Analysis Services
<<<<<<<<<<<<<<<<<<< عشعشت الفكره براسهاااا
توكلي على الله اذا عندك امكانيه لكل شيء
انا الصراحه ينقصني المكان بس بحاول ادبره من ولا منا
17-01-1429 هـ, 08:34 مساءً
 
فكرتك مرره حلووه سويها بس وريحي نفسسك انا لو يحصلي كان سويت

انتي عندك بنتك وانا عندي اختي وماتتسلط الا على الارواج اللي فيها ريحه فراوله تحفرهن تحفير وتاكلهن بعد

وصرت اقفل غرفتي كل مارحت امشي ومعلقه الميداليه بيدي تقل عجووز


واتوقع بتلقين كل شي عند نزييه

اذكر صديقه بنت عمتي عندها طاوله الميك اب المتنقله والظاهر انها من فور ايفر بس اضائتها صفراء

والاضائه الصفرا شيينه ماتصلح للتمكيج لانها بتفتح الالوان وتقعدين تغمقين وتغمقين واذا شفتي

نفسك باضائه بيضاء بتنصدمين من مكياجك يعني احسن شي الاضائه البيضاء تسطع وتشوفين الوان

المكياج على وجهك طبيعيه لاهي فاتحه ولا غامقه


طيب بنات وين القى الستاند دراير ؟؟؟
17-01-1429 هـ, 09:24 مساءً
 
أممممممممممم , أفكاري راح تتضارب مع أفكارك شوي , وممكن أحطمك .

أول شيء وين راح تحطين بنتك لاصلحتي غرفه مثل كذا ؟؟ ... قسم بالله لو تشوفها أول شيء بتسويه بتطبع بهالمرايات <=== وهي صغيره تحب تبوس المرايات لوووووووول .

إجباري راح تدخل عندك , إلا إذا تبين توسعين هالفكره لنطاق عمل .

إذا تبينه شيء شخصي ماأرجح هالفكره , راح تفرحين فيها بالبدايه , وبتكلفين على عمرك .. أخرتها بيصير مستودع صدقيني .

ولا تنسين المكياج يبيله تكييف ممتاز , هالغرفه بتكلفك فوق 20 ألف وزود لو تبينها بمقاييس رائعه وبسيطه <=== من رأيي أروح أشتريلي شنطتين لويس فيتون أزين لوووووول

الماكياج مايشكل مشكله نهائياً , إلا إذا ناويه يكون هالمنتجع الخاص فيك , سويت وفيه ساونا وبخار , وعدة الحمام المغربي ..

المرايات , لا تشترينها من الإنترنت .. مين قالك الشراء عبر الإنترنت سهل <=== أكثر وحده مجربه وضاعت فلوسي وانسرقت لين قلت بس , بس الحمدلله بمبالغ بسيطه .

بس مرايا ومع النقل , أضمني إنها بتتكسر .. أنا أشتريت كريولاين من الإنترنت من موقعهم الأصلي مره وصلني سايح , ومره ماوصلني .

المرايات ماتأدي مشكله , ممكن تركبين فوق تسريحتك الحاليه كشاف أو أضواء وبيمشي الحال <== كشاف متنقل بجنب التسريحه .

وللمعلوميه حتى لو النور أصفر بس بنوعيه معينه مثل إللي بميك أب فورإيفر يمشي حالها .. لو تقولين لي ميك أب فورإيفر راح أرشحه لأن شكله معقول .. بس المبالغه مهب زينه ..

أذكر مره دخلت بمزاجي هالفكره , بس أهلي عارضوها وبشده لووووووووول .

كنت ناويه أقسم غرفتي , ثلاث أقسام <== من كبر الغرفه ألحين ههههه .

المهم قسم أبيه للنوم فقط وملابسي ,, وقسم للكمبيوتر وللكتب <== أحلى يلي قطعت القرايه .

وقسم للمكياج , بس درت درت , لقيت إن شكل غرفتي بيصير شين شين لأبعد درجه , وشكلها أشبه بعينات أو مستودع ..

