Analysis Services
موفقين بس مافي أحديساعد جا الصيني البضاعة وخربت على الكل
كل شيء يسونه
الله يوفق الجميع
03-01-1429 هـ, 07:44 مساءً
 
موضعك روعة مين اللى قال انه الوظيفة افضل شىء بالدنيا بالعكس الوظيفة تخنق ابداعك و الوقت بيكون ضيق و انت تعملين
فكرى بمشروع خاص بك و لازم يكون لك مشروعك الخاص كما قال رسولنا الكريم بما معناه تسعة اعشار الرزق فى التجارة و يا سلام على متهةانه يكون لديك عملك الخاص تحبينه و تشاهدينه يكبر كل يوم انا اتمنى
1- افتتح اتيليه تصميم ازياء سواريه و فساتين افراح للمحجبات عندى موهبة بهذا و كمان معلومات كثيرة وساحاول ادرس تصميم الازياء ليكون الموهبه مصقولة بالدراسة
2-و كمان عندى موهبة الماكياج و معلومات جيدة جدا بس الناحية الدينيه هى للى وقفتنى لانه الافراح عندنا بمصر مختلطة حتى لو وضعت مكياج للمحجبات فهاخذ ذنب لانه فرح مختلط

3-عندى رغبة قوية بالاستثمار بالعقارات بس موقفنى التمويل لانه الاراضى سعرها غالى اتمنى اشترى ارض و ابنيها عمارة و ابيعها و لكن هذا يحتاج ملايين والمشاركة حذرونى منها البنات لكن منين اجيب ملايين
و لى مشاركة ثانيه قريبا بموضوعك الجميل
03-01-1429 هـ, 10:50 مساءً
 
موضوعك رووووعه مررررررررررررره

والأروع منه انتي ماشاء الله ومواهبك

انا بصراحه مدري هي موهبة ولالا بس اعششششششق الكتابة شعر او خواطر ومقالات إجتماعية

وأحب أناقش تشوووفوني عند صديقاتي داااايم اهذر واتفلسف يعني احب الشخصية القيادية

يعني بالعربي مستعده أنظم وأقدم واحاضر في اي مووضوع

بس حظي مرشوش بتراب مالي حظ

اللي تقدر تفيدني الله يجزاها خير ولو اني مدري هي موهبه ولالا
04-01-1429 هـ, 01:05 صباحاً
 
هلا اختى موضوعك حلو وسبق وقريت مثله شخص كتب عن المواهب وتشجيعها وكان الموضوع ثري بالنصايح والافكار الجديده والمفيده وانا معاك وخصوصا فكره كتابه كتاب للطب الشعبى والاستفاده من خبره الوالده وممكن تستعينين بذوى الخبره والكتب المتخصصه فى هذا المجال والله يوفقك وبالنسبه لى انا هوايتى تصميم الازياء اصمم واعرض فى بازارات
04-01-1429 هـ, 01:34 صباحاً
 
اقتباس مشاركة  (jody1818)
بسم الله الرحمن الرحيم ..

اخواتي الغاليات في منتدى عالم حواء .. السلام عليكن ورحمة الله وبركاته ..

هذا أول موضوع لي في هذا المنتدى الرائع الذي استفدت منه كثيرا ولكن للأسف لم أفد أحداً .. فـ قررت كتابة هذا الموضوع حتى تعم الفائدة على الجميع ..

سأكتب الموضوع بالعاميه .. حتى " ناخذ راحتنا أكثر "

" راح أغير العالم بإذن الله " .. جملة دااااايما نسمعها كثير من ناس يمكن يكونون عاديين بنظرنا لكنهم يملكون الطموح والموهبه ..


" إذا أردت أن تصبح عظيماً ومميزاً .. ففكـر بجنون " ..

التفكير المجنون موجود .. والمواهب كثيره .. والطموحات لا حد لها .. وثمة مشاريع عديدة يتم التفكير بها تبدأ وتنتهي على الورق فقط !!

ليش ؟

بسبب تشتت الأفكار .. وعدم توفر رؤوس الأموال .. وكوننا نساء " يعني ان هناك مجالات كثييييره ممكن تكون المرأه بارعة فيها لكن المجال للرجال فقط " .. وووغيرها من العوائق التي تغلق علينا الكثير من الأبواب ..

من هنا .. جاءت فكرة هذا الموضوع ..

أخواتي .. الفكرة أن كل وحده جالسة بالبيت لا شغله ولا مشغله وتشوف عندها مواهب ممكن تنفعها تكتبها في هذا الموضوع .. أي موهبه ولا تستصغرون أي موهبة تملكونها ..

