اختي غلا الروح بتكلم وياش بالعامي شوي وان شاء الله تفهميني علي عدل اني مو موظفة بس فعلا جربت اجمد او اطبخ من الصبح قبل لا اروح المعهد او النادي الرياضي بكتب اليش طبخات سهلة بس ادعي ليي اضعففففففففففففففففف
طبعا هذه الاشياء يا تسوينهم العصر او تسوينهم ايام الاجازات
1- اخذي لحم مفروم او دجاج وفرميه وضعي وياه سواء كان دجاج او لحم هذه الاشياء ( بقدونس بصل ثوم ) وافرميهم بالماكينة بعد ما يستوون كوريهم وغمسيهم البيض وفتات الخبز الى الدجاج اما اللحم لا تحطين فيه بيض وفتات الخبز . وحطيهم بعلب بلاستيكية وجمديهم ولما ترجعين من المدرسةاذا بتسوين لحم حطيه في الفرن او دجاج اقليه وقدميه مع الخبز او الارز.
2- تعرفين القيمة ( لحم مفروم) سويها وثلجيها وقبل لا تروحين المدرسة طلعيها من الفريزر وعندما ترجعين سخنيها.
3- سوي صالونات ( صالونة دجاج صالونة لحم ) وجمديها وطلعيها قبل لا تروحين المدرسة
4- اذا حابة تسوين معكرونة باشميل سوي الحشوة سواء أكانت دجاج او لحم وجمديها ويوم الي خاطرش تسوين معكرونة سويها قبل بيوم واحد طبعا تكون عندش الحشوة جاهزة وسوي المعكرونة بدون ما تحمرينها وحطيها بالثلاجة ويوم ثاني بعد الدوام سخنيها داخل الفرن.
5- عندك قدر الضغط من ما قالو الاخوات تحطين الدجاج بالتتبيلة بدون ماء وتخلينة من 10-15 دقيقة بعدين حمريه داخل الفرن، او تسوين الدجاج من الليل ويوم ثاني بس تحمرينه.
اذا تذكرت شيء ثاني برجع وباكتبه وحاولي تكتبين الاشياء الي خاطرش تطبخينها
19-12-1428 هـ, 04:43 مساءً
 
فتافيت سكرنت ..
جزاك الله خيرا على الطريقة السهلة للقدر وشجعتوني بصراحه اشتريه ان شاء الله اجازة نهاية الاسبوع اروح ادوره وأسأل عنه .. ويالله عوضينا بطبخات جديدة حلوة بدل القديمة اللي راحت ..

سمراء ..
زوجي يحب الاشياء الثقيلة المجابيس البرياني الصالونة المقالي يعني ما يدخل رأسه غذاء بدون رز شئ ضروررررري .. وصدقتي لابد احدد قبل عشان لا اتوهق ... شكرا لك اختي على نصائحك وجزاك الله خيرا ..

( جود الجود )...
شكرا لك اختي نصائحك استوعبتها وان شاء اطبقها واعي لكم كلكم يا احلى بنات حواء .. والله يرزقك بالطفل السليم المعافى اللي يبرك ويفرح قلبك ..

ام سيد علي ..
اهلين اختي والله تعبتكم معي بس الطبخات اللي قلتيها ما تدخل رأس ابو الشباب لانه دقة قديمة في الاكل يبغا الصالونات المجابيس البرياني المقالي الخ .. وهاذي مثل ما تعرفين تأخذ وقت وان شاء الله باجر بسوي له دجاج مقلي تحت القاع بس بفوح الدجاجه واغليها من الليل لما تستوي اخليها تبرد وبعدها ادخلها الثلاجه .. واذا رحت للدوام اغسل العيش واخليه ينقع لما ارجع اسويه بمرقة الدجاج والدجاج اقلي له الو وطماطم .. وش رأيك بأول طبخه .... وتنظيمي لها ؟
وياربي تضعفين وتصيرين رشيييييييقة وانا امتن واصير مربربه هههههههه .. والله يعطيك الصحه والعافية وجزاك الله خيرا ووفقك وياربي ما تكملين شهر والا وزنك الزايد كله تخلصتي منه ..
19-12-1428 هـ, 06:10 مساءً
 
شوفي ياقلبي ....انا هاذي الطريقة معتمدتها من سنيين وانا موظفة وماشاء الله تبارك الله ماعندي شغاله..اللي هي طريقة الكشنه وطعمها مايخرب ابدا في الفريزر بالعكس والله يطلع منها رز يجيب العافيه ماتشبعين منه .. طبعا خليها تبرد بعد التسبيك بعدين دخليها الفريزر انا احط قد ملعقتين غرف كبار في كل كيس..

