مشكورة اختي الغالية على الموضوع المفيد هذي الموضيع ولا بلاش
من خبرتي المتوضعة في المطبخ
1_ من تجربتي في الحلويات لابغتي الحلى يضبط ويلطع الطعم تمام صلحي الحلى من ليل وحطيها في الثلاجه لموعد تقديمها والله يابنات عن تجربه لم كنت اصلح الحلا في نفس يوم المناسبة مايطلع طعمه مثل اذا صلحتها من ليل
2_ لم تصلحين مرقة دجاج وخضار حطي اخر شي كزبرة وكلما كثرتي يطلع الطعم خيال
3_ طريقة دائما اتبعها في السلطات خصوصا اللي فيه صوصات افرم ثوم ناعم واحمسه في زيت زيتون ولم ياخذ الطعم ويصير لونها اشقر يابنات انتبهو يكون لونها اشقر لان اذا صار للونه بني يعني طعمه مرة نجرع للثوم احطها بعد مايدف شوي على السلطة والله يابنت يطلع طعمها يجنن وكلهم راح يسالك عن سر الطعم
4_في حمسه احب احطها على الرز المكبوس في مرق حتى ابو الشباب يموت علية وهي اقلي شويت بطاطس وشويت بذنجان وكلهم مكعبات واحمس شويت بصل الين يذبل ويروح لونها ذهبي احط علية شويت ثوم واقلبها واحط عاد البطاطس والبذنجان واقلبهم وابهارها بشويت فلفل اسود ملح وكمون وملعقة صلصة طماطم واقلبها اللين تتجانس مع بعض احطها على وجها الرز عند التقديم بنات روعه الطعم ويخليك كانك تعبانه في الطبخ وهو مافي اسهل منها
هذا اللي عندي وان شالله اعصر موخي واكمل اسراري المتوضعه في المطبخ
05-01-1429 هـ, 06:06 صباحاً
 
طبعآ صديقتي تقول انها تستغفر وهي تطبخ ويطلع روعه
تستودع الله طبخها ومايحترق
اطبخ الرز الابيض بشوي زيت زيتون اممممممم خياااااال
استبدل الفلفل الاسود بالاحمر رهيييييب
واذا تذكرت رجعت لكن ان شاء الله
05-01-1429 هـ, 07:10 صباحاً
 
يسلموووووووووووووووووووووو
05-01-1429 هـ, 08:30 صباحاً
 
ما شاء الله والله اسرار فعلا مفيده
انا عندي اضافات يمكن ما تكون سر بس ابذكركم فيها
- عند عمل كشنة الرز اللي على الوجه احمس البصل الين يشقر ويبس تقريبا واحمس بعد قليل من خيوط الشعيرية واذا تحمرت احطها على البصل واضيف بهاراتي واغطيها شوي بدون نار وهي تلين مع البصل من البخار واحطها على الرز..
- عند عمل القرصان اطبخ ليمون اسود حبتين او ثلاث حسب كمية القرصان اغليها في قدر صغير لحالها الين تلين مرررة وبعدين اكب مويتها على مرق القرصان واجيب مشخال واضعصر الليمون الاسود الى ان ما يبقى فيه مويه واتخلص من الليمون بس والله صدقوني يعطي طعم للقرصان ..
- الطبخات اللي تتطلب وقت طويل على النار مثل الجريش والهريس لقيت اني احطها داخل الفرن على نار هادئة احسن من فوق واحط تحتها بلاطه لانها ما تحترق ..
- عند عمل التوفي في الحلويات السكر المحروق مع القشطه صرت دايما احط معه ربع او اقل زبده يعطيه قوام ويتشكل معك باي طريقه..
لو ذكرت شي برجع اقول لكم
05-01-1429 هـ, 09:37 صباحاً
 
ما شاء الله .. موضوع أكثر من رائع
جزاكي الله خيرا حبيبتي صاحبة الموضوع
و بارك الله في كل أخت لم تبخل بخبرتها و أسرارها
05-01-1429 هـ, 09:46 صباحاً
 


الساعة الآن 11:27 .