ياقلبي انتم تسلمون على التشيجيع انتم الاروع والله وهذي باقي الوصفات
1- البرياني <<<<<<
تقطيعن الدجاجه الى 4 اقسام وتشيلين الجلد ___ بعدين نحط في قدر شوي زيت او سمن ونحط عليه بصله متوسطه مقطعه صغير وفص ثوم مفروم واذا ذاب البصل نضع عليه طماطتين مطحونات وبعدين نضع عليه الدجاج ونضيف اليه مكعب ماجي شوي صلصه وكركم واضع عليه ملعقه بهار ابرياني الهندي الي من مهران رووعه يابنات وهذا سر طعم البرياني حقي والله يابنات يعطي طعم ولا المطاعم الهنديه روعه وبعدين حطي نص كاس ماء وقصري النار وخليه يطبخ وبعد 20 دقيقه اضيفي له بطاطس مقشر ومقطع قطع كبيره وعلبة زبادي وحركي كل المقادير مع بعض وخليه 10 دقايق وطفيه ....
الرز اطبخ الرز بعد نقعه احط ماء + ملح + ماجي ابيض واحط الرز وانا استخدم الرز الكلاسيكي رووووووعه احطه واخليه لمدة 5 او 7 دقايق بالكثير بعدين اشخل الرز ,,,,,,,, واجيب قدر ثاني احط طبقة رز بعدين الدجاج وبعدين الرز واغطيه واقصر النار وبعدين احط الكشنه مع شوي من الزعفران المطحون علشان يلون الرز .... وبالعافيه ...

2- الفوتشيني <<<<<
جيبي مكرونه الفوتشيني وهي تجي في علبه زي علبة الازانيا الزرقاء وهي زي الشرايط ومكتوب على كرتونها فوتشيني + صدور دجاج مقطع طويل (5 صدور) + فطر شرايح علبه +علبة ذرة + بصله متوسطه مقطعه شرايح طويله + فلفل رومي 1 مقطع شرايح طويله + كريمة خفق او قشطة خفق علبه كبيره او علبتين صغار
اولا نحمس البصل مع الفلفل واذا ذاب البصل نضع عليه الفطر والدجاج ونضع مكعب ماجي وشوي ملح وفلفل اسود ونقصر النار مع التحريك كل شوي وبالاثناء هذي نسلق المكرونه مع ملح وشوي زبده او زيت وبعد 10 دقايق يكون الدجاج استوى ونضع الذره وبعدين نضع الكريمة الخفق على الدجاج وبعد 7 دقايق طفيه وبعدين اشخلي المكرونه وحطيها على الدجاج واخلطي المكرونه مع الدجاج والفطر زين وبعدين اسكبيها بصينية التقديم ...

3- مسقعة بالجبن السايل + القشطه :
نقطع 3 باذنجان + 3 كوسه + 3 بطاطس + 3 جزر تقطع مكعبات وبعدين نقلاهم وبعدين نضع في قدر بصله مقطعه صغير ونحمسها بشوي زيت واذا ذاب نضع عليه طماطه كبيره مقطعه مكعبات ونضيف عليه شوي ماء ونضع عليه مكعب ماجي وشوي فلفل اسود وشوي بهار واذا اتسكبت الخلطه نضيف عليها الخضار المقليه ونخلطها زين وبعدين نضع عليها بقدونس مفروم بعدين نضعه في صينيه بايركس وبعدين
نضع الخلطه هذي بعد خلطها بالخلاط ( ا علبه جبن سايل كرافت الشيدر الصغير + علبة قشطه ) ونحطها على الخضار وتحمر بالفرن من تحت وبعدين من فوق

4- المرقوق :
كلكم الظاهر تعرفون الطريقه مايحتاج اكتبها ...
03-01-1429 هـ, 07:12 مساءً
 
روووووووعه ماشاءالله
الله يعطيكِ العافيه
03-01-1429 هـ, 07:22 مساءً
 
ماشاء الله يعطيك العافيه
03-01-1429 هـ, 07:25 مساءً
 
ام علا <<<<< ياحبيلك والله على التميز مشكووووووووووره عيوني ... مو مصدقه عيوني
03-01-1429 هـ, 07:35 مساءً
 
مشكوره اختي على هالاطباق اللذيذه
بس ممكن طريقة الحلى
03-01-1429 هـ, 07:39 مساءً
 


الساعة الآن 09:32 .