أنسب شيء لو عندك سويت بغرفتك , اكيد فيه جزء عازل بين الحمام -الله يكرمك- وبين غرفتك , حطي عدتك هنا مع المغاسل , غيري ديكور المغسله ومراياتها وأستغليها .

ترى إنتِ عايشه بالسعوديه لووووووول , ماراح تلقين أحد يساعدك بهالأفكار , ممكن تطلع فكرتك حلوه , بس مو مثل ماتتمنين .

بناء على بيوت أقرابي (بحكم إنهم توهم بانين ) <== ماشاء الله عليهم , موضه طلعت كل واحد غار من الثاني وبنى بيت .

زوجاتهم تفلسفوا لين قالوا بس , وتعالي ألحين بيتهم شكله أفكار بدون راحه نفسيه , ولا ينبلع للعين ..

طبقوا فكرة دولاب العبايات , وغرفة الصالون , وغرفة الملابس , حتى غرفه لعدة المسبح مسويينها .

وغرفه مصلى , وغرفه للنفاس <=== قسم بالله أستخفوا , كأنهم يجيبون عيال كل يوم (المهم براسهم أفكار) .

نهايته كل الغرف ماصار لها علاقه ولا تخصصت بالشيء إللي إنفتحت له , إذا تحسين نفسك بتستمرين أشد على أدينك ..

تحسين إنك ماراح تستمرين لا تسوينها , خاصه لو سببك بنتك..

لو سببك زوجك <=== هذي حطي تحتها عشرين خط صلحيها بلا تردد ,ماأطيق الرجال وأنا ألبس , يزنون فوق راسك لين يوجعونه لك .


أغلب أقاربي مصلحين غرفهم وعدتهم من الخزائن المبتكره , بس تراها غاليه بالمره .

بس الموديلات إللي مختارينها شكلها موديل فندق 4 نجوم , بس مالها طابع خاص .. كل واحد يشبه الثاني , تدخلين غرفة الوحده تحسينها دهليز من كثر الافكار .

المهم شوفيهم , لو ماعجبك سعرهم حوري أفكارهم بمكان ثاني .. موقعه: طريق الملك عبدالله , مقابل صحارى الرياض .

طريق الملك عبد العزيز , كله أفكار بأفكار ..لو تبين صور وحركات تفتح النفس , عندك محل أسمه قرمزي(إذا منب غلطانه) <== لوحات فنيه بس كلاس ..

ماأرشح لك نزيه , نزيه حلو بعدته فقط .. ولو تبين شيء مو شخصي للزباين .. بس لك , ماأنصح .

لو بجنبك صالون حلاقه فخم , وزوجك يروح له , خليه يسأله ..

ترى فيه حلاق يجينا البيت , كل مره أشوفه جايب عده جديده وأستفيد من أغراضه.

بطريق الملك فهد , شايفه ثلاث محلات , والله ماركزت فيهم , دوري هناك .. بس لما قلت لك برجع عالساعه وحده , طلعت وأنا أفكر فيك .. وأقول شكل ذول عندهم , ولو إن أغلب إللي شفته تجهيز مكاتب وأدوات صحيه .. بس إلا ماتلقين فكره خلابه .

إذا عندك إستعداد تكبرين الفكره وتصلحين لك منتجع خاص فيك , أبدأيها بأرضيه ممتازه تمتص الضربات وعمليه <== ياكثر مايطيح الإستشوار .

خصصي لك جدار كامل مرايات , مو كل الغرفه بتنخرعين ترى <== حتى لو كنتِ حلوه , بتحسين نفسك بمستشفى مجانين , خالي مصلح ديكور مثل كذا مابغيت أكسفه قلت له حلو , بس شكل الغرفه كأنها غرفة حلاقين لوووول .

صلحي لك أنوار خافته للإسترخاء , ونفس مكابس الانوار غيريها بحيث تتحكمين بدرجة السطوع .

وصلحي لك تسريحه مثل تسريحة الكوفيرات , بس بديكور حلو , بحيث تكون منتجع مريح للنظر .

