السلام عليكم ورحمة الله وبركااته
بعد ما علمنا الطفل كيف يروح الحمام ويطلبه اذابيسوي شيء
خلينا نعلمه كيف يعتني بنظافته الشخصيه يعني بدون ما تروحي انتي وتشطفيه وتنظفيه
هو يتعلم بس حبه حبه وراح اقول لكم من واقع تجربتي في البدايه تعبت جدا في تعليمه حتى صار يروح لوحده الحمد لله ما شاء الله تبارك الله
الادوات الي نحتاجها
1)مناديل رطبه ( يفضل مناديل ديتول)
2) صابون سائل ديتول
3)منشفه فيها الوان جذابه
4) شبشب للحمام
5)مناشف صغيره(يفضل تخلينهافي علبه في الحمام عشر مناشف وسعرهارخيص الوحده اظن بريالين)
في البدايه لازم تعلميه انه يلبس الشبب ضرروري ولما يخلص ويقضي حاجته ياخذ منديل رطب بيده اليسرى( ضروري تعلميه ان اليسرى لتنظيف )
ويمسح ( اذا كانت بنت تعلميها تمسح بالمنديل للخلف ما تروح للامام عشان الجراثيم )
ويظل يمسح بمنديل ثاني اذا اتسخ الاول حتى يصير المنديل اذا مسح ما فيه شيء
بعدين ياخذ صابون ديتول ويغسل ويتشطف بمويه وينشف بالمنشفه الصغيره وبعد ما يخلص منهايحطها في سلة الغسيل
ويقفل كرسي الحمام واذالحقته نجاسه من تبوله يتعلم يشطفه ( لانه من شب على شيء شاب عليه )
بعد كذايروح للمغسله ويغسل يده زيين بالمويه وصابون ديتول وينشف بمنشفته
ملاحظه
الولد لازم تعلمينه حتى عند التبول يجلس على كرسي الحمام لان بعضهم الله يهديهم ما يعلمون اولادهم على كذا وبكذا تلحقهم النجاسه وهم واقفين ويظلون على هالطبع الى ان يكبرون واذاخلص وتبول يشطف عضوه بمويه بس من غيرصابون ويغسل يده بعدها بمويه وصابون ونقطه ثانيه بعد حاولي تكون ادوات النظافه قريبه منه عشان ما يتكسل ياخذها
اتمنى اكون افدتكم وما ابي منكم الادعوه حلوه بالهدايه والسترلي ولاولادي
بس ولدي,,.دربته على الشطاف صار مهم الحين في كل حمام ولا يحتاج استعمال الايد نهائي ’’
بس طبعا لازم اغسله بعد الحمام لانه لابد يحط ايده على........من باب الفضول لانه صغير ثلاث وشهرين