بسم الله اولا انا كان عندي عشاء رجال بس تقريبا كان عددهم 10
المهم اعطكي باختصار سفرتي (الاطباق الرئيسيه)زر انا كنت مسويه كابلي انت سوي اي نوع المهم تضبطيه<<<عن الفشيله بس>>>
وكسكسي (طبق مغربي)
(السلطات)3 انواع على الاقل+سمبوسه
(الحلويات)4 اصناف
لكن المهم شوفي زوجك وش يحب او تفضل ثانيا اذا كانت دوريت فها ترى الدعوه منافسه
وانا اختك ويا ترفي راسيا تحطي بالقاع
واذا كان زملاء عمل بعد لازم تتكلفي
بالعربي سفرتك في اخر المطاف ترفع قدرك وتحليك وتزيد محبه عند
ف الله الله بالشغل السنع والمقادير المضبوطه
ونصيحه من وحده مجربه (الحلى من الليل حطيه بالثلاجه)والسلطلت من الصبح بدون اضافة الملح والليمون فقط تقطيع عشان ترمي حملها (والسفره والصحون وكل لوازمها كمان من الليل)
اما لوازم القهوه والشاي كمان جهزيها وحطيها بغرفة السفره عشان ما تحوسي وقتها طلع صحون وحطي صحون
كذا بعد المغرب تشبين على العشاء بهدوءبدون اي تشتيت


والله مع حبيبتي
22-01-1429 هـ, 01:13 صباحاً
 
هلا حبيبتي
متى عزيمتك ماقلتي لنا


رايي المتواضع
ان كنتي مبتدئه بالعزايم ماتسوين دايم لاتحوسين عمرك
خاصة اذا ماعندك احد يساعدك او شغاله
1) سوي الحلا قبل العزيمه بيوم من الصبح وحطيه بالثلاجه <<<
2) سوي لك كم صينيه مثلا مكرونات او مسقعه او خضار بالبشاميل شي ماياخذ وقت بالتجهيز تقطيع وقلي وانواع لا دوري شي مختصر
وسوي منها نوعين او 3 <<< واطبخيها من اليوم اللي قبل العزيمه وحطيها بالفريزر
وممكن بعد قبلها بكم يوم وتفرزينها بالصينيه وتطبخينها يوم العزيمه العصر وقبل التقديم تسخين بس
3) جهزي اغراض السلطه ، نظفي الخضار قبل بيوم بالليل عشان ماتذبل ويوم العزيمه العصر او وانتي تسوين القهوه والشاهي قطعيها ولاتقطعين صغار لا وسط او كبار اشيك واسرع وتصير حركه يعني الخيار مثلا بالنص وسويه شرائح
والجزر شرائح خفيفه الطماطم اعواد والخس قطعيه باليد <<< وشي ضيفي له مكرونه مسلوقه وصوص جاهز يصير جديد
وسوي سلطة البقول تجنن ماتاخذ وقت بس افتحي لك من هالعلب والجاهزه وحطي اييييييييييي دريسينغ يجي ببالك جاهز والا اخلطي لك اي خلطه
ونوع ثالث فتوش مثلا
وانتهينا صارت 3 انواع سلطه ماتاخذ وقت
وشي مهم بالنسبه للخضار
جهزي الخضار حقت الزين من بالليل
سوي لك كم ورده ، شرايح ليمون ، بقدونس اعواد او ناعم ووووو انتي بدعي لانها تعطي المعزومين فكره انك متييييييي تعب بالطبخ والنفخ خاصة الرجال
وبالنسبه للدريسينغ
عندك انواع جاهزه كرافت وقودي
وعندك انواع جديده من كنور انا استخدمها بعزايمي اكون مستعجله احطها بدال اي صوص مطلوب للسلطه بس اخلطها بخل او زيت او مويه حسب الوصفه
تجي اظرف صغيره تستخدم على قد السلطه وبس


4) اللي بقا الطبق الرئيسي جهزي البصل من قبل بيوم وطلعي اللحم او الدجاج وذوبيه ونظفيه وقطعيه بالليل
واذا بتحتاجين اي شي مكسرات او اي اضافات ممكن تتجهز تتحمر قبل بالليل حمريها
ويبقا لك بس تطبيق الاغراض على بعض بيوم العزيمه

5) زي ماذكرت الاخت جهزي الصحون وادوات السفره كاااااااااااااااامله من اليوم اللي قبل واغراض التقديم القهوه والشاهي وحطيها بغرفة السفره وارتاحي منها

6) اذا بتحطين حلا قهوه سوي اشياء صواني وتتقطع لا تسوين شي حبااااااااااااات وتناتيف ياخذ وقتك بالفاضي
اذا صواني تقدير تسوين 3 انواع بالراحه
وزي ماذكرت قبلها بيومين بعد ممكن تسوين اشياء وتفرزينها وتقلين اذا تبين حبات او تسخنين اذا شي بالفرن وتصبين شيره زي فطاير تفاح او كرواسون التمر الخ

9) زي ماقلت بالنقطه السابقه لاتسوين اي شي حبات
لا فطاير ولا ورق عنب ولا كبه ولالالالالالالالالالالالالاشي
تتعبك بالفاضي
اذا تبين جيبي كبه جاهزه
او لفي سبرينغ رول قبل بفتره وفرزيه وفطاير وميني بيتزا وفرزيها
لكن قبل العزيمه بيوم او بيوم العزيمه لا تسوين شي حبات
من تجربه يضيع وقتك وانتي عندك مليووووووووووووون شغله

10) تقولين ماعندك صواني عادي جيبي وان ماقدرتي جيبي الصواني الالمنيوم من السوبرماركتات فيه كل الاحجام
ووقت التقديم قدمي الصينيه بوسط صحن من نفس طقم صحونك يكون كبير
وترى الصواني الصغيره ازين تساعدك تعبين السفره بنوعين او 3 او 4 بالكثير

طولت عليك <<< احلفي وشو عقبه

وتمنياتي لك بالتوفيق
22-01-1429 هـ, 03:37 صباحاً
 
vvvtu
30-03-1429 هـ, 09:20 صباحاً
 


الساعة الآن 12:44 .