ألوان البويه ,خليه يتناسق مع الموضه , مو تصلحين التعتيق وهالشغلات أصلاً مهب عمليه لو توسخت البويه عندك , وإياك والديكور إللي ماله معنى , كل شيء بالغرفه لازم يكون له فايده .

ممكن بعدين بحال أعجبتك الفكره , تكملينه تشترين لك كراسي التدليك إللي من 3 ألاف لين 20ألف , تصير غرفه لإستجمامك , وحلوه لو صديقاتك يشاركونك فيها ..

صحيح الأستريوهات ألحين يابلاش , ممكن توزعين السماعات الواير لس بكل الغرفه بيعطيك جو لا مثيل له , وترى الأي بود والإيمبي ثري , خرطي مايجي شيء عند الأستريو ماأحب أسمع بسماعات , أحب أسمع وأزعج غيري , وحتى لو بتركبينه بسماعات مافي مثل الشيء التقليدي بالنسبه لي .

ممكن تحطين له شموع , لو تحبين تمارسين اليوغا أو الرياضه .. خصصي لك جزء خاص .

ولا تنسين لازم تحطين كراسي توحي بالحياه , شوفي أي دي ديزاين , وديموس .. كلهم عندهم أفكار خطيره , وجديده وغير مستهلكه مثل إيكيا.

تذكرت شغله تسريحة ميك أب فورإيفر , إذامنب واهمه بــ 10 ألاف ريال<== سبق وسألت عنها , بس تقدرين تدقين على الوكيل إذا منب غلطانه موجودين بالتحليه , يعطونك كميه من منتجاتهم بتخفيض 30% , أو أكثر ناسيه , بس لازم تشترين كثير .

<== والله من كثر مشاريعي فقدت الذاكره , كنت مندفعه بعدين هونت .

بس أهم شيء قبل كل شيء , أدركي مقدار الخساره إللي راح تتكبدينها , أي فكره تبدأ صغيره بس تنتهي بمبالغ طائله .

أتمنى أكون افدتك , ماأدري أحس إني ماجمعت , براسي أفكار كثيره .. وصدقتي يوم قلتي التوقيت عالق عندي لووووووووووووول .

أحس إني ماصرت أطلع من المافيا , بس السموحه رسائل الخاص مدوختني حبتين .

دمتي بحب ..
17-01-1429 هـ, 09:48 مساءً
 
******_artest

يااحبيلك حكياتك تفاكيرك جت ببالي .. ويمكن من تجربتك بثأثيث وانك تحطين ميزانيه معينه وتطلعين
دبلاااات صدقتي في قولك

وأنا قبل لا ابداء الفكره ما حبيت اسووويها صالون صالووون خمس نجوم لا
انا ابي احط لمعداتي ومكياجي مكان مناسب ورايق اقدر
اجلس واعمل ميك اب واعمل شعري والبس واشوف لبسي بروقاان

لان تسريحتي غبيه جداً كبيييييييييره كأنها حقت عملااق يعني لو اجلس على كراسي البااار ما اشوف نفسي كويس

مدري وش كنت أفكر فيه يوم اشتريتها

ونادر استخدمها وانا احط ميك اب
بس عليها عطوراتي وباقي قرابيع الميك اب
وجت فكره ببالي مرررره إقتصاديه ورايقه واتوقع كثير بنات رااح تعجبهم إلي بقصور وإلي بشقق وإلي ماعندها إلا غرفه عند حمولتها

وهي دولاب التلفزيون إلي عند إيكيا





>>>>>شرايكم بدل حوست الكمبيوتر احط مرايه بإضاءه
وتوصيلات وكل مكياااجي وقرابيعه

!!


أرتوسه شكراً انك رديتي في زحمت المسجات والمواضيع امووووووه يااا سكرر
17-01-1429 هـ, 10:38 مساءً
 
واااااااااااااااااااااو

فكره الدولاب تجنن ماشاء الله عليك
18-01-1429 هـ, 12:10 صباحاً
 


الساعة الآن 06:47 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