تحيه طيبه
ربي يوفق كل من مرت على موضوعي وساعدت برأي مجرب وفادتني فيه ..
عندي عشاء يوم الجمعه بالليل ..
طبعا الحلا مافيه اي اشكاليه اسويه من الليل واحطه بالثلاجه ..
المشكله الفطائر متى اسويها ؟؟؟؟؟؟؟؟؟؟؟؟
واش ممكن اسوي مع الشاي غير الفطائر ؟؟
لو اسوي الفطائر الخميس بالليل عايدي ؟؟؟ تقعد يوم ماتتغير بالثلاجه او برا
والسلطات " فتوش وسلطة لبن " لو سويتها بعد العصر يوم الجمعه تقعد لليل ماتتغير ؟؟
الله يسعدكم يابنات ردوا علي ضروووووووووووووري المناسبه مره تهمني
ربي يسعدكم جميع
ودي اسوي كل شي بس يوم مايكفي واخاف اسوي من قبل يخرب علي ..
انتظركم
وكل وحده تمر ترفع الموضوع الله يرفع قدرها يارب
24-12-1428 هـ, 01:51 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وسؤال بعد نسيت وجه الفطائر ابغاه يلمع مررررره زي الجاهزه كيف ؟؟
انا ادهنه بالبيض ومايلمع ؟؟ هل صح بكامل البيضه او الصفار او البياض وضحوا لي الله يسعدكم
24-12-1428 هـ, 02:05 صباحاً
 
الفطاير لو من اليوم ما يضر حطيه بعلب بالفريزر
وصبح يوم العزيمه طلعينه يدفن على حرارة الجو

السلطات قطعي من العصروحطيه بالثلاجه بس بدون خلط قبل التقديم طلعيه وحطي الصوص
24-12-1428 هـ, 02:05 صباحاً
 
عادي يالغاليه الفطاير حطي عليها بيض وحليب راح تلمع وانا اسويها قبله بيوم عادي مره ماتتغير
1- الخميس باليل نظفي البيت كامل وسوي الحلا والفطاير
ورتبي مثلا حطي انواع التمر بالصحون والفناجيل والطفايات لنوى التمر والمناديل وغسلي الترمس وبس
2 - صباح الجمعه سوي الصواني حقت العشا والمحاشي وقطعي الخضار للسلطه بدون خلط
وسوي اللي تبين متعوده اسوي محشي ومسقعه واتبل اللحم
3- بعد العصر اسوي القهوه والنعناع والقشر والزنجبيل واطلع الفطاير واقلي الكبه الجاهزه طبعا واحظر صحون الحلا وكل صحن مع ملعقه واطبخ اللحم
قبل مايجون مثلا بعد المغرب على الصلاه ابخر بالعوده واشغل الفواحات واشقر على البيت واحط الترامس حقت القهوه .....
4- جو الضيوف استقبل اخذ العبايات ادخلهم نسال عن الاخبار بسرعه اروح اجيب الحلا
اصب القهوه واولا التمر بانواعه وسوالف
5- بين السوالف اروح احط الفطاير والكبه بالميكرويف واسخن موياللشاي الاحمر وارجع
واكمل القهوه اللين ينتهون
6- احظر الشاي وتوابعه معجنات ونعناع وزنجبيل ..............وبنفس الوقت اطبخ الرز
8-احظر العشا
9- البخور
10-الشاي الاخظر
11- مع السلامه وفي امان الله وشرفتونا وخلنانشوفكم مو اخر مررره ..الخ

ملاحظه اكون من اول مايجون اعبي المغسله مويا وصابون اي شي اجيبه ادخله بسرعه في المويا وانظفه ماياخذ وقت ابد

مواعين العشا اذا راحو الضيوف ابدا من غرفة الضيوف ارتب واكنس وامسح اللين اوصل المطبخ

اتمنى تتستفيدين وتدعين لي
24-12-1428 هـ, 02:48 صباحاً
 
اقتباس مشاركة  (*,*ملون*,*)
الفطاير لو من اليوم ما يضر حطيه بعلب بالفريزر
وصبح يوم العزيمه طلعينه يدفن على حرارة الجو

السلطات قطعي من العصروحطيه بالثلاجه بس بدون خلط قبل التقديم طلعيه وحطي الصوص
هلا وغلا تسلمين يالغاليه بس جربت الفريز ينشف الفطائر مرره مع التحميه مادري ليه
الله يسعدك ويوفقك يارب
24-12-1428 هـ, 02:58 صباحاً
 


الساعة الآن 03:14 .