Analysis Services
ننتظر كتابك ,,

حرام خبرة الوالده تروح هباءآ منثورا خصوصا الجيل هذا ما يفهم بالامور الشعبيه رغم اهميتها ,,

توكلى على الله وسوي الكتاب ,,
03-06-1429 هـ, 02:44 صباحاً
 
اقتباس مشاركة  (تالالولي)
لو يا بنات تجتمعون يمكن تسوون مشروع ناجح وحلو
اقصد ليش ما كل وحده تكتب منطقتها وموهبتها وبنات كل منطقة يحاولون يجتمعون عند عضوه من العضوات وليكن اللي عندها جراءه ويحاولون يسوون انطلاقة لمشروعهم وممكن يكون في المشروع الواحد خمس الى ثمان بنات والارباح تتوزع بتساوي
مجرد اقتراح انا عارفة انو خيالي بس لو يتنفذ راح يكون مثمر
هلا اختي فكرتك مرة رووووووووعه ياليت تتنفذ وانا كمان مستعدة اشارك اي وحدةفي مجال التجميل وخاصتا المكياج حتى لو كان راس المال بسيط مع الايام ان شاء الله يزيد
والله يرزقكم ويوفقكم يارب
اللهم استر على بنات المسلمين واحفظهم ويسر امورهم وثبتهم على طاعتك ياذا الجلال والاكرام
03-06-1429 هـ, 06:42 مساءً
 
الله يوفق جميع من شارك في الموضوع
وفعلا هي مشكلة في مجتمعنا .. قبل فترة صممت جلابيات ونفذتها و شاركت في معرض معروف كثير عجبهم شغلي لكن يقولوا غاااااااااااالي ...وكان أغلى ثوب ب500 ريال لأنه مكلف وللعلم ماكنت بجيب خامات رخيصة كلها من أماكن معروفة وغالية ...في النهاية قعدت الجلابيات في وجهي ... بعد كده عملت بلايز طويلة تنفع للسفر والحجاب عملتها ب50 ريال لأنه الخامة أشتريتها رخيصة بالجملة
والحمدلله مشي حالها... المشكلة أنه الناس تستكتر على البنت السعودية مادري ليه خصوصا الي لسه مبتدئة ومالها اسم ويدفعوا مبالغ خيالية في محلات عشان اسمها ...
والحمدلله قدرت أجيب خياطة فلبينية عندي في البيت عندي غرفتين زايدة لكن المشكلة في التصريح لأنه بصراحة ما عندي مدخل جانبي منفصل يعني محد يعرف انه عندي خياطة غير قرايبي و أهلي
وأعمل أطقم مطبخ بأسعار روعة وأعمل طقم للعروسة يحتوي على شرشف صلاة وسجادة وروب للبيت وشبشب ومنشفة وتوضع في صندوق ملبس بنفس القماشة وجدا رائعة لكن العيب في التسويق
هذا غير موهبتي في الماكياج و تزيين الصواني و توزيعات مواليد مبتكرة و عمل الكوروشيه والتطريز اليدوي والالي وكل مايحتاج لشغل يد وفن ......أدعو لي ربي يوفقني وياريت نصيحة أيش أسوي عشان أسوق لنفسي وأستمر في البيزنس
والله يوفق الجميع
04-06-1429 هـ, 12:46 مساءً
 
مرحبا بكل الي شاركو بالموضوع ..

وأحب اعتذر عن غيابي .. ولكن ظروف أجبرتني وأعادتني ولله الحمد ..

بداية أحب ابدأ بهذا الخبر الي قريته وفرحت فيه بصراحه .. مو لأني منهم هههههههههه

لأنهم بشر مثلنا ..

ويعيشون بزماننا وبأرضنا ..

مانقصنا عنهم بشي ..

ومازادوا عننا بشي ..

لــذلك ..

راح نكون منهم يوماً ما بإذن الله ..

يقول الخبر ..


