السلام عليكم ورحمة الله وبركاته
راح ادخل في الموضوع على طول بس ياليت تفيدوني
انا جربت طريقه المعمول تبع الاخت ام عزيزان بصراحه كان حلو يعطيها العافيه على هالطريقه
المشكله عندي ان في بعض الحبات انفقعت من الوسط او الطرف وصار التمر خارج
ياليت تقولون لي شو الحل عشان ماينفقع المعمول
طبعا انا صلحته بالفرن لان ماعندي اله المعمول
ومشكورين على تفاعلكم معي مقدما

احتمال تكون العجينه رقيقه من الاماكن الي انفقعت
وام عزيزان اكيد بيكون عندها الجواب الشافي
تحياتي
هلا حبيبتي المعمول اذا اخذ وقت اكثر من اللازم في الفرن يحصل له تشققات

فإنت حمي الفرن بالاول وبعدين حطي الصينيه ويحمر من تحت ماياخذ وقت ممكن 10 دقايق

ومن فوق بس تحمير خفيف

انا كانت المشكله عندي ولاحظت المعمول بالبدايه يكون روعه
لكن لما يتحمر من فوق طبعا كان الفرن عندي ناره واطيه

فاخذ فترة طويله لاحظت بدات التشققات تظهر

لكن لما خليته بس شويه الحمد لله المشكله اتحلت


وانت جربي وشوفي
شوفي حبيبتي لا تكثرين من التمر ولا ترققين العجينة خليها سميكة شوي
وان شاء الله اكون افدتك


الساعة الآن 02:41 .