هلا وسهلا بكل من شرف موضوعي


واسمحو لي قبل ارد عليكم
باكتب الطرق




اولا المقبلات

فطائر : كور بالخضار ، الدجاج ، الجبن


العجينة عجينة العشر دقائق

للاخت فيافي نجد
ومعتمدتها عندي من زمان
ومسويه كميه من الفطاير ومفرزتها واطلعها وقت الحاجه بس اسخنها
الحشوات :
1- جبن فيتا مع نعناع
2- دجاج مفروم مكشن مع البصل والثوم وكزبره مفرومه وبهارات
3-خضار مقطعه مكعبات ( بطاطس -وكوسا - جزر ) مكعبات صغييييييره ومكشنه مع بصل وثوم وبعد ماتستوي واطفيها اضيف ملعقة كبيره جبن سايل

تحشى قطع من العجينه نفس طريقة الخلية
وتوضع بالفرن بعد دهنها بالبيض
ترش الدجاج بالسمسم
والجبن بالحبه السوداء

بيتزا
نفس عجينة الفطاير

م ك صلصة بيتزا
وقليل زيتون شرايح اسود واخضر
رشة اوريغانو
وبالاخر جبن موزاريللا

ونفس الشي انا مفرزتها مخبوزه اطلعها اسخنها بس


محشي ملفوف

من منتدانا الغالي
مع بعض التعديل
هذا الرابط
http://forum.hawaaworld.com/showthread.php?t=624686


حمص

جاهز من الكرتونه بس طلعته وزينته
وحلو مع صينية الشاورما


يتبع>>>>


تسلم ايدج حبيبتي..

سفرة دايمة ان شاءالله..


ينقل من الساخنة لأطباق حواء لأنه منوع..

والله يعطيج العافية..




السلطه : سلطة الملفوف
ومعها تظهر السله الجانبيه فطاير مشكله من برا

تقطع حبة زهره متوسطه الى زهرات صغيرات وتقلى وتنشف من الزيت
ملفوف ابيض وملفوف بنفسجي مقطع صغييير
حزمة بقدونس وحزمة كزبره مفرومين
حبة فلفل بارد تقطع اعواد
رغبف خبز يقطع مكعبات ويقلى بالزيت


تخلط الخضار كلها
ويوضع الصوص ( عصير 2 ليمون - م ك خل - ملح - فص ثوم مفروم ناااااااااعم - 2 م ك جبن سائل - علبة صغيره زبادي )

واخيرا يوضع الخبز المقلي فوقها






الرئيسية :

جريش بالخلطه
يكشن بصل مفروم نااااااااااعم مع فص ثوم
وملعقتين سمن
وبعد مايذبل البصل
يوضع فوقها كوبين من الجريش المغسول جيدا
ويضاف كمية كبيره من المرق ( دجاج او لحم اللي تبين ) ويلف القدر بالقصدير ويدخل الفرن المتوسط الحراره لمدة ساعه ونصف
مع مراقبة الماء من حين لاخر
وان نشف زيديه مويه
مو كثير بس المهم مايصير نااااااااشف
وبعد مايستوي
تجيبين علبة لبن زبادي كبيره وتحطينها عليه وتقلبين زييييييييين بالمضرب اليدوي حق البيض


واخر شي كشني بصل ناعم مع المسمنه ( بهارات شعبيه ) وملعقتين سمن
او ليمون اسود مطحون وكمون وكزبره وفلفل اسود
وملح

وحطيه على وجه الجريش عند التقديم



صينية لازانيا

هذي للرائعه والمتجدده دائما ماشاء الله تبارك الله
ميك اب ارتست
الله يحرم يدينها على النار

وهذا الرابط

http://forum.hawaaworld.com/showthread.php?t=842139
وترى سويتها ودخلتها الفريزر ويومها سخنتها بالفرن


صينية شاورما



المقادير والطريقه
الطبقه الاولى
بطاطس يقطع مكعبات صغييييره ويوضع بالصينيه

الطبقه الثانيه
مخلل خيار يقطع مكعبات صغيره وتوضع فوق البطاطس

الطبقه الثالثه
صدور دجاج تقطع مكعبات وتكشن ببصل مقطع شرائح ومعاه ثوم مفروم وبهارات


الطبقه الرابعه
3 م ك جبن سايل
وعلبة قشطه كي دي دي الصغيره او اي قشطه عاديه
تخلط مع بعض وتوضع فوقهم
ويواسى السطح وتدخل الفرن تحمر من الاعلى فقط وتزين

انا جهزت مقاديرها كلها وخليتها كل واحد بعلبه ويوم العزيمه رصيتهم بالصينيه وحطيتها بالفرن بس

يتبع>>>>>
الحلى :
نوعين
الاول تشيز كيك لونين وطبقتين
وحطيت كم صوره له عشان يبين الشكل ومستاااااااااااانسه انه ضبط لاتشرهون علي
لاني سويته تحدي بيني وبين نفسي ان اضبطه


من منتدانا الغالي
للاخت العفة http://forum.hawaaworld.com/showthread.php?t=238697
وشفت الاخت ام عمر مسويته
http://forum.hawaaworld.com/showthread.php?t=1053408
وقلدتها وحمستني اسويه بطريقتها
لكن اللي صار ان الجيلي طلع برا الصينه
في الطبقه الاخيره
وقمت خلطت 2 ظرف دريم ويب مع علبة قشطه وصبيته ( الطبقه البيضا الاخيره ) وسويت منه خطوط فوق الكيكه كلها

متعب صح بس لذيييييييييييييييييذ ويواجه




وهذا الحلا الثاني
حلى الرفله للاخت ميك اب ارتيست بتصرف مني
هذا رابطه
http://forum.hawaaworld.com/showthread.php?t=880719

وانا استخدمت الباوند كيك الجاهز
وحطيت واحد فوقه جوز هند مبشور والثاني زينته بحلاوة منستيرز من جالكسي




اتمنى شغلي يعجبكم
وملاحظه صغينونه
العزومه ناس امون عليهم
وانا من كثر مااحوس بالعزايم ويبقى الاكل قررت اسوي انواع محدوده ومااكثر الكميات
ومافيه طبق رئيسي بالذات رز لاني لاحظت انه مايناكل كثير ويبقى اذا فيه اصناف غيره
وكانت النتيجه عزيمه متواضعه بس رايقه وانتهى معظم الاكل الحمدلله
وسلامي
ماشاء الله وصلتني ريحة طبخك

وااااااو عالتشيز كيك مره شكله يذووب

الله يديم هالسفره ويرزقني وبنات المسلمين السناعه وحب الطبخ

أختك :
Sun Shines


الساعة الآن 03:32 .