هذا مو قف حصل مع زميلتي وكنا بالصف الرابع الإبتدائي وتعرفون رابع فيها مواد جديدة تجويد وقواعد وغيره
في حصة القواعد سألت المعلمة" ما اتذكر السؤال " لكن كانت الإجابة( فعل مضارع)
زميلت رفعت يدها تبي تجاوب وكنا إذا عرفنا الإجابة من الحماس لازم الوحدة تنقز عند المعلمة وشوي وتدخل
أصبعها في عيون المعلمة وتصرخ بأعلى صوته أنا أبلة أنا أبلة
و هذي حالة زميلتي لين قومتها المعلمة لكن وش قالت في الإجابة ؟؟؟؟؟؟؟؟
إدغام >>>>>>>> صار التماس
صرخت المعلمة وش قلتي
قالت إدغام <<<<<<< مصرة
وتقوم وحدة ثانية قالت: فعل مضارع
المعلمة ممتازة
*زميلتي قالت : وأنا وش قلت <<<<<< عندها أمل
:29:
والله ذكرتنا بمواقف المدرسة ... كانت وايد وكلها ضحك بس اللي أذكره الحين
موقف محرج صار لي ...
(( لما دق جرس الرواح للبيت طلعنا أنا وصديقاتي من باب المدرسة وكنا طبعاًً لابسات العبايا
والغشوات ... وجدام باب المدرسة أمة لا إله إلا الله .. إلا جاي أبوها واللي أخوها واللي الدريول ...
المهم ونحن ظاهرين وجدام هذا الحشد الغفير من الناس ( سبحان الله ما كان شي ريح ... ما دريت
إلا الشيلة طارت متر جدام ... وقفت يمكن دقيقة مبهته في ويوه العرب وأنا بدون شيلة من الصدمة
إلا الله يطول في عمرها ربيعتي تدزني صوب باب المدرسة ركض ... وذاك اليوم ما رضيت أروح
لين روحوا كل الناس اللي كانوا جدام الباب .... وبسسسسسس سلامتكم))
:24:عجبني موقف جنان وااااايد ذكرتني بالشلة يوم كنا في المدرسة ...