السلام عليكم ورحمة الله

اخواتي حبيت اسألكم سؤال سريع وياليت القى اجابة سريعه لأنه غدانا

بسوي سمك في الفرن وماني عارفه الطريقه

يمكن اسويه بالخضار زي مااسوي صينية الدجاج بالخضار بس ماني عارفه كم الوقت اللي اخليه في الفرن لأنه الدجاجه اخليها ساعه (فرن كهربا طبعاً) بس السمك مدري كم ياخذ

للمعلومية السمك زي سمك الصياديه اعتقد اسمه فارس اذا مو غلطانه

زوجي قال بكره الغدا سمك انتي بتسوين صياديه ولا في الفرن بكيفك
وانا مابغى صياديه بكره ومافي احوس المطبخ وللحين مانمت يعني الله يستر متى اصحى
وانا مو مره متعوده على السمك الصياديه سويتها مره وحده

يالله قولوا طرقكم؟ وكم المده اللي اخليه في الفرن ؟ واحط معاه مويه يشرب مويه او لا؟؟
واغطيه بقصدير زي الدجاج؟؟

بسرعه ربي يسعدكم ويحقق اللي في بالكم
20-01-1429 هـ, 03:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ممكن تتبلينه وتقلينه اول بعدين تقطعين بصل حلقات وتحمسينه مع زيت وتضيفين
عليه طماط حلقات وتحمسينه حتى يذبل الطماط وتحطين بهارات وكزبره مطحونه
وثوم وفلفل وملح بعدين صبيها على السمك ودخليها الفرن تتسبك مع السمك
وسوي معها رز السمك البني الصياديه او رز ابيض وسلطه

وممكن تتبلينها وتحطينها في صينية فرن مع حلقات بصل وطماط وفلفل اخضر
ولو تحبين بطاطس وماء وقصدري الصينيه ودخليها الفرن حتى تنضج بعد نصف
ساعه افتحيها وشوفي نضجت والا وسوي معها رز وسلطه وبالعافيه

ان شاء الله اكون افدتك
20-01-1429 هـ, 07:29 صباحاً
 
صينية السمك بالفرن
الـــمـــقـــاديـــر :
سمك هامور الكمية حسب الافراد أنا سويت سمكتين
في الخلاط نضع ما يلي :
طماطم بعد حسب عدد ألافراد أنا حطيت أربع كبار
فلفل أخضر حار أنا حطيت 3 قرون
مكعب ماجي
1/2 ملعقة كركم ومثلها فلفل أحمر
ملعقة أكل كمون وتزيدين حسب الكمية
1/2 راس ثوم
2 ليمون
بصلة نخلطهم زين
خلطتهم في الخلاط وبعدين جبت صينية بايركس وصفيت فيعا بطاطس شرائح وفوقه فلفل بارد شرائح وبعدين حطيت السمكتين وصبيت الخليط
وغطيته بقصدير لمدة 40 دقيقة بعدين فتحت القصدير وخليتها لحد ما تسبك الخليط وبعدين حمرتها من فوق بعدين طلعتها ويوم جين أقدمها رشيت فوقها بقدونس مفروم وزينتها بشرائح الليمون
وفدمتها مع البطاط المقلية
طعمها يمي يجنن وأمي تحبها واخواني
أرجو انها تعجبكم واللي جربتها تعلمني


دعواتك لي تراها مرررررررررة لذيذة

أخبري المشرفة عن هذا الرد
20-01-1429 هـ, 09:58 صباحاً
 
شكراً اخواتي يعطيكم العافيه

سويت الطريقه الثانية مع بعض التعديل
ماحطيت بصل ولا كركم ولا فلفل حار احنا نحط الفلفل بكبرها مانفرمها عشششان ماناكل الحار كثير وحطيت ملعقة معجون طماطم وبهاراتي وشوية بهارات حمراء حارة


طلعت لذيييييييييذه كثير وان شا الله اسويها ثاني
21-01-1429 هـ, 02:46 مساءً
 


الساعة الآن 07:53 .