جزاكم الله الف خير
الله لايخلينا من هالنفوس الحلوه
جديد علي السويلم واشيقر

زيدونا حبيباتي
وهالسؤال موللبخل ...لا بس احيانا فيه اشياء ينصب علينا فيها
تكون ارخص من التراب و تنباع علينا بنار
واحنا نعرف الزين الرخيص والشين الرخيص
ونعرف الغالي الزين ..والغالي الشين

واللي قيمته فيه مانتحسف لادفعنا فيه فلوس
لكن بعض المحلات اسعارها خياليه وملابسها ماتقعد غسله
مثل قطنيات مذركير شريت لولدي ثلاث قطع يجون مع بعض ب183ريال...
ومن اول غسله انبقو ونمشو ...صارو يفشلون ماينلبسون ابد
الموضوع رائع
-سوق اشيقر فيه اشياء كثيره رخييييييصه تلقين ملابس نساء واطفال في الدور الثاني مو اشياء فخمه لكن اشياء معقوله ملابس قطنيه للأطفال ولولازم مواليد -سجادات شراشف -مفارش -ملابس داخليه نسائيه ورجاليه والشي اللي بهرني انى قبل ولادتي ماخليت سوق في الرياض ما رحت له ادور قمصان رضاعه حلوه وفي النهايه لقيت محل في اشيقر كله قمصان رضاعه بموديلات واقمشه رهيييبه شريت منه بسعر معقول
وبرضو فيه محلات كثيييره للأدوات المدرسيه بس سعرها مو رخيص
-شارع السويلم للعطور والمكياج
-شارع العطايف للأغراض المدرسيه وأدوات المكتبه
-حلة القصمان -هذي فيها اقمشه كثيييره وفيها محل اسمه مركز الرياض للأقمشه محل كبييييير فيه كل الأقمشه بسعر معقوووول جدا ...وهذا السوق فيه كل شي وبضاعته احسن شوي من أشيقر
-سوق سويقه سوق حلو فيه رخيص وفيه غالي واغلب بضلئعه سوريه وحلوه مره ورخيصه
بصراحه انا معاك امك احيانا تنقهرين تشترين غالي بعدين تلقين رخيص أحسن منه بألف مره
انا شرين لولدي بربتوزات من مذر كير غاااااليه جدا والله من أول غسله صارت شكل فضيييع وبالمقابل الللي بعشره إلى الآ ن غسل ولبس وما عليها كلام
لا تنسي مركز الهرم

احيانا يجيب شغلات حلوة

وتصلح للبيت بس يمكن تلاقي في ال 20 قطعه حاجه حلوة

:24:
اعذرونى يالغاليات ترى اليوزر نيم هاليومين

قطيه بينى و ...

وبين اختى ...

واخت رجلى ...

فلاتشرهون عليناااااا
الفيلسوفه وش اسم المحل اللي في اوشيقر ولقيتي قمصان رضاعه فيه وكيف اسعاره ..

يابنات ودي بقميص رضاعه انيق وفخم ويكون على ساتان او اي خامه ثانيه حلوه وينلبس في النفاس ..ياليت

اللي عندها فكره تقولنا وين القاه فيه ..ابغى شئ غريب شوي ...

اللي يعطيكم العافيه يالغاليات ..:24:
همس السكون والله ما أدري وش اسم المحل بس انتي روحي لدور الثاني وسألي المحلات وين محل يبيع قمصان رضاعة وهو معروف عندهم ان شاء الله تلاقينه وتلاقين اشياء تعجبك فيه
لأن الاشكال اللي فيه والموديلات رهيييبه وخامه حلوه وانيقه جدا انا أخذت منه اربع قمصان غسيل ولبس
ياليت تروحين له وتقولين لي رايك


الساعة الآن 04:07 .