السلام عليكم

المسافرة حبيبتي من تواضع لله رفعة .....كل هالاكلات وما تعرفين مستحييييييل ))))))))))))

Essence لا شكر على واجب ......نحن خوات ولازم نساعد بعض
بس لاتنسينا اول ما تعرفين بلاليط احمد خبرينا اول مرة اسمع عنها
واي شي تسوينة ويطلع حلو خبرينا

انا عندي تجاااارب مع طبخنا يضحك :24:
مرة سويت البلاليط طلع عجين ...فتعلمت انة لا يطبخ كثيرا
ومرة سويت ساجو من منتدى بالشكر المحروق اول مرة اسوية بالمقادير
طلع حلوو بس مررررررررر فقالت امي على الزبالة على طوووووووول بدون تفاهم ))))))))))))
وسويت الجباب ...ولم يذكر في الكتاب انة يختمر ...مع ان امي قالتلي لازم يختمر
انا مشيت حسب الكتاب طبعا ......فطلع نوع جديد من الجباب وكان اخر مرة
وسويتة مرة من وحده تعلمتة بس ما ذكرت الماء فطلع صنع تايوان مش الامارات )))))))
وعيش المجبوس يطلع خبيصة مب نثري فتعقدت
وسلامتج توقف الابداع عند هالحد )))))))))
والله يستر
يكفي علينا الهنود ينافسونا وطلعوا اشطر عنااااااااا :)))))))))))))))))


الصدي عجبتني طريقتج في اللقيمات وخصوصا اني من عشاقها
بس اعطيني الحل شو اسوى بالبياض البيض ...عشان اسويها قريبا
قصدك الفنجان ...فنجان القهوة صح

وعلمينا شو تعلمتى من عمتج شكلها فنانة ولك تحياتي
سبحان الله وبحمدة ..عدد خلقة ورضا نفسه وزنة عرشه ومداد كلماته
مرحبا.....والله انا حالتي نفس حالتج اختي ميس شيف... بس اليوم اول مرة في حياتي يضبط الخميرمعاي... طريقه شمس الامارات يزاها الله الف خير......
على فكرة لو سويتي القيمات خبريني عنها... لاني تعبت منها....
هلا ايسنس مرة ثانية.. بالنسبة للمشوي اللي تقصدينه .. مثل القوزي بس يدفنونها.. لأنه هل العين معروفين بها.. ويمدحونها اللي مجربينها.. والله يعطي أمج العافية ويخليها ****لله..

ميس شيف.. الحال من بعضه أختي.. لازم التخريب.. بخبرج عن وحدة ( ترا والله مب أنا ) هههههههه أول ماتعلمت طريقة الجباب قالت بتسوييه بروحها.. وخذت الطريقة من الحرمة لاكن هذيك نست تخبرها عن الخميرة.. ألحين سوت كل شي ومابقى الا الخبزة تتخبق وارتيت ترتيت والخبزة مكانها قالت كيف هاذيك تتخبق عندها قامت ويابت عود جبريت ويلست تنقز الخبزة من فوووووووووق.. بس قالت كم بخبق.. وعقت العجينة هههههههههههه وترى هالسوالف تصير عند الكل حتى اللي هم شيفش الحين لازم بيكونون مارين بهالتجارب.. ومن الفشل نتعلم..

ومثل ماقتلج أنا أحب الطبخ لاكن العيوش ماحبها وبعد ماضبطها لين هاك الزود.. لاكن عادي تتاكل هههههههههه
وعلمت الشغالة من هنه وهناك وألحين تسوي الغدا وأنا أتنفنتك في العشا أو أخبرها بالطريقة.. وهي تضبط بعد..

ومن المنتدى صارت عندي خبرة وأحب الأكلات اللي فيها مقادير بالضبط.. لأني أخربط بالبهارات اذا بدون مقدار..

وألحين خلااااااااااااص عزمت ما أدخل قسم الحلويات أو مابسوي شي الا للضرورة.. لأني زدت كيلوين

مع انه ايدي تاكلني اذا مادشيت هالأقسام أحس اني مالي غنى عنها والبنات اللي هنه كأنهم خواتي لازم أطمن عليهم..

هلا والله بنات دار زايد



انا بصراحه ابي طريقه مضبوطه لصالونة السمك


اللي تعلمني جزاها الله الف خير
في القلب زايد حي ما مات

في القلب زايد حي ما مات .... فينا الامل بيعيش قايد
ذكراه في قلب الامارات ....تنبض وتهتف باسم زايد
وقف نبض المسا فجاة وفجاة كل شي مهموم ..
ومن وقع الخبر صارت تنكس نفسها الاعلام ..
رحل زايد رحل والليل يتساءل بعد هاليوم ..
صباحج كيف يا بلاد(ن) شعبها كلهم ايتام !!..
ترجى الفارس الامه قدر وامر القدر محتوم..
ترجل من على خيله وصاحت امة الاسلام ..
رحل وانجازه الاكبر بلاد(ن) ما بها مظلوم ..
حكمها القائد الفارس ومات الفارس المقدام..
الغالية (MISS_CHEF)
حياج حبيبتي وانا في الخدمة

بالنسبة للفنجان ...هيه نعم اقصد فنجان القهوة
أما بياض البيض ...بيني وبينج يعني ....بصراحة افره في الزبالة لاني ما اعرف شو اسويبه
وأنا مب من النوع اللي يحب يطبخ أكره المطبخ وبيني وبيني عداوة فعشان جذه ما احب اتعلم بس الغربة اجبرتني


وعلى فكرة من اول مرة ضبطت معاي اللقيمات مع اني مب شاااطرة في الطبخ ..بس الطريقة سهلة وما يبالها شي




بالنسبة لعمتي ...ماشاااااااء الله عليها الله يحفظها فن .. وخبرة في الطبخ ..عمري ما اكلت احسن عن طبخها
ودايما تحاول تعطيني طرق يديدة في الطبخ ...بس انا الكسوووولة دايما اشرد واقولها عقب عقب
يحليلها تبغي تتطمن على اكل ولدها ....ضعف بعدما عرس هههههههههههههه والله اكره المطبخ شو اسوي؟؟؟
لا اله الا انت .. سبحانك اني كنت من الظالمين


الساعة الآن 10:15 .