11 ألف سعودي ينضمون إلى قائمة أثرياء العالم

الرياض (سبق) عبد الله القحطاني :
انضم 11 ألف سعودي إلى قائمة أثرياء العالم ، ليصبحوا في قائمة واحدة مع ملك البرمجيات بيل جيتس و رئيس الوزراء الايطالي سيلفو بيرلسكوني وملكة بريطانيا إليزابيث الثانية .
و كشف التقرير السنوي الصادر من شركة ميريل لينش العالمية عن ارتفاع عدد الأثرياء في السعودية إلى 101 ألف ثري خلال عام 2007 ، وبزيادة تقدر 12.4% عن عام 2006م الذي بلغ عدد الأثرياء فيه 90ألف .
وعزا التقرير سبب الارتفاع في نسبة الأثرياء إلى زيادة الأنفاق الحكومي و الارتفاعات الكبيرة التي عرفتها أسعار البترول العالمية، علما بان مجموع ثروات السعوديين الاثرياء بلغت 182 بليون دولار.
ووصل عدد الأثرياء في الإمارات العربية المتحدة 79 ألف مقابل 68 ألف في 2006 بمجموع ثروات يقدر ب 91 بليون دولار.
و فيما ازداد عدد كبار الأثرياء بنسبة 8،8 % ، رصد التقرير و لأول مرة في تاريخه ، تجاوز متوسط قيمة الثروات الفردية عتبة الأربعة ملايين دولار.
و حقق أثرياء الشرق الأوسط أعلى المكاسب ، فقد زاد عددهم بنسبة 15،6 % فيما ارتفعت نسبة ثرائهم 17،5 % .
وذكر التقرير الثاني عشر للثراء العالمي الذي تطلقه اليوم شركتا ميريل لينش وكابجيميناي أن ما يملكه أثرياء العالم ارتفع بنسبة 9،4 % ، إذ بلغ 40،7 تريليون دولار . أما عدد الأثرياء فارتفع ، حسب التقرير ، بنسبة 6 % ليصل إلى 10،1 مليون.
و قال عماد الأعور، المدير التنفيذي المقيم ونائب رئيس قسم الإدارة الشاملة للثروات بميريل لينش "وجد تقرير هذه السنة أن عدد الأفراد الأثرياء ومستوى ثرواتهم قد استمرا بالارتفاع في عام 2007؛ علماً بأننا شهدنا أهم تزايد للثروات في الأسواق الناشئة كالشرق الأوسط والهند والصين والبرازيل" .
وكانت الهند أكثر بلدان العالم من حيث ازدياد نسبة الأثرياء فيها حيث بلغت الزيادة 22،7 % إثر نمو قيمة أسهم السوق بنسبة 118 % ونمو إجمالي الناتج المحلي الحقيقي بنسبة 7،9 % .
وشهدت الصين ثاني أهم توسع في جمهور الأثرياء بازدياد بلغ 20،3 % عززه نمو قيمة أسواق الأسهم بنسبة 291 % ونمو إجمالي الناتج المحلي الحقيقي بنسبة 11،4 % . وحلت البرازيل ثالثة حيث زاد عدد الأثرياء بنسبة 19،1 % عززها قيام تيار نمو قوي لقيمة أسهم السوق بلغ 93 % ولإجمالي الناتج المحلي بنسبة 5،1 % .



لي عوده قويـــه للموضوع ..

05-07-1429 هـ, 07:20 صباحاً
 
اقتباس مشاركة  (slam2006)
جزاك الله خير
وإياكِ ..

اقتباس مشاركة  (قمة في التحدي)
يسلمو خيتو

افكار رائعة

انا اقصد الدعم معنوي لان بمحيط مجتمعنا مايرضون اني اشتغل

مافية الا الوالدة هي اللي تشجعني الله يخليها بس اذا لقيت ان اهلك واخوانك معارضين

صعبة

خاصة انا من عائلة معروفة بس الشغل مو عيب استفيد وافيد واوسع صدري واضيع وقتي

بس والله اني منيب سهلة ماتنازلت وحاولت في اخواني الين رضو بس مااقتنعو

وهذا انا احاول ابدا

شوفي توقيعي


7



7










7









7
7
7
7
7


ماشاء الله عليك ..

وبما أني من زمااان ماجيت للموضوع .. ابيك تبشريني كيف صار الحين ؟


لو كان عندك مبلغ ..

افتحي محل بسيييط بأي مكان ( طبعا محل للنساء بس ) ..

ووظفي فيه وحده بالإستقبال ..

وسوي اعلانات على المحل .. نفس الاعلانات الي بتوقيعك ووزعيها بكل مكان ..

ولما الناس يجيبون شغالاتهم .. أو اطفالهم او او او ..

موظفة الاستقبال تستقبلهم وتتفاهم معهم على السعر .. والشغل يصير عليك ..

بكذا قدرتي تسوين الي تبين بدون ضغوطات عائليه ..

لأن الي بالواجهه راح تكون موظفة الإستقبال ..


وممكن تطلبين من مشغل مشهور انه تستأجرين منهم ركن تبدين فيه ..

