟ لاني سمعت عنه انه صعب جدا في الطبخ وما يستوي معه الاكل تمام ..

مناية 21 ..
شكلها طريقتك جدا مريحة لاني عن جد استثقل من طبخ الكشنة .. لان كفاية بس ريحه البصل فيها .. بس ما تخترب ؟؟؟ اذا جمدتها ؟؟ واخليها تبرد بعد ما تستوي بعدين اجمدها ؟؟ واذا حبيت اطبخ منها اخذ اللي ابغيه واذوبه بعدها اطبخه ؟؟ صح الطريقة ؟؟ بس سين سؤال اللحين اذا رحت الدوام انزلها تحت الثلاجه عشان تذوب على مهل ؟؟ واذا رجعت من الدوام اطلعها بره ؟ او اذا رجعت من الدوام سيده اطلعها من الفريزر واطبخها بعد ما تذوب ؟ وجزاك الله خيرا ووفقك وبارك الله فيك .. وان شاء الله اجربها وبدعي لك من كل قلبي ..

صافي الود ..
بالفعل التنظيم يجعلك تستغلي الوقت الضايع .. وافكارك رووووووعه وان شاء الله من اليوم بسوي الجدول للاسبوع كله .. والخضار فكرة تقطيعها من الليل اعجبتني جدا .. شكرا جزيلا لك وجزاك الله خيرا وبارك الله فيك ..

mhs6793
اهلا فيك اختي .. انا مشكلتي ان حصصي تكون بالاخير وقت الصلاة ولا اقدر اصليها في المدرسة .. الشكوى لله .. .. لكن قدر الضغط ما عمري فكرت اجربه ياريت تعلميني كيف استخدمه اذا ما عليك كلافة ..

الغريبة ..
شكرا جزيلا لك اختي .. لكن قدر الضغط ما عمري فكرت اجربه ياريت تعلميني كيف استخدمه اذا ما عليك كلافة ..

ماكو اسامي ..
طريقتك عملية جدا واعجبتني وحسيتها سهلة يارب مع التطبيق تصير اسهل واسهل .. احلى شئ فكرة المكرونه والسلطة والمشاوي .. روووووعه .. جزاك الله خيرا ووفقك وبارك الله فيك ..وعن تجميد رمضان ان شاء الله ابحث عنه واطبعه عندي .. انا اتبع طريقة السمبوسة والكبة والسبرنغ رول .. بس المشكلة ان الغذا زوجي ما يحب الا العيش والغذا الثقيل والا هذا ما يصير عنده غذا .. فطور شكرا جزيلا اختي ..

فتافيت سكر نت ..
ما شاء الله اختي كنت داخله ملفك الشخصي واتابع مواضيعك بس للاسف ما تطلع لي الصور بس من الصورة اللي في توقيعك تبين براعتك بالطبخ وشكرا على معلوماتك المفيدة .. افادتني جداااااا واذا تعلميني عن قدر الضغط كيفية استخدامه بكون شاكرة لك ..

هناء _الكويتية ..
شكرا لمرورك اختي وبالفعل البنات ما قصرو جزاهم الله عني خيرا ووفقهم ..


بنات ابي اسألكم وبكون اشويه طماعه ..
برأيكم وش هي الطبخات والوصفات السهلة اللي ممكن انفذها يعني عندي 5 ايام ممكن تساعدوني في وضع مينيو غذانا بس يكون سهل وسريع تحضيره ..
هلا والله


واستخدام قدر الضغط بسيط بعد ما تحطين الماء وخلصتى سكرى الغطاء زين ثم حطى السداده اللى يطلع منها الهواء

وسكريها مع المقبض اللى فوق سكريها زين وخليها تطبخ وبتشوفين الهواء يطلع مع السداده

للدجاج يكفيها ربع ساعه

وللحم على حسب اذا قطع كبيره ساعه واذا صغير نصف ساعه

ولما تنتهى المده افتحى السداده وخلى الواء كله يطلع واذا خلص الهواء مررررررره افتحى الغطاء

وافضل الانواع سيب وهذا اللى استخدمه الان



اهئ اهئ

اما صورى الشكوى لله


صار تعديل فى صفحات المنتدى وصورى خلاص رااااحت وليست عند فى الجهاز علشان ارفعها

مره ثانية



الله يعينك ويسهل أمرك ..
بس أهم شئ وش يحب زوجك علشان تنظمين المنيو ..
بس فيه أشياء مهمه علشان الوقت مثلاً ..
الرز طلعه من الليل (( يعني انقعيه في مويه ودخليه الثلاجة )) مايضره وتطلع الكبسة وااااو
اللحم أو الدجاج نفس الحكاية طلعيه من الليل ودخليه الثلاجة ..
الخضارتكون مغسلة ومقطعة وجاهزة ..
وأهم شئ وش تبغين تصلحين (( يعني تكونين مجهزة في بالك الطبخة )) تسهل عليك الوقت موب تقعيدين ساااعة تفكرين وش تصلحين ويطيررر الوقت عليك
وبالتوفيق يالغلااااا ..

XxX ربــــي اغفر لــــي ولوالــــدي ولزوجـــي وللمسلمين آجمعين XxX
أنا لما كنت موظفة كنت أسلق الدجاجة بالليل وادخلها الثلاجة هي وقدرها ومويتها

واذا جيت من بكرا طلعتها وسخنتها على بال ما ابدل واصلي تكون سخنت واكب الرز

ما تآخذ غير نص ساعة او ساعة الا ربع

بس في اوقات الفراغ جهزي بصل شرايح مقلي مع زبيب ومكسرات لوجه الرز حطي كمية تكفي اسبوع وحطيها بالثلاجة
اللهم لك الحمد كما ينبغي لجلال وجهك وعظيم سلطانك

أستغفر الله العظيم الذي لا إله إلا هو وأتوب إليه


الساعة الآن 02:30 .