السلام عليكم ورحمة الله وبركاته ..
كيفكم يالحلوات ..
الله يرزقكم ولاده سهله أن شاء الله ..
ولادتي كانت نوعا ما متعبه ..
الـــــــــــــــــــــــــــــــــــــــــــــــــــــــــــــــــقــــــــــــــــــــــــــــــــــــــــــصــــــــــــــــــــــــــــــــــة
طبعا بنتي الحين عمرها 9 شهور .. المهم لما قمت من نومي العصر حسيت بوجع في ظهري
قلت يبغاله ساعة ويروح المهم خذت شور دااااافي وشربت اشياء سااخنه .. الوجع ماراح ..
قلت ياربي وش ذا .. اتاريه وجع ولاده ... اتصلت بصاحبتي قلت لها اليوم ولادتي بأذن الله ..
وأنا من النوع اللي ما يخاف وأتحمل الوجع ولله الحمد .. بعد كذا رحت لأمي .. وشربت حبه حمرا
مه الشاهي .. ورحت أمشي ... يمه والله امشي خطوة وأقعد حسيت بمثانتي راح تنفجر .. وكان
الجو بااااااااااارد .. ما قدرت .. و للحين ما نزل منى شي .. وجا المغرب وراح والجا العشا وراح
وأنا عااادي ماكن شي صاير .. وبعدين رحت للحمام وانتو بكرامة ونزل علي شويت دم ..
تعشيت وعينت من الله خير ودقيت على بو الشباب وقلتله خلك قريب منى شكلي بولد اليوم ..
زااااد الوجع وجت الساعه 11 وجا بو الشباب وقال تعبان ابغى انم .. قلت له نوم العوافي ...
وأنا سهرانه .. وجت الساعه 3 بليل وقلتله قوم تكفا تعبانه وهو بعاااشر نومه جعله نوم العوافي ..
وبعدين دقيت لأمي قلت خاويني بولد .. وتكشخت الله وحطيت الميك وتعطرت والله اللي يشوفني
يقول رايحه حفلة ... هههههههه .. المهم من حسن حظي الولادة كانت فاظية .. بعد كذا حطوني
في غرفة الولادة .. ونمت ع السرير وشغلولي التلفزيون .. وشفت الرئيس الامريكي ودعيت عليه
بس اشوفه مثل الحصان .. المهم جت الدكتورة قالت مفتوح عنك 6 الحمد الله .. بعدين نزلت المويه
وطلع الصبح وحما الطلق وجت أم زوجي .. وأنا اطلق وأطلق وأطلق وأطلق ...
قالو راس البنت يظرب تحت ما وده يطلع فوق ... ننتظر شوي .. وانا تعباااااااااااااااااانه من ظهري
بعدين جت الدكتورة وشافتني وقالت لااااازم عمليه أو شفط بالكهربه ..
لما سمعت امي كذا جنت هي وام زوجي وقعد يبكون << وش ذي الحاله ...
وقالو وين بو الشباب نبغاه يوقع على العملية مارضا بعد عمري خاف على ..
قالوله ما تطلع لين توقع .. طلع والدكتورة تناديه << تخلى عني ..
اتاريه راح لعند شيخ يقرا في مويه .. والحمد الله ما تأخر وجاب المويه وقالت الدكتورة لازم ما تشرب
شي رشو على المويه ,, والحمد الله خمس دقايق وولدت بالسلامه بس بشفط بالكهربه ..
....
:icon28:
....
في اليوم الثاني جاتني الدكتورة قالتلي ما شا الله عليكي كنتي قويه البارحة .. اللي مثلك ما يتحملون ..
أم فطامي^^ @am_ftamy_3
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
وماشاءالله عليكي