تجين من الدوام تخرجينها من الفريزر علي طول وتحطين الدجاجة معها في القدر وشويه موية وتطبخينها الين ماتستوي اذا تبغين تضيفين هيل ومسمار وقرفه عشان الرز انتي ماحطيتيه في الكشنه عشان تقدرين تستخدمينها في طبخات ثانية عبال ماتستوي الدجاجة غسلي الرز ونقعيه شوي بعدين شيلي الدجاجة وحمريها في الفرن وحطي الرز وقللي المويه يادوب تغطي الرز وفي الضغط ..

علي فكرة انصحك تاخذي باميه علي الزيرو مكتوب عليها كذا تجي مجمدة في السوبر ماركت لانها جاهزة علي طول تطبخينها وكمان ملوخية مونتانا .عن تجربه

كمان السلطات بصراحه لما مايكون عندي وقت اكتفي احط مخللات شكلين علي السفرة تعجب زوجي بدل السلطة مع الرز مثلا مخلل خيار ومخلل هندي مشكل كله جاهز من بنده..

واذا تقدري تقنعي زوجك انكم علي طول تناموا واذا صحيتي تقومي تطبخي علي المغرب مثلا يصير غدا بعشا في نفس الوقت لان الطريقة هاذي قعدنا عليها فترة وناسبتنا مرة ..

موفقه..الله يكون بعونك
19-12-1428 هـ, 08:09 مساءً
 
ما شاء الله البنات ما قصروا

وعندي لك طريقة اكل كفتة وخضار مشوية بكيس الفرن نص ساعة وهي مستوية والرز يطبخ فوق نص ساعة يعني غدا بنص ساعة انا الطريقة اسويها لما ابغى اسوي غدا سريع وشهي
وطبعا الخضار قطعيها وتبليها قبل بفترة والكفته بعد جهزيها قبل
ومثلها الكرونة باللحم المفروم البولنيز
20-12-1428 هـ, 01:54 صباحاً
 
هلا اختي غلا الروح بالنسبه لقدر الضغط سهل جدا استخدامه انا عندي اثنين تيفال ونوع اسمه سفلر او زي كذا بس مرتاحه على تيفال مره ممتاز وسهل التعامل معه عادي الدجاجه بعد ماتحطينها على الكشنه حطي المويه وسكري عليها ولفي المؤشر على صورة الدجاجه ربع ساعه تقريبا واللحم ياخذ وقت اطول تقريبا نصف ساعه بعدين كبي الرز وماياخذ وقت ولاتكثرين الماء لان قدر الضغط مايحتاج مويه كثير بينخبص الرز لو زادت المويه وتقدرين تسلقين الدجاجه في مويه وملح وماجي ابيض وبعد ماتنضج ارفعيها في صينية الفرن وحطي على وجهها خلطه مكونه من مايونيز وكاتشب وثوم ادهني الدجاجه وحمريها في الفرن وحطي على مرقة الدجاج كيس من ملوخية السنبله او مونتانا وبعد ماتطبخ اضيفي لها ثوم مفروم ومحموس مع كزبره وسوي معها رز ابيض وسلطه وممكن يوم تسوين مضغوط دجاج او لحم وممكن يوم تسوين برياني شوفي مواضيعي فيه طريقتي في البرياني سهله وسريعه ويوم سوي كبسة خضار ويوم رز ابيض وصينية دجاج وخضار في الفرن عطيتك خمس خيارات ان شاء الله تعجبك ولاتنسين اهم شي عند النوم سبحي الله 33 واحمدي الله 33 وكبري الله 34 وصدقيني بيتنظم وقت وبيخلص شغلك بسهوله وهذي وصية الرسول صلى الله عليبه وسلم لابنته فاطمه عندما ارادت خادم
20-12-1428 هـ, 07:06 صباحاً
 


الساعة الآن 04:42 .