اقتباس مشاركة  (حلا شقراوي)
هو عبارة عن جريش يطبخ فترة ثم يحط عليه الدخن ثم يلت بالطحين البر ....

ابي اسأل أمي واقول لكم ان شاء الله ....
طولتي عند أمك عجلي علينا هذا هو المطلوب الله يديم عليك الصحة ويخلي لك أمك
26-12-1428 هـ, 03:52 مساءً
 
الظاهر انتي تقصدين عصيد اهل نجد موب العصيده اللي معها تمر نسويها هذي في الشتاء على الغداء بس والله ما اعرف المقادير بس زي ماقالت احد الاخوات في احد الردود تحطين مويه ودقيق اسمر يغلي يصير كأنه شوربه خفيفه وفيه ناس يحطون شوي جريش بس عشان القوام وبعدين تبدين بلت الدخن ولت تعني لغير الناطقين بالنجديه ذر يعني رش بشويش عشان ما يتكتل وانتي تلتين تحركين وتستعينين بالشغاله اذا كانت الكميه كبيره لانه بعدين في الاخير ماتقوين تحركينه وماتقولين خلاص ثقل لا استمري باللت يعني زيادة الدخن الين يثقل مررره لانك بتحسبين خلاص وهو لما تخلصين وتغطين القدر وتقصرين عليه عشان يستوي زين لان الدخن يبي طبخ كثير بيرق بعدين وتضطرين تزيدينه دقيق اسمر عشان ما يطلع سوا رفلا يعني خفيف تقل شوربه ونصيحه لا تكثرين الدخن خلي الدقيق اكثر لانه يمتر ومعني يمتر = يصبح طعمه مراً المهم هذي الطريقه بس والله ما اعرف المقادير بس هي نسبه وتناسب يعني الاكثر الدقيق الاسمر ثم الدخن والبعض يحط قليل من الجريش ...

تعالي اصبري ما بعد خلصت الطبخه باقي الشي الاهم وهو انك اذا خلصتي من اللت واظن عرفتوا معناها وشفتيه بدا ينبض يعني يطبخ وصلته الحرارة المطلوبه قصري عليه ويفضل وضع بلاطه سميكه تحته خليه وتعالي للمهم قطعي لحم صغير زي الحميس وبصل واحمسي البصل في سمن او زبده مع زيت ثم احمسي فوقه اللحم الصغار وخليه يطلع مويته ويستوي بها وحطي عليه فلفل اسود بس والدخن اللي على النار خليه يستوي زين يعني ما يقل عن ساعه ونص الى ساعتين حسب الكميه انا اسوي في القدر اكبر الطقم واخليه ساعتين وفي النص ساعه الخير حطي اللحم المحموس عليه لانك لو حطيتيه من الاول بيسقط اسفل القدر ويحترق بكذا تضمنين اللحم يكون فوق ما ينزل وخالتي تقول انهم منول ما يحطون اللحم في العصيد يحطون الكرشه تخيلي الطعم المهبب المهم انا والله اسويه باللحم وجنان طعمه ويشبع على طول يعني دسم واصلح كثير لانه متعب واخلي تعبي مره وحده وارسل لخالتي مع انها هي اللي معلمتني بس تقول زين ... ونرجع للعصيد بعد ماتحطين اللحم تنتظرين نص ساعه تقريبا الين ياخذ طعم اللحم وتغرفين في تبسي وتكونين بعد مقطعه بصل بس ذا المره بدون حمس بس محرك شي بسيط على النار مع الزبده وفلفل اسود ويرش على الصحن عند التقديم... وبالعافيه
26-12-1428 هـ, 09:46 مساءً
 
الأخت الفاضلة nourah2008
مشكورة وياليت الطريقة بالضبط والمقادير التقديرية لأنه باين إنك عارفتها زين ما دام إنك تطبخين وتودين لخالتك وهو معجبها وأي طريقة لاتقولين أنا ما أعرف زين
المشكلة إن زوجي يحبه ويطلبه وأمي ما تحبه ولا تصلحه فودي تعطيني معلوماتك من بداية الطبخة والدخن كيف أطحنه يعني كل شيء تعرفينه لا تقولين معروف
27-12-1428 هـ, 03:30 مساءً
 
عصيدة الدخن

2 كوب دقيق دخن
2 كوب ماء
قليل من بيكربونات الصودا أو العطرون

ينخل الدقيق ويذاب بالماء البارد حتي يتكون سائل غليظ
يغلى باقي الماء ويضاف إليه العجين السابق مع التقليب المستمر حتى يغلظ السائل ثم يضاف بيكربونات الصودا المحلولة بقليل من الماء ويقلب الجميع وتترك على نار هادئة تغلي حتى تنضج تمما كالعصيدة.

ملحوظة: إذا كان القوام رفيعا يضاف إليها دقيق سائل وإذا كان القوام سميكا يضاف قليل من الماء المغلي.

تغرف في كورة أو صحن وتقلب بعد أن تبرد تماما أو تغرف في صحن وتساوى جيدا وتعمل فجوة في الوسط لتملأ بالتحلية.
تحلى بالسكر والزبدة أو السمن.
للتنويع:

تحلى بالسكر والزبد أو السمن.
27-12-1428 هـ, 04:01 مساءً
 
للرفع
28-12-1428 هـ, 12:25 صباحاً
 


الساعة الآن 02:15 .