السلام عليكم ورحمة الله وبركاته


شلونكم يا بنات ؟؟؟؟؟


الحقيقه انا عندي سؤال ومحتاااااره فيه و اتمنى من الخبيرات بالطبخ انهم يساعدوني بخبراتهم ونصائحهم ,,,
بعد كم يوم عندنا جمعة بنات في بيت صديقتي ع العشا ومتفقين انه كل وحده تجيب معاها طبق من صنع اديها ,,, وانا فكرت انه اسوي ستيك وهالستيك اخذت طريقته من المنتدى وعملته و طلع طعمه وااااو اكثر من رائع شوفوا الطريقه على هالرابط
http://archive.hawaaworld.com/showthread.php?t=384243

علشان كذا فكرت اني اعمله احسن من لا اعمل شي ثاني مو مجربته واتفشل قدام البنات

بس في شغله محيرتني ,,,, انا قلت اذا عملته بعدين على ما اروح اخذ شاور والبس واحط ميك اب واروح لبيت صديقتي كل هذا راح ياخذ اكثر من ساعتين , اكييد بعدين الستيك راح يبرد خصوصا انه ما يحتاج اكثر من 40 دقيقه بالفرن , علشان كذا فكرت اني اعمل كل شي الا خطوه الفرن ما راح ادخله الفرن ,, ولما اوصل بيت صديقتي كل اللي راح اعمله اني احطه بفرنها على ما تستوي ,, يعني راح اسوي الاتي : راح احط الستيك بطبق الفرن واحط فوقه الماشروم و اعمل الصوص واحطه فوقه وبعدين اغلف الطبق بقصدير واخليه على جتب ,, على ما اروح اخذلي شاور والبس واوصل بيت صديقتي اروح ادخله بفرنها ,,,,,,, وعلى ما يوصلون البنات ويصير وقت العشا تكون استوت ,

فشو رايكم بفكرتي ؟؟؟؟؟؟؟؟ بس انا الحقيقه خايفه ان الصلصه اللي فوق الستيك تجمد وتتكتل اذا انتظرت ساعتين او اكثر بدون فرن ,,,, لانه الصلصه فيها دقيق يعني مثل البشاميل ,,واخاف تخترب الطبخه فوووق تحت اذا انتظرت ساعتين بدون لا ادخلها الفرن

ما ادري والله محتاااره يا بنات وبصراحه هذي اول مره اخذ معاي اكل لبيت صديقاتي علشان كذا قلت مالي الا انتووو تنصحوني وتشورون علي شنو اعمل


وتسلموووون
29-12-1428 هـ, 06:08 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا اختي والله فكرتك حلوه لكن الاحلى انك تدخلينها الفرن وانتي تجهزين نفسك
بحيث انها تخلص قبل ماتروحين بشوي وغطيها بالقصدير وخذيها في الصينيه
وقبل التقديم خلي صديقك تدخلها الفرن علشان تسخن
وماراح تتغير ان شاء الله
29-12-1428 هـ, 06:17 مساءً
 
اشكرك اختي حجابي عفافي على الرد تسلميلي ما تقصرين يا عسل


بس اخاف اذا دخلتها الفرن مره ثانيه وانا رايحه بيت صديقتي تتحرق علي الطبخه لاني دخلتها مرتين الفرن مره في بيتنا ومره في بيت صديقتي

واخاف بعد وانا اجهز نفسي انساها داخل الفرن خصوصا انه ما عندي احد يساعدني بالبيت علشان يجيك عليها كل شوي وهيه بالفرن

ما ادري شنو رايكم حبايبي؟؟؟؟
30-12-1428 هـ, 02:05 صباحاً
 
هلا اختي لا عادي ان شاء الله ما راح تنحرق لانك عند صديقتك بس تسخين يعني
لاتطول في الفرن بس خمس دقايق او اكثر شوي حتى تسخن واذا تخافين تنسينها
وانتي تجهزين نفسك ممكن توقتين ساعه او تضبطين الجوال على الوقت اللي
تخلص فيه يعني مثلا اذا تاخذ ساعه في الفرن ودخلتيها الساعه ثمان وقتي
المنبه على الساعه تسعه بحيث انه يكون انتهى وقتها
وان شاء الله ما راح تنسينها مع المنبه
30-12-1428 هـ, 07:17 صباحاً
 
اختي الغاليه حجابي عفافي الله يعطيج العافيه و جزاكي الله الف خييير
30-12-1428 هـ, 10:00 صباحاً
 


الساعة الآن 11:50 .