السلام عليكم ورحمة الله وبركاته

بصراحه انا متابعه سابقه جداً لكم ... واهنيكم على كل ماتطرحونه ...

صدقوني ... جربت الكثير ... واللذيذ منكم

وهانا اليوم محتاجه لكم ... وليست اي حاجه ...

تكفون ياكل الموجودين معنا

احتاج مساعدتكم ....

عندي عزيمه ... وبسوي حلى الاولكر ... ومايكفي مع القهوه ... لازم من حلى ثاني

تكفون ابي حلى بس يكون مثل الاولكر ... يعني ممكن احدد الكميه المطلوبه لان الحاضرات مايقارب ... 18 ضيفه ...

اتمنى تكونون فهمتو قصدي ...

يعني حلى لايقدم بصحون لا وانما يوزع مثل طبقات الاولكر ...

تكفون ياجماعه ... اليوم محتاجتكم والله العالم

السلام عليكم ...
ابشري من عيوني ..
بأكتب لك حلى تاكلين أصابعك وراه..


المقادير:
عجينة البف باستري(فطائر السنبلة)

تقطع إلى 6 قطع

وتدهن من أعلى ببيض أو زبدة
وتدخل الفرن
ثم يخلط في الخلاط:

ظرف دريم ويب
ظرف كريمة كراميل
علبة قشطة

ثم تحشى به البف باستري (بواسطة كيس يفتح من اسفل او ابرة ادوية)
ثم يرش فوقها سكر بودرة عند الرغبة

اتمنى اني اكون ساعدتك..

اي استفسار قوليلي...........


بالهناء والعافية
(مايلفظ من قول إلالديه رقيب عتيد)
هلا عيوني عندي حلى قهوة بالمرره لذيييذ وسهل وواثقه ان شاء الله انه بيعجب ضيوفك وبيعجزون يعرفون مكوناته
راح يحسبونه تمر او شوكولاته

وهو من صديقتي الغاااليه ومااحد يسمي الحلا الا باسمها




المقادير
كاسه ونص حليب بودرة
قالب زبدة (113 جرام ) (في درجة حرارة الغرفه يعني مو جامد)
علبة حليب نستله مركز محلى (397 جرام )
2 علبة بسكوت شاي ماري (يكسر الي قطع صغيييره)


الطريقه:
يوضع الحليب البودره في قدر على النار حتى يصبح بني فاتح (وليس ذهبي )
ثم تطفأ النار .. ونضيف على الحليب قالب زبدة ونخلطهم بالملعقه
ثم نضع كل المقادير في وعاء (الحليب البودره , الزبدة ,الحليب النستله ,البسكويت ) ونخلطهم بالملعقه حتى تتماسك وتمتزج مع بعضها ..
ثم نحضر صينيه ونغلف قاع الصينيه بالنايلون التغليف (الخاص بتغليف الاطعمه او كيس نايلون عادي )(عشان يسهل ازالته من الصينيه )
ثم يفرد الخليط في الصينيه ونساوي سطح الخليط (تقريبا سماكته 1 سنتميتر )
ثم يوضع في الثلاجه مدة نصف ساعه على الاقل ..
وقبل التقديم يقطع مكعبات صغيره (تقريبا بحجم حبة شوكولاتة الاولكر )




هو بيكون جامد حتى لو قعد برة الثلاجه مايسيح ابدا .. لكن اول نصف ساعه ضروريه عشان يجمد الخليط ويتماسك
وانتي خليه بالثلاجه حتى بعد ماتقطعيه يطلع اطعم وارتب .. ولما يجون ضيوفك خرجيه وقدميه



+++++++

المستانسه ...

ياهلا فيك يابنت الاجواد ... الله يسعدك يارب ... وتصدقين هالحلى مررررره دخل مزاجي ... باين عليه لذيذ ... وسهل .. ولا يبي له كلافه ... الله يجزاك خير يارب
حفظته وباذن الله بسويه ....

.........................


غزل البنات ....

وش هالحلى يجن سهل سهل سهل مرررررره .... الله يسعدك يارب... ويجزاك خير ...

والله انه حافظت الحلى واشكركم من كل قلبي لروحكم واخلاقكم ...

........................


الساعة الآن 02:25 .