Analysis Services
السلام عليكم ورحمة الله وبركاته
الصراحه انا بدخل بالموضوع على طول
الكل يعرف ان اكثرنا بدون وظيفه والحمدلله الله أعلم بالحال بالذات مع ارتفاع المعيشه
المهم انا قررت اني اتاجر عندي مبلغ صغير وهو الي بقى لي من مكافأة الكليه عاضه عليها من خمس سنين لكن مدري من وين اجيب البضاعه لأن البنات ماشاء الله عليهم عندهم البضاعه حلوه واسعار لا باس بها لكن وحده مثلي لا شغل ولا راتب احس ماقدر اخذ من البنات لأنهم مساكين لأزم يكسبون وبنفس الوقت راح يأثر علي لأن المبلغ الي عندي بسيط حتى لو اخذت منهم راح ابيعه بسعر يجيبلي المكسب وراس المال وبكذا بيرتفع السعر على الناس فما يشترون
الحين ابي الفزعه والرزق من الله والكل بياخذ رزقه
من وين تجيبون بضايعكم دلوني على المصنع او المحلات الي تاخذون منها بالجمله
وجزاكم الله خير
20-01-1429 هـ, 11:49 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا حبيبتي

انتي تبين تتاجرين باي مجاال

يعني تجميل ولا شنط ولا اكسسوارات ولا ملابس و.....

اذا من ناحية التجميل روحي لشارع السويلم وبتلاقين كل شي هناك وبسعر الجمله
والاكسسوارات المرقب للشنط والاكسسوارات وكلها بسعر الجمله
والباقي
ياليت حبيبتي تحددين حتى يقدرون البنات يفيدونك

موفقه عيوني
20-01-1429 هـ, 02:17 مساءً
 
الله يوفقك اختي
21-01-1429 هـ, 03:13 صباحاً
 
بالتوفيق يارب
21-01-1429 هـ, 03:56 صباحاً
 
انا احس الشغل اللي من ابداعك افضل الشخصي


مثل لو تسوين حركات المواليد والنجاح


او تغليف صواني

او حلا تتقنينه وتقدرين تسوقينه عند محلات الحلويات وبالنت

واهم شي الاصرار ومحاوله التميز

وقبل هذا كله لا تنسين تتصدقين بمبلغ لو بسيط

ولا تدخلين بكل فلوسك

يعني ربعها او بالكثير ثلثها

علشان لو قدر الله لك الخساره ما تكونين خسرتي كل فلوسك
22-01-1429 هـ, 06:56 صباحاً
 


الساعة الآن 11:42 .