اتمنى تكتبين لنا تجربتك خلال الاشهر الماضيه ..


وبالتوفيق ..




اقتباس مشاركة  (تمرة العذق)
خسااره البنات اللي كلهم نشاط زينا ينطقون با البيت

ودي انا يكون لى دور با الحياه لو يطلبون مني احفر الصخر حفرته << مشاء الله مجتهده

انا عموما احب الفن الرسم تصميم ملابس او اكسسوار ومستعده اتعلم واطور نفسي

بس ولا مره قريت عن اي طلبات في مدينة الخرج يطلبون مصممين

مع اني اتمنى اكون معلمة(تاريخ) بس ياحسره درست وتخرجت على الفاضي

اقول اتمنى نحصل وظايف تغنينا عن الناس من بعد ماصارت الواسطه توظف ناس معينين

اختي الوظيفه راح تجيك بإذن الله ..

بس متـــى ؟؟

هذا السؤال الي خلاني اكتب هالموضوع ..

مستحيـــل نضيع اعمارنا ننتظر الوظيفه ( حتى لو هي بعد سنه .. ليش اضيع سنه من عمري كذا ؟ )


بالنسبه للرسم سبق وذكرت نصايح للأخوات ..

وفيه اضافه ..

اذا تقدرين ترسمين على الجدران .. سوي اعلان بسيط ووزعيه على المشاغل والمدارس لأنهم يحتاجون تغيير الديكورات كل فتره ..

تصميم ملابس واكسسوار ايضاً كتبت الافكار للأخوات الي قبل ..

وانا اشوف تصميم الملابس والاكسسوارات اكثر شي ماشي سوقه بمواسم الزواج ..

بس فيه مصممه ازياء رحنا لها انا وخواتي علشان نصمم عندها تخيلي الفستان الواحد مايقل عن 3 الاف ..

اول شي :

حاولي تستأجرين مكان صغير ( غرفه وصاله وحمام " الله يكرمكم" ) واتفقي مع صاحب المحل انه كل شهرين تدفعين الايجار ( علشان ماتضطرين تدفعين مبالغ كبيره بالبدايه )

ثانياً :

انتي بخبرتك ومواهبك .. غيري ديكور المكان .. خليه تحففففففه ..

ثالثاً : سوي اعلانات واطلبي من اهلك واقاربك ومعارفك كللللهم انهم يسوون لك اعلانات لاني مثل ماذكرت سابقاً الاعلانات الغير مباشره أفضل ..

رابعاً والي هي الاهم :

اذا جتك الزبونه وريها التصاميم واذا هي ببالها تصميم معين ارسميه لها واضيفي لمساتك .. وقولي لها انك راح تتكفلين بالقماش والاكسسوارات وكللل شي حتىة الشنطه جيبيها لها ( بإستثناء الجزمه " الله يكرمكم " لأن صعبه يمكن ماتناسبها لكن في حالة هي تجيب لك جزمه وانتي تسوين عليها حووسه تغيرينها ممكن )

واعطيها سعر معين .. بحيث انك تربحين اقل شي الف ريال ..

الناس الحين ملت من انها تروح تدور موديل وبعدين تروح تدور قماش وبعدين اكسسوارات ووو الخ .. انتي ساعديهم وسوي لهم كل شي وقولي لهم ترا مكسبي الف ريال بس يعني لا يحسبون المبالغ كلها بجيبك ..

واذا يبون جيبي لهم فواتير كل شي ( الخامات )

وعلى فكره ..

اكتبي بالإعلان الي راح توزعينه انه كل شي عليك .. يعني الزبونه ماعليها الا تجي وتختار ..

طيب خلصنا من القماش والخامات ووو الخ ..

تاخذين مقاسات الزبونه ..

وتروحين لأفضل خياط تقولين له انك راح تتعاملين معاه بشرط يخفض لك السعر .. ( احسبي سعر الخياط من ضمن الفلوس الي راح تدفعها الزيونه مو من الالف حقتك )

وبكذا ماراح يكون عليك مصاريف خياطات وماكينات ووو الخ ..

وبعدها كبري المشروع وخليه مركز للتصاميم .. وجيبي خياطات وكل شي تبينه ..


لازم نطلع الدرج حبه حبه ونخطط زين ونحط كل أفكارنا وقدراتنا بمشروع واحد وبعدها ننطلق ..

وأهم شئ : لا تقلدين أحــد .. وخليك مميزه .. وخليك الأفضل ..

بتقولون لي فكرة التصميم قديمه ووو الخ ..

