السلام على كل البنات الحلوين ....

قريب باروح الرياض ومن زمان مارحت لها يعني من اربع سنين تقريباَونسيت محلاتهاو

مجمعاتها،علشان كذا بغيت منكم مساعدتي في معرفة احسن المراكز الي ممكن اني اقضي

فيها الظهرية مثلا،ودوام المراكز التجارية في الرياض (يعني متى تفتح ومتى تصك؟)

واسفه على الازعاج........
هلا وغلا

حبيبتي مدري وش تقصدين..اسواق او سوبر ماركت..

الأسواق عندنا كثيرة..اخاف انسى شي منها..

عندك اسواق الفيصلية..والمملكة..صحارى...

فية العثيم مول اللي في الروضة يهبللل وكله ماركات واسعارة زينة..

عندك الأندلس...يجنن...اممممم النخبة مهيب شينة للي يعرفها..فيها تايورات تقليد ماركات ببلاش..

امممممم...اسواق مكه مو مرة...والله هذا اللي اذكره..

السوبر ماركت..عندك اليورمارشية الجزيرة السيفوي مفتوحين 24 ساعة

..العثيم..العثيم مب كلة زين...بعضها تجي كاتمة واضاءة خافته

والله هذا اللي اذكرة..ان ذكرت شي جديد راح اقول لك..والأخوات اعرفهم مايقصرون
من تتبع عورات الناس تتبع الله عوراته!
كل من تابعني مراقبة ولقافة كانت دوماً دعوتي
((اللهم أشغله في نفسه!))
عزيزتي ونه خفوق هذا النخبه وينه فين

وحبيت اسالك عن الوزير حلو ولا مايستاهل العنوه ومركز نجود :24:
الف شكر مقدما
هلا وغلا بأم ريان..

النخبة لم الدوار اللي يلف بك على عتيقة..وانتِ رايحة للسويدي والبديعة..على امتداد طريق الملك فهد<<==يازيني

ساكتة..توصيف مسكت

بس يمكن ماتعجبك النخبة..بس هي قريبة لي..وعرفت محلاتها..يعني الأندلس افخم واكثر محلات

الوزير مو لهدرجة..رحت مرة ولا فكرت اروح له ثانية..

مركز نجود اول مرة اسمع به..
من تتبع عورات الناس تتبع الله عوراته!
كل من تابعني مراقبة ولقافة كانت دوماً دعوتي
((اللهم أشغله في نفسه!))
سلام

مركز نجود قفلت أغلب محلاته مو زي أول..بس طبعا أحسن شي زياده على اللي قالت ونة خفوق..الفيصليه-المملكه- القرعاوي قاليريا-صحارى بلازا-صحارى-العليا مول..

وهي تفتح الصباح من الساعه 10 -12(صلاة الظهر)..وبعدين تفتح الساعه 4,30- 11 المسا..

الا يوم الأربعا والخميس تفتح من الصباح الى الساعه 12 المسا متواصل..ويوم الجمعه ما يفتحون الصباح أبدا..يبدون بعد صلاة العصر الى الساعه 11

أتمنى أكون أفدتك..........
هو فيه أرشيف على الأرشيف؟

http://archive.hawaaworld.com/member.php?u=25719


الساعة الآن 05:49 .