رولات الدجاج
طريقته
تجيبي شرائح السمبوسة ( السويتز ) تقسمي الشريحة الواحدة لنصفين
وتحشينها بالحشوة اللي هي :
دجاج مسلوق ومنتف لقطع صغيرة وتحمسينه مع بصل وزيت ( وحطي الخضار اللي تبغيها " جزر , كرنب , ذرة يعني حسب الرغبة ..+ شوية كزبرة + ملح وبهارات ..
الحين جيبي بقدونس وافرمية وغطي فيه قاع الصينية

احشي شريحة السمبوسة ولفيها على شكل رولة ثم صفية بجانب بعض كما في الصورة

خلطة الوجه :
عبارة عن علبة قشطة + 3 أكل جبن سائل
تخلط وتصب على الوجه وتدخل الفرن من اسفل ثم من الاعلى

الشكل النهائي

ماعليش التصوير مو واضح مرة

---------------------------------
صينيه خضار بالجبن والقشطه
الطريقه

قطعي خضار مشكله(بطاطس باذنجان كوسه جزر )مكعبات صغيرة او حلقات على راحتك
واقليها في الزيت
احمسي بصل وضعي معه قطع دجاج صغيره واتركيه حتى ينضج ثم اضيفي له ملح وبهارات
كزبرة على راحتك تضيفي أي اضافة
ضعي الخضار وفوقه طبقه الدجاج في صينيه بايركس
كما في الصورة

اخلطي3 م جبن+ علبة قشطه بالخلاط وصبيه على الطبق وحركية علشان تداخل الخلطة مع الخضار
كما في الصورة

ادخليه للفرن ربع ساعه
ماعليش ما قدرت اصورة بعد ماطلعتة من الفرن

------------------------------
مكرونة باشميل
اولا نعمل الحشوه وهي نضع على النار في قدر قليل من الزيت وبصل مقطع قطع صغيره

ولحم مفروم او دجاج مفتت بعد السلق وجميع انواع البهارات والملح والفلفل الاسود وتترك على

النار لمده عشر دقائق

ثانيا الباشميل يوضع على النا ر في قدر فنجان زيت + 3ملاعق دقيق ويحرك على نار هادئه
ويوضع 3 كاسات حليب سائل عليه والمزيد من الدقيق (5ملاعق) حتى يثقل المزيج ويوضع
في الخلاط مع كاس جبن كرافت السائل
تسلق المكرونه بعد ذلك نضع في الصينيه اولا القليل من البشميل ثم نصف مقدار المكرونه ثم كل الحشوة لحم
او دجاج ثم باقي المكرونه ثم تغطى بباقي الباشميل وتدخل الفرن من تحت 10 دقائق ثم من
فوق حتى تحمر
ماعليش ما قدرت اصورها
بس اخذت صوره جماعية لهم في صحن واحد
ماعليش الصحن مو مرتب بس ان شاء الله المرة الجايه يكون فيه وقت اوسع للتصوير

ماشاء الله اطباق روعه
تسلم يدج والله اطباقج تجنن وانا جوعاااااااااااا انه ما اقدر اكل من ضرسي ذابحني يوم شفت اطباقج حسيت اني ابا اكل .
بس قولي لي مقادير البشامل بالضبط ولي يعافيج.
ربي اني استودعك زوجي وابنائي فاحفضهم لي يااارب
ما شاء الله تبارك الله اطباقك تجنن وسهلة التطبيق
تسلم يدينك والله يعطيك العافيه



مشاء الله اصناف روووعه وشكلها لذيذه ..

الله يعطيك العافيه ان شاءالله ..


عجبتني رولات الدجاج ..

بارك الله فيك.


الساعة الآن 01:52 .