مناية 21 ..
مشكورة يا قلبي وضحت الرؤية وبصراحه تشجيعكم لي حمسسسسسسسسسني جدا وان شاء الله راح اطبق عملي اللي قلتوه .. بس ما عليه خذيني على قد عقلي ولا تضحكين علي لان الكشنة اللي تقولون عنها احنا نسميها غير ... فبقولج طريقتها وقولي لي هاذي هي لو لا ؟
نفرم البصل او نقطعه شرايح ونحمسه اشويه لما يتغير لونه ونضيف له الفلفل البارد الاخضر ونقلبه لما يذبل ونضيف له الطماطم المقطعه ونقلب بعدها البزار والبهارات والملح .. صح هاذي الكشنة لان احنا نسميها الحمسه .. والبامية شاريه منها .. وفعلا اريح من الطازجه ..
واما فكرة النوم وبعدها نتعشى فمستحيلة على ابو الشباب هههههه ما يقدر يتحمل الجوع وانا بعد حامل ومو زين اجوع نفسي فترات طويلة .. والمخلل فكرته حلوة كنت ناسيتها لانها مرة سببت اسهال لابني وقطعناها فترة بس برجع اخلي منها .. جزاك الله خيرا ووفقك ما شاء الله عليك عيني عليك باردة راعية بيت سنعه وافكارك روووعه .. شكرا جزيلا ..


ينابيع الفجر ..
ممكن طريقة الكفته اذا ما عليك امر لاني ساعات احب اسويها بشوف نفس طريقتك لو انتي اسرع .. ومشكورة اختي على اقتراحاتك جزاك الله خيرا ..

حجابي عفافي ..
احيي فيك اختي روح المبادرة في مساعدة اخواتك والله اني سعيدة بردودكم لي واقتراحاتكم اللي ما حصلتها من القريب .. لكن ربي ان شاء الله يوفقكم ويرزقكم على قد نياتكم .. اختي بالنسبة للكشنة انا كتبت فوق طريقتها اللي اعرفها فياريت تشوفيها اذا هي لو لا ؟ لان احنا نسميها غير .. وبالنسبة لاقتراحاتك فأغلبها ياز لي وان شاء الله اجرب البعض منه .. وعاد اذا بغيت طريقة من الطرق ممكن اطرش لك عالخاص اسألك لاني من زماااااان لي فترة ما طبخت ونسيت بعض الاشياء .. وطريقة التسبيح والتكبير والحمد مجربة فعلا مفيدة جزاك الله خيرا اختي الكريمة .. وبارك الله فيك ..
انا غير موجوده


هلا اختي بالنسبه للكشنه تقريبا هي نفس طريقتك الا اني ما اضيف لها فلفل اخضر لان بعض الاكلات ما اضيف لها فلفل اخضر يعني بس اقطع كمية بصل واحمسه بعدين اضيف عليه كمية طماط مطحون وصلصه واخليه يتسبك واضيف الملح والفلفل الاسود والبهارات وبعد ماتبرد اعبيها في اكياس صغيره على قد كل طبخه وادخلها الفريزر واذا احتجتها بس اطلعها وعلى القدر يعني مايحتاج حمس وحوسه وعلى طول اضيفي لها الدجاج او اللحم حسب طبختك
انا جربت هالطريقه في رمضان كانت تساعد كثير وتقدرين حتى تسوين صلصة البيتزا ونفس الشي على الفريزر واذا احتجتيها تكون جاهزه بس تذوبينها
ومشكوره على دعواتك الحلوه الله يسعدك ويوفقك
الكفتة اسويها بعدة طرق وحسب المواد المتوفرة بس اسرع شي وباقل مواد ثوم مفروم ولحم مفروم وملح وفلفل اقرصها واحطها بالفرن
حجابي عفافي وينابيع الفجر ..

جزاكم الله خيرا وشكرا جزيلا على نصائحكم ووصفاتكم الحلوة ..

وراح اجرب الكشنة المجمده وادعي لكم ان شاء الله تضبط معي ..

بارك الله فيكم جميعا
انا غير موجوده


الاخت حجابي عفافي شنوا لصلصة اللي مع الكشنة لو سمحتي
سبحان الله وبحمده وسبحان الله العظيم

بنات أرجوكم أدعوا ان الله يهدي ويثبت جميع المسلمين والمسلمات والمؤمنيين والمؤمنات علي دينة


الساعة الآن 02:40 .