مشكورة اختي سبحان الله توني فتحت عشان اسال نفس السؤال ولقيت موضوعك

ودي اصلح العدس اللي مثل الفول نفسي فيه
01-11-1430 هـ, 08:43 مساءً
 
من عرفت نفسي وأمي تطبخ لنا عدس والحين اسويه لبنتي بنفس طريقة أمي الله يحفضها
زيت بقدر الضغط وعليه بصل ناعم حركيه شوي وبعده ثوم معجون ثم الطماطم المفرومة ناعم حبة وسط تكفي
وبعده بيالتين عدس مغسول انا أستخدم اللي لونه برتقالي ثم ماء مغلي تقريبا كاسين وحطي ملح وكمون فقط لأن الكمون هو أفضل بهار للعدس
واضغطيها 7 دقايق
إذا حسيتيه ثقيل ممكن تضيفين شوي مويه حارة وتحركينه ع النار شوي
وقدميه في وسطها زيت زيتون أو قطعة زبدة حسب ذوقك و بالعافية
تراه لذيييييييييييذ وخصوصا في الليالي الباردة
01-11-1430 هـ, 09:18 مساءً
 
طريقتي يالطيبه0000اخذ كميه من العدس تكفي 3 او 4 ايام مثلا واغسله واسلقه بس بمويه يادوب تغطيه
وعلى نار اقرب للهاديه00 ولمايخلص اتركه يبرد تماما ثم احطه بزبديه قزاز لها غطى وادخله الثلاجه
ولما ابغى اسويه اكشن بصل مقطع صغار وثوم وطماطم مقشره وشوي ملح وكمون وشوي صلصه وبعدها
احط من العدس الكميه اللي تكفيني واخليه شوي على النار وبعدها اقدمه بصحن وارشه بزيت زيتون
وخبزتميس ولا تنسين كاسة الشاهي بالنعناع000وبس بالعافيه
دعواتك بشفاء زوجي وبنتي وهدايته
01-11-1430 هـ, 09:29 مساءً
 
طريقتي في العدس نفس طريقة الاخت سهام صائبه
01-11-1430 هـ, 11:49 مساءً
 
بالنسبة لطريقتي يا حبايب حطي زيت بقدر الظغط وعليه بصلة مقطعه صغار وفص ثوم وحركيها الى ان تذبل بعدين حطي كاسه ونص جزر مبشور وحركيه الى ان يذبل بعدين 2كاس عدس برتقالي مغسول وحبة ماجي وشوي ملح وكمون و2 ونص كوب ماء و غطي عليه وخليه لحد ما يأشر القدر وخفضي النار لمدة 15 دقيقةوبالعافية على قلوبكم اذا حبيتوا اضافة شوي بقدونس او كزبرة تعطي طعم حلو دعواتكم لنا بالتوفيق
02-11-1430 هـ, 12:31 صباحاً
 


الساعة الآن 09:35 .