......

............


....................



انا سعودية عمري 19 سنة لي سنتين متخرجة

عندي مواهب
مثل الرسم
تصميم الازياء
وكذالك المكياج اعشقة واحبة وابدع فية
وانا الان بصدد انتاج كتابي ان شاء الله عن المكياج وتنظيف البشرة
بس مشكلتي ماالقى دعم احس اني اتحطم ..........هئ هئ هئ <<< ودي اصيح
جمعية نسائية - تجمع الملابس المستعملة والمواد الغذائية للمحتاجين

من يريد الرقم يراسلني ع الخاص
اقتباس مشاركة  (سيدة أعمال مهمه)
ما شاء الله عليكي انا اتمنى لكي التوفيق يا اختي

فكل شي تملكينه بيدك ثمين هو ما استحقيتيه ولا يستحقه غيرك

وانا حاضره لأي مساعده ترغبينها من ناحية الاعلانات والتصميم
فأنا ارحب بكي بمكتبنا للتعاون والتعرف على قدراتك راسليني على الخاص واتصلي بي بالرقم المدون وبارك الله بالبنات الطموحات
الله يجزاك خيـر ويبارك لك في حياتك ..

هذي أهم فائده من هالموضوع .. التعاون وإرشاد بعضنا البعض
وسيتم إرسال رسالة خاصة ..

شاكرة لك اهتمامك
اقتباس مشاركة  (::.::رواسي::.::)
مشكوره اختي على هذا الموضوع المهم جدا فالكثير منا جالسات في البيت وماعندهن وظايف ولكن لكل منا اكيد عندها موهبه او اكثر.
فانا عندي موهبه في عمل توزيعات وهدايا مواليد حاولت اسويلي مشروع توزيعات وهدايا بس مالقيت تشجيع للاسف
وايضا لدي موهبه في الرسم والتصميم في الفوتوشوب والسويتش ماكس واحب الاشغال اليدويه
وشكرا مره ثانيه على الموضوع..
ماشاء الله عليك .. هدايا واشغال يدويه وتصميم ورسم وتنتظرين تشجيع من أحد !!

خلينا نبدأ موهبه موهبه .. وان شاء الله تلقين الي يفيدك ..

عمل توزيعات وهدايا .. هذي الموهبه أعتبرها أهم شي بالوقت الحالي .. انتي شايفه الحين الناس تحب المظاهر ودايما اذا جتك هديه حتى لو بسيطه وشفتي تغليفها فخم تحسينها فخمه جداً .. لأن التغليف وتنسيق الهديه ومظهرها الخارجي يدل على قيمة الهديه ..
وهذي بعض الأفكار الي ان شاء الله تفيدك ..
اذا ولدت عندك اي قريبه لك " تمونين عليها اطلبي مساعدتها .. شلون ؟ "
اول شي سوي لها تغليف علبة شوكولاته كبيره وفخمه جداً " يعني حطي كلللل حيلك وأفكارك فيها " ..
وخلي كل ماجاها أحد توزع عليه الشوكولاته وتسوي دعايه لك ..

والفكره الثانيه .. تعاملي مع مشغل مشهووور في مدينتكم .. وقولي لهم يحطون لك ركن لتغليف الهدايا عندهم .. وطبعا راح يكون لهم نسبه من شغلك ..

والفكره الثالثه .. سوي اعلانات مصوره لك ووزعيها في مستشفى الولاده " وإذا قدرتي تحطينها في غرفة مابعد الولاده يكون افضل " + المجمعات التجاريه ..

الفكره الرابعه .. البازارات والاحتفالات السياحيه فرصة ماتتعوض تلقين الناس من كل مكان يتجمعون فيها .. حاولي تاخذين لك ركن " وإذا ماعندك قدرة انك تبيعين بنفسك " تشاركي مع أحد يبيع لك وله نسبه أو مبلغ معين تتفقون عليه " طبعاً مايكون ركن لتغليف الهدايا لا .. انتي تسوين هدايا جاهزه للبيع ومطلوبه .. يعني مثلا مصاحف + سبحات + صناديق للتخزين + ألعاب " دببه وعرايس + صناديق للهدايا جاهزه " يعني الي تشريها تحط فيها الهديه بس وتقدمها " المهم أي شي يطري على بالك سويه بشكل فخم ومميز لكن لا تحطين اشياء تخرب مثل الاكل والشرب لا .. لان لا سمح الله مااحد اشتراها بتخسرين فيها كثير ..

