Analysis Services
بسم الله الرحمن الرحيم

السلام عليكم اخواتي العضوات

انا كنت اتصفح في النت ابغى اعرف معنى او شكل فاكهة البرقوق لانها مطلوبه عندي في النظام الثاني واحترت ناس يقولوا البخاره
وناس يقولوا المشمش
وناس يقولوا الخوخ

وللاسف النظام كيميائي مايبغاله اي تغيير

المهم لقيت وحده عندكم بتسال عن نظام الدكتور محمد الجزار الله يجزاه الف خير
وسجلت باسم froo7aaمخصوص عشان احطه للبنات
وماجاني اي تفعيل دخلت باسم اختي

انا طولت عليكم الكلام..

بس بقولكم انا بدات فيه من اسبوعين وهذا الثالث ماشيه فيه

ونقصت اول اسبوعين 7 كيلو

انا انصحكم تروحوا عنده لانه بالمتابعه تقوى العزيمه

بحط لكم النظامين وكل نظام تمشون عليه لمدة اسبوعين
وبعدها تبدؤا بالنظام اللي وراه اسبوعين وهكذا

النظام الاول...

الفطور:
حبتين شابوره بر او ربع رغيف حب+جبنه بيضا قليلة الدسم+شاي بالحليب قليل الدسم مع سكر النشا اسمه تروبيكانا (سكر الذره)


الغداء:
دجاج او لحم او سمك مشوي او مسلوق او بيضتين مسلوقه او تونه مصفاه من الزيت
سلطه خضرا عباره عن (خيار+خس+طماطم+فلفل رومي اخضر) ممكن تضيفين له ليمون وملح وكمون وعشان تزيدين في سرعة الحرق حطي ملعقه خل التفاح
وبرتقاله او تفاح ممكن تخليهم عصير بشرط انتي تعصريهم

والكميات مفتوحه..

العشا:
كوب لبن زبادي قليل الدسم+2حبه شابوره بر او ربع رغيف حب+ تفاحه
(انا شخصيا كنت ماحب طعم اللبن وعشان اغير طعمه اطحن نعناع+شوي ثوم وملح+كزبره واخلطهم مع اللبن يجي طعمه جنان)


تستمري مثل ماقلنا اسبوعين وبشرط تمشي يوميا نص ساعه اقل شي

كتبلي حبوب ريدكتل استخدمتها بس او اسبوع الين حسيت اني تعودت بعدين وقفتها
وحديد فروز او فيروز والله ناسيه اسمه
وصابونه تشد الترهلات تستخدم يوميا في الليل تتدلكي فيها جسمك مناطق الترهل وتتركيها الين تجف الرغوه تغسليها
بحط اسمها ان شاء اله لانه مو عندي الان

10-01-1429 هـ, 05:42 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاك الله الف خير وتم حفظ النظام وفي انتظار باقي الاسابيع
وربنا يوفقك ان شاء الله ومبروك على النزول
10-01-1429 هـ, 05:55 مساءً
 
الممنوعات:
طبعا كل شي ممنوع

والمسموح بين الوجبات:
*مسموح بشرب الشاي او القهوه ولكن بدون سكر او بسكر الريجيم ياللي قلتلكم عليه
*مسموح باكل التفاح والبرتقال والخيار والخس والجزر
*مسموح بشرب عصير الليمون بدون سكر
*مسموح باضافة الليمون والخل والملح والثوم والكمون
10-01-1429 هـ, 05:57 مساءً
 
الله يبارك بعمرك اختي ام الحلوين

ادعولي انقص المراجعه عندي الاحد مو هذا اللي بعده

بس انا زعلانه لاني خربت في النظام امس وبعيد النظام الثاني اليوم من اوله يارب انقص دعواتكم
10-01-1429 هـ, 05:58 مساءً
 
مشكوووورة عزيزتي ...

ننتظر اسم الصابونة
10-01-1429 هـ, 05:59 مساءً
 


الساعة الآن 04:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