ماشاء الله تبارك الرحمن الله يحفظك .. ويبارك لك
تم استعارة المعرف

اقتباس مشاركة  (قمة في التحدي)
......

............


....................



انا سعودية عمري 19 سنة لي سنتين متخرجة

عندي مواهب
مثل الرسم
تصميم الازياء
وكذالك المكياج اعشقة واحبة وابدع فية
وانا الان بصدد انتاج كتابي ان شاء الله عن المكياج وتنظيف البشرة
بس مشكلتي ماالقى دعم احس اني اتحطم ..........هئ هئ هئ <<< ودي اصيح
انا بذبحك انتي ورواسي
الحين كل هالمواهب عندك .. ماشاء الله .. وتنتظرين دعم وتشجيع ؟
والله محد بيفهم تفكيرك وقدراتك غيرك .. فـ ليش تنتظرين الناس ؟

طيب نجي للكنز الي تملكينه ..

الرسم .. شوفي ردي على رواسي ان شاء الله تستفيدين منه ..

تصميم الازياء .. مهم جداااا جداااااااااا جداااااااااااا بالحياه ولو تسوين دعايه بسيطه لنفسك بتشوفين العجب العجاب !!
حبيبتي .. فكرة رااائعه دائما افكر فيها لكني لا املك الموهبه " يعني أفكر لقافه بس "
اول شي على محيط العالم العربي .. اذا عندك قدرة لعمل موقع الكتروني على النت .. لا تترددي .. اعرضي فيه بعض تصاميمك " بعضها مو كلها انتبهي " وسوي له دعايه بالمنتديات النسائيه الكبيره " مثل عالم حواء وغيرها واذا ماتعرفين المنتديات ارسلي لي على الخاص وراح ارسل لك اسمائهم "
أو .. اشتركي بعضوية التاجرات بالمنتديات النسائيه الكبيره " وكلها الحين صار فيها ركن للتجاره " ..

طبعا من خلالها راح تبيعين لهم صور تصاميمك " ممكن تصميم واحد تسوين له عدة الوان علشان تحس الزبونه ان عندها أكثر من خيار "

الشي الثاني على محيط مدينتك .. تعاملي مع مشغل مشهور بمدينتك .. واتفقي معهم على نسبه معينه لهم .. طبعا يسوون لك اعلان عند الزبونات .. واذا جت الزبونه واختارت التصميم من عندك خلاص ترمينه " انتبهي تبيعين نفس التصميم على زبونتين ترا بتفقدين تميزك وتعرفين حنا عندنا عقدة اننا نلقى احد لابس مثلنا بالاحتفالات " طبعا خلي الاسعار متفاوته على حسب التصاميم مع اني اشوف انه كل ما ارتفعت الاسعار كلما صار الفستان مرغوب أكثر !! لكن وجهي اهتمامك لكل فئات المجتمع علشان تكسبين ثقة الكل ..

الشي الثالث .. على محيط معارفك " الاقارب والصديقات والأهل " .. اتفقي مع خياط بارع " لازم يكون خياط فلته علشان تصاميمك تطلع بشكل جنان " وكل ماتبي وحده تسوي فستان وريها تصاميمك وقولي لها اسويه لك كاااااااامل بالسعر الفلاني " وخذي مقاساتها واشتري القماش ووديه الخياط " طبعا انتي احسبي التكلفه كلها + ربحك الي تبينه واعطيها السعر بناء على ذلك ..

الشي الرابع .. مشروع كتاب سنوي .. سوي لك كل موسم كتاب مصغّر بيعيه " حتى لو تكون مذكرة يعني مو كتاب " لكن اهم شي تكون التصاميم واضحة وملونه وعلى الموضه الدارجه وحاولي انك تجيبين اقمشه متوفره ..
يعني حتى لو بس 20 تصميم كل سنه تحطينهم بكتاب وتبيعينهم ..

بس اهممممممممممممم م شي انتبهي تكررين الموديل .. الي تسوينه لزبونه لا تسوينه لثانيه حتى لو كانت كل وحده بمدينه مختلفه عن الاخرى .. والي تحطينها بالكتاب لا تسوينها برا الكتاب خليها منفصله ولا تسوينها ابد ..

نجي للموهبه الثالثه .. المكياج .. طبعا المكياج ممكن تتطبقين عليه مشاريع تصميم الازياء ..
اما تشتركين بمشغل وتزينين الحريم .. وبنسبه ربح تتفقين عليها انتي والمشغل ..
او تسوين مكياج لقريباتك بكل حفله لكم بسعر أرخص من المشاغل ..
وفكرة الكتاب راااائعه بصراحه لان داايم كتب المكياج عليها سوق مو طبيعي ..
اهم شي بيني خطوات المكياج خطوه بخطوه يعني الاساس والبودره ورسم العين ووو الخ ..
وحاولي تبينين انواع المكياج لكل بشره " يعني وش يناسب ووش مايناسب لكل بشره "

وبالتوفيـــق وان شاء الله بعد فتره " قصيره او طويله على حسب اجتهادك " تصيرين من اشهر مصممات الازياء ومعلمات فن التجميل ..
فاصل مهم ..

يابنات الدعايه والإعلان أهم شي بأي مشروع تسوينه .. ودايما تشوفوني اكتب لكم خلو قريباتكم واهلكم يسوون لكم دعايه .. ليش ؟

لأن الدعايه الغير مباشره هي الي تأثر أكثر ..

يعني مثلا لو شفتي اعلان بجريده أو مجله يمدح لك الدكتوره الفلانيه أو خبيرة التجميل الفلانيه أول شي تسوينه تسألين الي تعرفينهم من جربها صح ؟ ومن تجارب الناس انتي تحكمين عليها .. تجارب الناس هذي هي اعلان غير مباشر ..

يعني اضرب لكم مثال .. أمي عندها خبرة بالطب الشعبي واذا كانت وحده من قريباتنا مريضه او بنفاس أو حامل او طفل من اطفال العائله مريض تقول لهم حطو كذا وكذا وسوو كذا وكذا " يعني هي ماتعالج بيدها لا تقول لهم يسوون الشي وهم يسوونه "

وامي ماعمرها سوت اعلان ابدددددد واصلا هي ماهي معتبرتها وظيفه ولا مصدر رزق .. لكن نتفاجأ كل فتره بناس يتصلون ويسألون .. تدرون وش يقولون ؟
احنا من طرف فلانه ولا فلانه ..

شايفين كيف ؟ لان فلانه وفلانه وفلانه مدحوك .. الكل راح يختارك بأي مجال ..

وانتم شوفو الي حولكم وتأكدوا ..

ودااايما اطلبي مساعدة قريباتك ومعارفك لان الدعايه الغير مباشرة أهم وأفضل دعايه تبرزك بالمجتمع ..


بصراحة تعبت وتكسرت أصابعي من الكتابه وماابي منكم الا دعوة بظهر الغيب .. ولكم بالمثل ..

بالتوفيـــق للكل ..
اقتباس مشاركة  (*ضحية صمت*)
ماشاء الله تبارك الرحمن الله يحفظك .. ويبارك لك
وإياك يالغاليه ..

بارك الله فيك وشكراً على هذه الدعوات الطيبه التي لم أكتب هذا الموضوع إلا من أجل الحصول عليها ..
جزاك الله خير


الساعة الآن 12:52 .