لأني بصراحه _ مثل كثثثير منكم _ خلصت دراستي ودايما افكر ماهي معقوله بجلس كذا انتظر الوظيفه !! طيب واذا الوظيفه ماجات الا بعد 10 سنين .. وش بكون استفدت من هالـ 10 سنوات ؟ وهل ممكن بهالـ 10 سنوات اسوي شي يغنيني عن انتظار الوظيفه وحتى عن قبولها اذا جت ؟

وأنا أتكلم هنا عن المواهب الي بدون شهادات .. يعني انتي تملكين موهبه وبارعه فيها حتى لو ماعندك شهاده اكتبيها هنا .. لان الوظايف الحين تبي شهادات فقط والموهبه مكنسلينها !!

والهدف .. ممكن انتم تشوفون مشروع يناسبني ويناسب موهبتي وهالمشروع انا ماشفته ولا فكرت فيه .. عرفتوا ؟

يعني مثلا انا بكتب اني اجيد كذا وكذا لكن للأسف أفكاري مشوشه ومااعرف وين ممكن استفيد من كل ماأملكه ؟ فـ تجي أي عضوه يكون عندها مشروع شافته أو سمعت عنه أو فكرت فيه لكن ماعندها الموهبه الي تساعدها لإتمام المشروع فـ تكبتها .. وهكذا كل عضوه تشارك بهالموضوع لازم تبدأ بتفكير يغير حياتها ..

وممكن كذا عضوه يشوفون ان مواهبهم ممكن تستغل مع بعضها البعض .. فـ يسوون مشروع مشترك بينهم ..

وبكـذا ماراح نترك الموضوع إلا وحنا مغيرين حياتنا وطريقة تفكيرنا بإذن الله ..

بسم الله ابدأ ..

1 .. انا خريجة أدب انجليزي .. لدي قدرة على عمل تحضير لدروس اللغة الانجليزية من الصف السادس وحتى الثانويه العامه .. وايضاً عندي قدرة على تلخيص مواد الكلية " تخصص أدب انجليزي " ..

2 .. مصممة فوتوشوب " والايميج ريدي " + سويش ماكس + عروض تقديميه " باور بوينت " + موهبه بسيطه بإنتاج أفلام " سويت افلام عائليه بسيطه " ..
عندي رغبة قويه للتوجه لمجال الإعلانات ..

3 .. كتابة القصائد والكلمات " الاجتماعيه والترفيهيه وغيرها " ..

4 .. وقت فراغ كبيييييييير وجلوس على النت ..

وفيه فكرة حبيت اخذ رايكم فيها ..

أمي عندها خبره كبيييره بالطب الشعبي للنساء والاطفال .. ولها سمعتها .. فكرت اني اسوي كتاب اكتب فيه كل شي تعرفه للنساء والاطفال وبعض الامراض وابيعه .. لكن ترددت مادري ليه !! فـ ياليت تعطوني رايكم ..

يلا بنات انتظر مشاركاتكم .. من اليووووم ورايح ولا وحده تقول ماعندي شي اسويه ولا طفشت ولا فلانه توظفت وعلانه تزوجت .. وليه هذي احسن مني وهذي محظوظه ووو العبارات السلبيه الي نقولها دايم ..

ومالمرء إلا حيث يجعل نفسه ** فـكن طالباً في الناس أعلى المراتب ..

وآخر شي أحب اقوله لكم .. لا تنسون يابنات اننا حنا محاسبين عن " شبابنا فيمَ أبليناه " حرام تروح سنين عمرنا ننتظر وظيفه " ويمكن ماتجي بعد " وحنا نملك قدرات هائله ممكن نبدأ فيها من الصفر ..

يقول الرافعي رحمه الله :

إذا لم تزد شيئاً على الدنيا .. كنت زائداً عليها ..


أعذروني إن كان هناك خطأ أو تقصير فقد كتبت الموضوع دون مراجعه ..

في انتظار مشاركاتكن
تسلم يدك جودي
موضوع والا اروع من هيك
وبالنسبه لكتابك .. فكره مره حلوه واشد على يدك ما تهمليها
لانو فكره الكتاب غير انو الماما تستفيد من خبرتها " الله يطول في عمرها "
الكتاب راح يكون كنز .. هذا رأيي لاني احب الكتب المفيده وفيها التجارب

بالنسبه لي
احب تصميم المجوهرات
اي شي اعزم اسويه اقدر ابدع فيه في اي مجال " ما شاء الله تبارك الله "

عمل الحفلات : ترتيب الحفلات وتنسيقها < اكتشفته لما اتكلفت بتررتيب حفله اختي بعد الزواج
التنسيق مع المطاعم للبوفيه ولاصحاب الطاولات والكراسي والقهوجيه .. بطاقات الدعوه
واسماء المدعوين .. وتصميم ديزاين للحفل كامل .. متناسق مع كل شي
من الالف للياء
ودفعت للكل وبعدها استلمت حقي بدون اتعاب طبعاً " هم اهلي .. وانا كريمه "
المهم طلعت الحفله شي خرافي .. بس تعبت كثير

تغليف الهدايا ..
" اي شي فيه فن "

اذا تذكرت شي قلته

وسلامتكم ..
04-01-1429 هـ, 12:03 مساءً
 


الساعة الآن 02:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