بسم الله الرحمن الرحيم



السلام عليكم ورحمة الله وبركاته


كيفكم ياستات ياقمامير

خطرت ببالي فكره جنونه

الحين مو معظمنا مشغولات بالبيت والبزارين والمكالمات ووووووو
وغيرنا يشتغلون ومايمديهم يحكون راسهم

طيب اليوم انا وكل يوم كذا واطبخ غدا مميز ماشاء الله تبارك الله

وفكرت ليش مانساعد بعض
وزي ماهو واضح من العنوان
اذا سويتي في يوم من الايام غدا سريع وكان لذيذ صوريه لنا
واسدحي طريقته
<<<<< بنات مااعتقد مهم تكثير الصور اظن الصوره الاخيره تكفي

وبكذا نتساعد ويكون عندنا فهرس كبير لطبخات حلوه وسريعه بالصور

وممكن نستخدم فيها باقي غدا امس او طماط قطعتيه للسلطه وماانكل او رز ابيض بقا من العشا
او دجاج مشوي عقب العشا

وبكذا نضرب عصفورين بحجر


انتظر مشاركاتكم
يالله بسم الله نبدا

وهذا غداي اليوم

صينية لحم ببطاطس
معاه

صينية رز في الفرن


الطريقه مع المقادير
اولا : الصينيه
لحم مقطع بدون عظم كنت شايلته في الفريزر قطع صغيره زي قطع الشاورما
وممكن نستخدم قطع بعظم بس تاخذ وقت اطول بالطبخ

نحطه بالبايركس
وفوقه قطعي بصله صغيره شرايح
وفوقه حبتين بطاطس مقطعه مكعبات
وبعدين
الخلطه
في الخلاط : ربع ليمونه مقطعه بدون قشر ولابذور
ربع فلفل اخضر بارد
نص حبة طماطم

م ك مايونيز
م ك كاتشب
م ك خل ابيض

ربع ملعقه صغيره بودرة ثوم
م ك ثوم مفروم من الثلاجه <<< يعني ترى ماتعبت فيه
ملح
وممكن ماجي بس مااحبها
بهارات ( كزبره- كمون - فلفل اسود ) مطحونين

كاس ماء

بعد ماتنخلط

تنصب فوقه وتلفينه بقصدير وغطييييييه زيييييين ودحليه فرن حار 200


الرز
جيبي بايركس ثاني بس عميق شوي
اغسلي الرز البشاور <<< بكيفك اي رز بس احب هذا
ادهني الصينيه بملعقة سمن
وحطي فوق السمن البهارات العدله التاليه ( قرفه - فلفل اسود - قرنفل - هيل )
حطي الرز فوقهم
واخيرا غطي الرز بكميه من الماء المغلي المضاف له الملح بحيث يغطي الرز بمقدار اصبع ونص

وغطيها بقصدير وحطيها بالفرن جنب صينية اللحم
عشان ماتستاحش ويونسون بعض

وروحي سوي لك اي شغله

وبعد نص ساعه راقبي الرز لو استوى ارفعيه باعلى الفرن وخليه مغطى عشان مايبرد
وراقبي صينية اللحم لو نشف الماء وهي مااستوت زيديها


واخر شي قبل التقديم <<< استغني عنها اذا ماعندي وقت
قطعي كزبره تقريبا ربع حزمه ناااااعم
وشريها فوق الصينيه ورجعي القصدير وخلي الصينيه في الفرن الحار بعد اطفائه على ماتجهزين السفره


عموما الطبخه كلها ارتجال واول مره اسويها بس ريحتها تهوسسسسسسسسسسسسس
وان شفت ردودكم
نزلت الصور

















































امزح

لاتزعلون
بس لاني مايمديني الحين باروح احط السفره
سلامات
تونا خالصين من الغدا

فتوش

ودقوس

ورز عنبر ((مشخول )) .. مع سمك

ودمتي بود،،
وش هوه الدقوس
تسلمين اختي على هالاطباق الحلوة ويعطيك العافية


الساعة الآن 01:51 .