السلام عليكم يابنات

اخباركم

انا ما اعرف شي بالأسهم وسوقها


بس حصلت مشكله وابيك تساعدوني بحلها

الوالد الله يرحمه اكتتب لنا في بنك البلاد اول مافتح والاكتتباب كان في بنك الرياض
والاسهم ما استفدنا منها من حطيناها
الاسهم الان نبي نبيعها
المشكله يوم رحنا الحين نبيعها قالوا البنك: لازم الوكيل بما ان المسؤول عنها متوفى
طبعا رحنا المحكمه نوكل اخوي عشان يبيع اسهمنا
رفضت المحكمه نوكله يقولون البنك ربوي وماراح نعطيكم توكيل
قلنا بس نبي نبيع اسهمنا مو نتعامل معه
ورفض
والمشكله بطاقة الصراف ماتشتغل وماراح يجددونها لنا لأن صاحبها متوفى ومالنا حق فيها ولا كان بعنا عن طريقها

ابيكم تفزعولي يابنات بالحل

كيف نبيع اسهمنا اللي بالبنك


تحيااتي

اهلا وسهلا بك اختي الكريمه
الامر سهل جدا
طلعو من المحكمه حصر ورثه و وكلو اخوكم على املاك والدكم المتوفي رحمه الله عليه
ومن هذا التوكيل يستطيع ان يبيع الاسهم .
لا يقول للمحكمه انه يريد ان يبيع الاسهم . فقط يأخذ توكيل عام على الاملاك
لكن هنالك ملاحظه مهمه جدا . ( التوكيل يعني له الصلاحيه في جميع الاملاك )
بمعنى لو انتو واثقين في اخوكم زين توكلو على الله .
اذا ما تثقون فيه ما انصحكم لانه بإمكانه اخذ كل شي من املاك الوالد بهذا التوكيل .
وبإذن الله ان اخوكم امين وانا لا اطعن ولا اشكك في ذمته .
لكن حبيت اوضح الصوره كامله لكي لا يحدث ما نخشاه وتدعين علي بسبب الحل اللي
قلت لك عليه .
تحياتي
الله يرحم الوالد ويجمعكم فيه بجنات النعيم بعد عمر طويل ان شالله ..
اذا لكم نصيب في شي بتاخذونه ان شالله ..
موفقه .
الله يرحم الوالد ويجمعكم فيه بجنات النعيم بعد عمر طويل ان شالله
: لااله الا انت سبحانك اني كنت من الظالمين





الساعة الآن 12:52 .