صح لكن انتي اضيفي لها لمستك .. انتي بتجهزين كل شي للزبونه وهي ماعليها الا تجي وتختار ..

وبالتوفيـــق ..



اقتباس مشاركة  (رشا بنت ابوها)
صحيح اختي كلامج ,, انا مثلا عندي موهبة الرسم وخصوصا الرسم على الزجاج

سويت لوحتين والصراحه كانت فكرتهم حلوه لاني حطيت فيها شغلات جديده غير الرسم

اللي عليها ( يعني الاولى كانت مرايه رسمت عليها رسمه ولونتها وركبت عليها كرستال

والثانيه رسمت عليها رسمه حلوه وفخمه وركبت لها خلفيه وسويتها كانها بلكونه ركبت

عليها ستاره شيفون وطلعت رووووووووعه ) وطبعا ماحلل اي وحده تاخذ فكرتي ...

وحاولت اني ابيعهم واشوف حظي في البدايه لكن الحظ نااااااااايم ..

غير كذا عندي موهبة تزيين الطاولات والصواني للتقديم واحب الحركات هذي ,,

واتمنى اي احد ياخذ بيدي ويدلني على الطريق الصحيح , وراح اكون له شاكره ومقدره

وماراح انسى جميلها ابد .. والله يوفقني ويوفق الجميع ..

اختي حرام عليك ..

والله حرام مواهبك هذي هي المطلوبه الآن ..

انسب شي لك يالغاليه تنظيم حفلات زواج ..

امسكي الحفل كلـــه ..

بس ضروري يصير عندك محل صغير ( نسائي )

صغير جدا .. بس انتي تكونين فيه .. يعني بدون فشخره زايده ..

طيب الحين سويتي محل ..

سوي اعلانات .. اعلانات بأوراق وإعلانات عن طريق اهلك وقرايبك ومعارفك وو الخ ..

وانتي خليك مميزه بتنظيمك ..

انتي اشتري الشوكولاتات ( باتشي وشوكولاين وسعد الدين ) .. والفطاير .. والعصاير .. ( كل التقديم يكون عليك )

طبعا اشتريها بالكيلو .. وبعدين روحي صفيها بصياني من تصميمك ..

واذا قدرتي سوي كوشه للعروسه .. وإذا ماقدرتي اتفقي مع محل تصميم كوش يسوي لك كوشه .. وانتي على نفس طريقة الكوشه سوي صياني التقديم .. يعني كأنها جايه مع بعض ..

وخلي ربحك أقل شي 3 الاف ريال .. ( طبعا الزبونه تدفع ثمن الشكولاته والمعجنات ووو ( حوسة التقديم ) وتدفع بعد سعر الكوشه ( في حال انتي ماتقدرين تسوينها ) ..

وأنا أفضّل انك انتي تسوينها جربي ترا كلها كم عمود على كم قطعه قماش على كم باقة ورد وكنبه !!

أعتقد أن وحده عندها كل هالمهارات تقدر تسويها

وشوفي الارباح اذا كل يوم بتسوين حفله او حفلتين .. شوفي كم يكون ربحك 6 الاف يومياً ..

واحسبيها بمواسم الاعراس ( بالعطل ) ..

وحبه حبه .. راح تكونين صاحبة اكبر مركز تنظيم حفلات بمدينتك .. وبالمملكه كلها ..

بس لاتنسين بصمتك الخاصه فيك .. خليك مميزه ..

وبالتوفيــق



اقتباس مشاركة  (ام برهوووم)
الله يجزاك خير ويبارك لك في حياتك ..
آميــن وإياكِ ..


اقتباس مشاركة  (smr_rs)
موفقين بس مافي أحديساعد جا الصيني البضاعة وخربت على الكل
كل شيء يسونه
الله يوفق الجميع
كيف مافيه احد يساعد ؟

محد بيساعدك إذا ماساعدتي نفسك ..

والبضاعه الصينيه دامها مطلوبه .. جيبيها وبيعيها على المحلات ولا على الزباين مباشره ..

ماقلتي لي وش مواهبك .. فـ ما أقدر أفيدك ..

وخلي اليأس على جنب ..

بعد 5 سنين راح تشوفين كل الناس تغيرت إلا إنتــي ..

ابدي من الحين .. لو بشي بسيط ..

ترا مشوار الألف ميل يبدأ بخطوه ..

ليش ماتخطينها الحين ؟

بالتوفيــق ..
05-07-1429 هـ, 08:00 صباحاً
 


الساعة الآن 11:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