استشارة بخصوص تصميم منزلي ..ارجوكم لاتطنشون

المنزل والديكور

السلام عليكم

الغاليات في هذا القسم

اجمل تحية لكم .,, واليوم جاية استشيركم في تصميم منزل العمر الله يتممه على خير

ولانستغني عن رأي المشرفات الغاليات اللي اتمنى انهم يتحفوني برأيهم


اولا....هل يعتبر وجود مجلس للنساء ذا اهمية او ادمجة مع الصالة لتصبح كبيرة

ثانيا.... ارغب في ان اضع في الدور العلوي غرفة لبناتي بداخلها غرفة للملابس (شبيهه بالدولاب) وبداخل غرفة الملابس دورة مياة ..فهل هذا يصح ؟؟

لان في ناس حكوا لي ان غرفة الملابس لازم تكون مكتومة ومعزولة

وش رايكم بها النقطتين ,,بسرعة ارجوكم نبي نسلم المهندس على اساسها يصمم
10
1K

يلزم عليك تسجيل الدخول أولًا لكتابة تعليق.

تسجيل دخول

omlulu
omlulu
شوفي عزيزتي الورده الجوريه
انا في بيتي استغنيت عن مجلس النساءواكتفيت بصاله كبيره
بس في نفس الوقت خليت درج ثاني خارجي بحيث اذا عندي ضيوف عيالي وابوهم ينزلون منه للسور ومايمرون بالصاله
غرفه الملابس مثل ماوصفتيها اشوفها مناسبه للبنات
الا اذا بناتك صغار بحيث تتوقعين تحتاجين تقفلين غرفة الملابس عنهم(يمكن تحتاجين اذا البنات هوايتهم تغيير ثيابهم)
في تصميم البيت بالذات شوفي تجارب الاخرين.........بس كل وحده منا لها احتياجات وطريقة تعامل تختلف عن الاخريات
انا في بيتي دواليب الملابس في الصاله العلويه وليست في غرف منفصله
علشان الشغاله اذا غسلتهم وكوتهم تحطهم بالصاله ماتحتاج تدخل غرف ولا تغلق باب
انا اخذ ملابسي وادخلهم غرفتي والاولاد كل واحد ياخذ اللي يحتاجه
وتصيركل واحد مسؤل عن غرفته واغراضه الا اذا انا دخلت مع الشغاله
بس الملابس صعب كل واحد يصير مسؤول عن ترتيبهم هذا لانهم اولاد ملابسهم مو ذاك الزود
البنت ملابسها في غرفتها

تحياتي :26: :26: :26:
نـــواره
نـــواره
السلام عليكم ورحمة الله وبركاته

عزيزتي الـورد الجــوريه ...

... بالنسبه لأهمية وجود مجلس نساء أم لااا فهذا يعتمد بالأول والأخير على أصحاب البيت والضيوووف سواء كانوا من الأهل أو من المعااارف ... فلمزيد من الخصوصيه يفضل أن يكون هناااك مجلس خاص بالنساء ومنفصل عن الصاله ...

... ولكن في نفس الوقت ممكن أن يدمج المجلس مع الصاله لمزيد من الرحااابه وبالتالي عمل عدة مستويات بهااا وتوزيع جلسات خاصه بالضيوف والعائله ... ووممكن في حال وجوود ضيوووف وضع بارتشنز لتوفير المـزيد الخصوصيه ... والقرار بالأول والأخير يرجع لكم ... وإذا كانت مساحة الصاااله عندج صغيره فدمجي الميلس معاااه عسب يعطي رحااابه أكثر وما تحسين بضيقه من المكاااان ... وإذا كان فيه مجااال ممكن تحطين مداخل منفصله للميلس والصاله ...

... أما بخصوص غرفة الملابس فبإمكااانج عمل غرفة للملابس وتكون ملحقه بدورة المياااه بحيث نفصلهم عن بعض عن طريق الباااب وبتكون الغرفه معزوله ومكتومه لأنهااا بتكون موجوووده بداااخل غرفة النوووم ...

... وبالأخير القرار الأول والأخير يرجع لكم عزيزتي ...

:27:
أم فرح
أم فرح
الورده الجوريه
...يا هلا فيك ...

مثل ما قالوا البنات ... تصميم وتوزيع الغرف يعتمد بالدرجة الأولى على هدفك منها
ومدى إستخدامك لها ...



بالنسبة لمجلس النساء ... برأيي أن يكون لهن غرفة خاصة وخاصة في وجود
الأطفال ... لتحافظ عليها أكثر ... وممكن يكون بينها وبين الصالة اليومية باب جراّر
في حال كانوا الضيوف عددهم كبير تفتحين الغرفتين على بعض ويفضل تكون على
مستويين مختلفين ...يعني واحدة أعلى من الأخرى ...





أنا من مؤيدي هذا التصميم ... لأن يعطيهم مزيد من الخصوصية ... ولابأس من وجود
الحمام -أعزك الله - متصل معها ... فهذا أفضل ...


وعسى الله يوفقكم ويهنيكم ... وأي سؤال لا تترددي أبدا في طرحه هنا .:21:
القلمُ الورديُّ
omlulu
شكرا حبيبتي لمداخلتك وانا كمان عندي درج للخدمة ممكن استخدمة وقت الزنقة والله يسلمك:27:

نـــواره
تسلمين عمري وبالنسبة للمستويات انا كنت مفكرة كذا بعد:13:

أم فرح
سعدت برأيك غاليتي وشكرا لك وكان أملي انك تتحفيني برايك :21:

وحبيت افيدكم بالنقاط التالية

انا في بالي اخلي الصالة نازلة عن مستوى المجلس وعموما الصالة نازلة عن مستوى البيت بشكل عام وراح يكون المجلس والصالة يطلون على الحديقة الخلفية للبيت وهي كبيرة نوعا ما
ولكن لو سويت فكرة الباب السحاب المطل على الصالةاخاف يضيع علي المجلس لان هناك باب رئيسي للمجلس بالاضافة الى الباب السحاب المطل على الصالة بهالطريقة كيف راح يكون توزيع الكنب بالمجلس ..؟


الغالية ام فرح
يعني رايك اخلي باب دورة المياة يطل على غرفة الملابس .. انا نفسي في كذا علشان يطلعون ويغيرون ملابسهم على طول

لكن وحدة حكت لي اخلي باب دورة المياة يطل على غرفة النوم علشان تظل غرفة الملابس مكتومة ..وانا مقتنعه برايك اكثر :o

وبالنسبة لضيوفي فهم غير رسميين هم صديقاتي المقربات واهلي واهل زوجي
وبصراحة كلهم اهل محل وأمون عليهم جدا علشان كذا اخاف مااستفيد من مجلس النساء
بالاضافة ان اهلي مجلس النساء عندهم مركون:01:

أطيب تحية لكن غالياتي ....وننتظر منكن الافادة اكثر واكثر:23:
نــســايم لــيــل
السلام عليكم
أنا عن نفسي أفضل وجود غرفة نساء
لأن النساء زياراتهم كثيرة وأحيانا غير متوقعة
تسوين غرفة حريم وتخلين الشغاله تكنسها يوميا
وتقفلين عليها لين مايجي الضيوف ..
هذا اللي عندي يبيلك تفكرين في البعيييييييييييييييد