السلام عليكم ورحمة الله وبركاته
أنا ياأخواتي توني متزوجة لي 9 شهور والحمد لله ومشكلتي في الغذاء ماقدرت اسوي رز يعجب زوجي واهله يقولون إن طبخي حضري مثل أهل الحجاز وهم يبغون طبخ زين في نكهة شعبية وجاملوني فترة من الزمن واليوم ماأحد ذاق أكلي وزوجي صارحني إن أكلي ماهو زين وماينأكل وبكيت غصب عني لأني عجزت ماعاد عرفت وش أسوي زوجي يوم شافني بكيت قال خلاص ماعاد بأصارحك يعلم الله إني مجتهدة في ذا الطبخ وما قدرت أطبخ لهم أكلهم اللي يبغونه ساعدوني أرجوكم والله لأدعيلكم في آخر الليل أرجوكم مالي أحد بعد الله يساعدني غير كم تكفون ساعدوني وشكرا لكم
هلا اختي الله يعينك بس وش رايك تدخلين معي في موضوع تعلم الطبخ وعلى شوي شوي وان شاء الله تضبطين كل شي هو موضوعي كل اسبوع او اكثر انزل منيو ويكون متنوع في الاكلات ونبداء التطبيق كل وحده تطبق وتحط لنا صورة الاكله اللي طبقتها وهي ضبطت معاهاوالا واذا ماتقدر تصور مو مشكله اهم شي التطبيق واي سؤال اجاوب عليه ابحط لك الرابط وشوفي ان شاء الله بيفيدك كثير

http://forum.hawaaworld.com/showthread.php?t=1052024



الله يوفقك ويجعل والديكي في الجنة وياليت تعلميني كيف اسوي رز هو مشكلتي الكبيرة وهو الوجبة الأساسية
وشكرا لك أختي والله يفرج لك زي ما أنتي تفرجين كربتي
ماقصرت معكــ الاخت حجابي عفافي يعطيهاا العافيه والرابط اللي حطته ان شالله تستفيدين منه

وان شالله بتلاقين بقسم اطباق عالم حواء طبخااات حلوووه تستفيدين منها والله يشهد اني

استفدت منهم ومن تجاربهم يعطيهم الف عااافيه .. حاولي ودوري وسوي بحث وبأذن الله

تستفيدين مثلي لاتبكين ولاتاخذين بخاطركــ حاولي مره ومرتين وان شالله تصيرين

احسن طباخه بالعاااالم موعيب تفشلين مره واثنين وبتجاربكــ ان شالله بتتعلمين وتستفيدين

ادعيلي الله يوفقكــ مابي منكــ غير دعواتكــ


اختي مثل ماقالت اختي حجابي عفافي شاركي معهم وما راح تندمين
والرز اذا كانوا حمولتك يبونه احمر حطي صلصه
او اصفر كركم
ابيض بدون صلصه ولا كركم (احمسي بصل وحطي ملح وماجي ابيض وهيل نا عم (شوي للنكهه)ولومي اسود واذا طبخ حطي الرز وخلي الماء ارفع من الرز (يعني حطي الملعقه وارفع منها بشوي وطولي للنار واذا بدء ينشف ذوقي حبته ان كانت لينه خوذي من الماء وان كانت قاسيه قصري للنار (وما حددتي تبينه لين او حب شوي )
واذا كان هو مثل ماتبين سوي له كشنه وهي
بصل يحمس وبعد الحمس صبي الزيت فوق الرز وارجعي لتكملة الكشنه واغسلي زبيب وحطيه فوق البصل واخلطي وبهريه بقرفه ناعمه وهيل ناعم واخلطيه وفوق الرز حطيه ومعه( فلفل اخضر يعطي ريحه جنان)ورشيه بماء الكادي وذوقي الطعم اللي يخلي حمولتك (يفرشون الارض لك ورد )


الساعة الآن 06:43 .