ما اطبخ الرز الأبيض المفلفل الا بمسلوقة الدجاج مع حبتين مستك وملح وزيت فقط
راح تاكلوا الرز بدون ما يكون معاه شيء طعم في الاحلام

اصفي الطماطم بعد خلطه يكون صافي واستخدمه للبيتزا وللكبسات والادامات يطلع له منظر يفتح النفس

عند عجن العجين اقوم بخبطه والله يعينكم علي الصوت بس وانا اعجن العجينه تنعم وتتخمر واكثر في ضرب العجين

اطحن ثوم مع الكزبره او البقدونس في اخر شيء احطها للادامات نكهه وطعم رهيب

اقشر الثوم بعد ما احطه في المكارويف يسهل تقشيره بسرعه

اذا عصرت البرتقال ما ارمي القشر الين ما ابشره واحطه في قوالب الثلج واستخدمه للرز وكيكة البرتقال

اذا افتكرت رايحه ارجع ويارب اكون نفعتكم
04-01-1429 هـ, 05:51 مساءً
 
في الرز البخاري الكشنة اللي على الوجه جرز وشوي سكر وزعفران
والباشميل يوضع مكعب ماجي وبديل للبيض جبنة كرافت تشدر او طحينة وبيضة
واذا ذكرت شي رجعت لكم
ومشكوررررة ياقمر على الفكرة الحلوة مثل صاحبتها
04-01-1429 هـ, 06:04 مساءً
 
هلا اختي مشكوره على الفكره الحلوه وماشاء الله على البنات ماقصروا اسرارهم روعه

اضيف لصلصة البيتزا اذا سويتها شوية اوريغانوا وثوم
اضيف لكشنة الرز شوية سكر مع الهيل والليمون الاسود يعطيها طعم حلو
اضيف لبعض تتبيلات الدجاج ملح ليمون يعطيها شوي حموضة لذيذه
اضيف للرز البرياني بهارات هنديه وبهارات الكاري
اضافة قطعه من الزبده للرز الابيض بعد النضج تعطيه نكهه خيااال
اضيف للحم المسلوق والخضار باللحم شوي بهارات بالحلبه تعطيه طعم يجنن
اضيف للحليب بالزنجبيل شوية ملح وفلفل اسود شي خطير
اضيف لتتبيلات الدجاج شوي زيت زيتون او زيت عادي يعطي الدجاج لون حلو عند التحمير
وهذا اللي ذكرته الحين ان شاء الله يعجبكم
04-01-1429 هـ, 09:45 مساءً
 
وووواووووووووووو
شكرا
04-01-1429 هـ, 10:14 مساءً
 
جزاك الله خير على موضوعك الرائع

اذا تبغي الايدام يتسبك ويصير قوامه غليظ اخلطي شويه دقيق مع مويه وصبيه عليه قبل ماتطفين عليه بربع ساعه

عشان المعجنات تطلع مضبوطه استخدمي الدقيق الكويتي واعجني مدة عشر دقائق

اللي تجربها وتضبط معهاتدعي لي
04-01-1429 هـ, 10:15 مساءً
 


الساعة الآن 04:19 .