والبازارات بعد ممكن تسوقين فيها أعمالك اليدويه " سوي مخدات عليها اسماء + مناشف عليها اسماء + قفازات " أهم شي تخلين لك بصمه فيها يعني مثلا اذا وحده تبي اسمها على مخده أو نشفه أو اي شي خليها تدفع عربون وتجيك بعد كم يوم وتكونين مخلصته لها " فكرة الاسماء حلوه بصراحه شفتها كذا مره ومشت كثييييييييير خصوصاً لمستلزمات الأطفال .. " صح وحاولي تسوين أعمال يدويه خاصة بالأنديه الهلال والنصر وكذا لأن العيال الصغار يشوفون اي شي عليه شعار ناديهم ينهبلوووون ..

طيب نجي للرسم الحين .. موهبة الرسم تقدرين تستفيدين منها باشياء كثيره لكن اعتقد ان رسم اللوحات وكذا ماينفع الحين " عاد مادري اذا كان اعتقادي صحيح ولا لا " المهم .. نصيحتي لك ترسمين على اكواب وصحون ومزهريات ومثلا مقلمات حقات الأقلام " المكتبيه " وارسمي بعد على علب زجاجيه حقات الشاي والسكر .. وانا بصراحه اعجبتني حركة الرمل الملون الي تحطينها بعلب زجاجيه .. تجيبين رمل ناعم وتلونينه وبعدين تحطينه طبقات على اي شكل مثلا بحر او جبال او اي شي بحيث ان الي يشوفه من برا يشوف منظر كامل " اتمنى قدرت اوصل لك الفكره " واذا صعبه عليك تعلميها وبسهوله راح تتقنينها بإذن الله لأن عندك الموهبة ..

بالنسبة للفوتوشوب والسويش ماكس فللأسف أنا ابي من يدلني بشي استفيده من موهبتي هذه وكما قيل " باب النجار مخلوع " .. لكن بإذن الله راح نلقى مجال نستفيد منه ..

ابتدأي من الآن ..

سوي لك خطه للإعلان عن نفسك .. وإذا تبين اي مساعده بالإعلان اكتبي لي هنا أو أرسلي لي على الخاص ..

شاكرة لك مشاركتك ..
اقتباس مشاركة  (مشعل خير)
ماشاء الله عليك اختي انت كدة شجعت البنات وعملت دعاية لنفسك

وفكرة كتاب الطب الشعبي مرة ممتاززززززة طالما موجودة الخبرة
ليش ماتكتبيه وتوثقيه بالقصص والتجارب الي حصلت مع الوالدة الله يحفظها واستعيني بخبرات أكثر علما ليكون له قبولا وفقك الله
الله يجزاك خير ويبارك لك في حياتك ..

شجعتيني لابدأ الكتاب بإذن الله .. لكن انتظر الإفاده منك يعني كيف اطبع الكتاب وماهي الشروط المطلوبه وكذا ؟ اذا عندك فكره اكتبيها وأكون لك شاكره ..

شاكرة لك مرورك ..
دلع سنفورة ..


اقتباس مشاركة
ما شالله عليج ..تخصصج وااااايد حلو ..
ممكن تسويين دروس خصوصية ف الانجليزي .. وتكون البداية من هلج وصاحباااتج يا الغلا ..
وتقسمين وقتج يعني من 4-6 المغرب ..( فصل دراسي لمجموعة محددة - صف سادس )
6-8 العشا ( فصل آخر .. صفوف الاعدادي أو المتوسط )
وممكن تستغلين الفترة الصباحية .. للحريم اللي يدرسون ف محو الأمية أو منازل
ممكن تكون فرصة حلوة لج ولهم
ماشاء الله عليك .. تصدقين ماعمري فكرت بهالفكره

الله يجزاك خير ويبارك لك في حياتك ..


