مرحبا باهل الخبره
اقولكم قصتي اليوم وهي اني حلمت امس حلم مزعج ويوم صحيت لقيت السوق هابط وانا شاريه اسهم منوعه بحدود 28الف ريال وخسرانه فيها بحدود 7الاف ومعلقتها لعل وعسى ترتفع لو تجيب راس مالي وابيعها
لكن الحاصل ماجابت ولا الربع ومخليتها
وهالشهر هذا اشوفه احسن واقول ***** الله اربح منها لكن امس يوم صحيت لقيت الدنيا مزفته والخساير بالهبل قلت يمكن بس اليوم لكن جاء اليوم يوم قمت لقيت الخساير ومن دون شعور فتحت الكمبيوتر وبعت كل شي ورحت لصندوق عندي وكنسلته وانا خسرانه فيه 25الف ريال عن راس مالي
وقلت بعدين ادخل لما يبدا السوق يزين ادخل وان شاء الله اعوض خسارتي
والحين سؤالي وش رايكم باللي سويته
ووش تنصحوني فيه عشان اعوض خسارتي
واخيرا اسمحوا لي على التقصير في الشرح واي سؤال انا حاضره وشكرا

اختي قدر الله وماشاء

الله يعوض عليك يارب

انا اشوف دام ان عندك سيوله تتدخلين بربع المبلغ مضاربة
اذا كنتي تجيدين المضاربه

ولا يقفل السوق الا الكاش بالمحفظه
مع اخذ الحيطه والحذر ودامك الحين بكامل سيولتك برا السوق لا تدخلين الين تتضح الصوره
موفقه يالغلا
اللهم إنا نسألك إيمانًا صادقًا ورزقًا حلالاً، اللهم اكفني بحلالك عن حرامك وبفضلك عمن سواك
أختي الله يعوضك
والحمدلله على ما كتب
اذا لك نفس بعد كذا تدخلي ثانية لسوق الأسهم
أنصحك بالتأنيوالتفكير 100 مرة
قبل اختيار اي شركة تدخليها
طبعا اختيار التوقيت للدخول مهم جدا
يعني لما يكون السوق في موجه صاعدة
مو مثل الحين احنا في موجة هابطة
انصحك ادخلي بربع المبلغ فقط
واستشيري محلل يعطيك أهداف للسهم ووقف الخسارة
فيه هنا بالمنتدى موضوع مثبت للرد على لاستفسارات
والله يوفقك
اختي قدر الله وماشاء فعل

الله يعوض عليك يارب


انا لو مكانك وبعت وخلاص ورضيت بالخساره معااد ادخل ابد لو اشوف المؤشر ثلالثين الف

اتمنى لو ارجع بس راس مالي وتووووووووبه لو دخلت السوق مره ثاانيه دعواتكم لي وللجميع المتعلقين
الله يعوظك خسارتك موكبيرة


الساعة الآن 04:07 .