السلام عليكم
أعطيكي طريقة كتيييييييير سهلة وبتجنن للفتة الشامية؟

المقادير :
- علبة حمص مطحون من أي مطعم بيع حمص وفول ( الكلحة مثلاً) واحكي للبائع انه يعطيكياه سادة بدون حب ولا تتبيلة .. واذا مافي مطعم ببيع حمص وفول رح تلاقي بأي سوبرماركت معلبات مكتوب عليها حمص مطحون.
- علبة حمص حب
-ملعقتين أو ثلاثة لبن زبادي عادي (انا بحبها مرقة شوي فبحط نص علبة لبن صغيرة)
-ليمونة معصورة او اكثر حسب الرغبة
-فصين ثوم دقيهم دق ناعم كتير (ممكن أكثر من فصين حسب الرغبة)
- شرحتين خبز توست مقطع قطع صغيرة

الطريقة :
- حطي قطع خبز التوست في طنجرة وحطي عليهم شوية ماء عشان يتبلبلوا وحطيها عالنار
-ومباشرة حطي كمية صغيرة من الحمص الحب (مش كله) "ملاحظة: أنا عادة ما بحط على الخبز التوست ماء عادي..بحط نفس الماء اللي موجود بعلبة حمص الحب ..أزكى"
-بعدين حطي كمية الحمص المطحون كاملة
-ثم ضيفي اللبن الزبادي
-ثم الليمون والثوم وحركيهم جيداً عالنار الى أن تغلي. وبعد ما يغلي اطفي عليه بسرعة .
- وبعدين ذوبي ملعقة سمنة وحطيها بمقلاية عالنار وحمصي صنوبر ولوز تحميص خفيف لا تخليهم ينحرقوا.. وبعدين اسكبي الفتة في طبق التقديم . .رشي عليها للتزيين كمون وبقدونس ومسحوق التندوري الاحمر رش خفيف واخر شي السمنة والصنوبر ..
وعلى فكرة حطي في صحن صغير تتبيلة مكونة من ليمون ومعصور وثوم مدقوق ناعم لأنه في ناس بتحب تزيد الطعم .
وصحتين وعاااافية
انا كتبتها بالتفصيل الممل بس تطبيقها كتيييييييير سهل واذا اخدت ايدك عليها بتصيري تعمليها بعشر دقايق
اعمليها وادعيلي عن جد بتجنن
تسلم يمناج
ذكرتيني في زوج جارتي لما كنا في الشام كان يسويه طيبه كثير

يا جماعة لا تواخزوني ..أنا فكرت قصدكم عن فتة الحمص الشامية وهي هذه اللي انا كتبتها..
بس هلأ لما رجعت قرأت الطلب انتبهت انه بدكم فتة الدجاج...عن جد سامحوني..
على العموم فتة الحمص كتير طيبة ..جربوها
طيب مبسوطة حطيلنا فتة الدجاج على الطريقة الشامية


الساعة الآن 11:11 .