اقتباس مشاركة
ممكن هالجانب اللي تتقنينه في تصميم الفوتو شوب تعطين فيه دورات تدريبيه .. ممكن من خلال البيت .. أو من خلال الجمعيات الخيرية (( يعني تتعاونين معاهم .. وتعطين الدورات بأسعااار رمزية ))
استغلي فترة الاجازات الصيفية للمدارس .. وسجلي نفسج كمتطوعة في أي جمعية خيرية .. وإعرضي خدماتج في التدريب وتصميم الاعلانات ..
يعني العلم اللي عندج بتحصلين من وراه الأجر والثواب .. وممكن إذا أثبتي جدارتج ف التصميم والاعلانات ..تتوفقين بعمل يرضيج
العمل كمتطوعه فكره رائعه .. وبضرب فيها عصفورين بحجر .. منها افيد غيري واخذ الاجر والثواب ومنها اظهر نفسي في هذا المجال واسوي دعايه غير مباشره ..



اقتباس مشاركة
الحين محلات تجهيز الأعراااس يدورون الناس اللي تكتب أشعار باسم المعرس واسم العروس..
ممكن من خلال المنتدى إذا كنت تملكين قصايد قوية وتدخلين الأسامي فيها ..تبيعها ..
حتى إذا مو منج .. ممكن من خلال إخوانج الشباب إذا يدخلون واايد منتديات .. فهذا ألأسهل ف التعامل .
فكرة روووووووووووووو وووووووعه وببدأ إن شاء الله أسوي بحث عن المحلات الي عندنا تبحث عن كتابة الشعر .. وان شاء الله أستفيد من هالناحيه ..



اقتباس مشاركة
مثلج يا الغلا .. وهاذي حالتي
بس ع الأقل شفت حظي من بعد الثانوية اشتغلت ف فترة وجيزة وتعينت مديرة قسم لمدة خمس سنوااات .. وكملت دراستي الجامعية ف مجال الإدارة المالية والمصرفية ..
ومستفيدة من تخصصي بشكل حلو ف حيااتي .. يعني مثلا: أسوي دراسات جدوى .. وأجمع دراسات الجدوى الخاصة بالمشاريع التجارية الموجودة بالمنتديات .. وأعمل مفاضلة بنها ..
وأي حد يبغي مشروع معين ..أعطيه اللي جمعته من معلومات حول هذا المشروع واحتياجاته ..
صح ببلاش .. بس يكفي اني مستمتعة ..
غير إني أطبع أبحاااث جامعية .. لأني سريعة بالطباعة ..
بس والله ما فكرت استثمر هالشي إلا من قريب .. وعلى مستوى الأسرة فقط ..
ما طلع هالابداااع بره ..
وأسعاار طباعة البحث ف المكتبات عندنا للورقة الواحدة 5 ريال بدون ألوان .. وأنا أطبع للأهل ب 3 ريال ألوان وبدون .. موفرة عليهم
ماشاء الله عليك .. انتي مثال حي جاء بوقته بصراحه .. الله يبارك لك في عملك وفي حياتك ..
لكن بإذن الله يتوسع محيط عملك لخارج نطاق الأسرة .. خلي أهلك نفسهم يسوون لك اعلانات عند الجيران .. الصديقات .. العمل .. وغذا عندك قريبات يدروسن بالجامعة خليهم يسوون دعايه عنك بشكل غير مباشر يعني ياخذون البحث ويقولون سويناه عند فلانه وبسعر رخييييييييص .. وبإذن الله راح تلقين خير كثير من هذي الموهبة ..



اقتباس مشاركة
لا تترددين يا الغلا ..
وانتي شاطرة ..
استغلي هالنقطة .. واقعدي مع الوالدة وشوفي تجاربها ف الحياااة ..
وسوي كتاب من تصميمج .. وإنتي إعلني عنه .. دام عندي موهبة ف تصميم الاعلانات
ووزعي اعلاناتج من خلال المكتبات والجمعيات التعاونية والأماكن التجارية
بإذن الله راح ابدأ اليوم وألف شكر على التشجيع ..


اقتباس مشاركة


هالمقولة صادقة .. وما عندي أي تعليق إضافي


الله يوفقج ويحقق أمنيااتج يااا رب

وإياك يالغاليه .. مشاركتك أثرت الموضوع كثيـــر .. بارك الله فيك ..


الساعة الآن 08:07 .