السيروم المفتح والمغذي والمنعم لجميع انحاء الجسم من صنع ايديكي

السلام عليكم ورحمة الله وبركاته

كيفكم بتوتاتي وستاتي المحترمات اكيد جسمكم اتقشف وكش من البرد وبدون برد الكل بدور وبحوس على اي بصيص نور عشان النعومه والاهم البييييييييييييييييييييييييياض اللي ذبح العرب

الله يبيض وجوهكم وبالاوخص يبيض وجهي قدامكم بهالسيروم اللي استخرعته وجربته على نفسي شخصيا
اول شي بنات انا لوني بين الحنطي والابيض لانا بيضا ولا انا حنطيه بس لو طلعت بالشمس بصير هنديه
>>>>>>>رح ارتب لقصيده باستخدام هالمطلع بقسم الادب هههههههههههه
ما علينا
ما رح اقطع قلوبكم بحكي وكلام كثير وطويل انا عارفه انا الملل وصل حده معنا ملل وهرش وبرد وسمنه وتبعياتها>>>>>>>>مادخل السمنه بالموضوع
انتوا مش بتاكلو برتقال بالشتا زاكي صح انا بموت بالبرتقال وكمان لقيت وصفه لاكلة الرز الكابلي اشي بشهي صرت حريصه يكون عنا برتقال لازم وحتما ولابد..... وعشان بعمل دايت بعصر برتقال فرش
>>>>>>>اخلصي احسن تنرمى علينا جزمه من هون ولالامن هناك
بس نصيحه جد جربوا الكابلي زاكي كثير وبيبيض الوجه بالعزايم
اه صح

وعلى سيرة البياض نرجع للسيروم

اتحملوني موضوع بجر موضوع مثل قعدات النسوان الصبح عفنجان قهوه
يالله يالله السيروم جاي خلص بجيب من الاخر

عزيزاتي
بتجمعي قشر البرتقال >>>>>>شوفتوا كل الموضوع عن البرتقال رح تصيرو تعشقوه
بتقطعيه قطع صغيره وبتحطيه بالخلاط مع ماء قليل فقط عشان يمشي معك الخلاط ويطحن القشور
رح يطلع معك خليط قوامه كريمي مثل الزبادي كثيف طبعا قدر المستطاع
خزنيه بعبوه مغلقه >>>>>>>>ريحي حالك لا تحاولي تنقلي الخليط لعلبه فتحتها ضيقه قوامه ثقيل لن يدخل منها حتى باستخدام قمع >>>>>>>>جربت الاخت ريحوا حالكم
فالمطلوب مرطبان بفتحه واسعه شوي وخلي الخليط يخمر يوم بره الثلاجه ويوم بالثلاجه
هو من بعد اليوم اللي بره الثلاجه رح يضل فيها على طول
بعد يومين اشخلي الخليط بقطعة قماش حاولي تعصيرها وتذبحيها واجمعي الماء الناتج بوعاء اخر
احرصي على ان تحصلي على كل الماء اللي بالقماش حتى القطره الاخيره
الماء الناتج اضيفيله مقدار الثلث منه قليسيرين او جليسيرين (وهو ماده مثل الزيت شفافه وغلضه مثل الخروع)يعني مش قليسوليد ابدا شيء شفاف مث الماء وغلض مثل الخروع او الشيره

بعد ان تخلطيهم السيروم جاهز للوجه واليدين والجسم بعد الاستحمام والوجه والايدي للاستخدام الليلي
وداخل المنزل

اما تطلعوا فيه ما بعرف ما جربت انا بستخدمه بالبيت
ما تنسوا تفصلو خلطة الوجه عن خلطة الجسم عشان ما يصير نقل ميكروبات الوجه حساس استخدمي قطنه بمسحه ولاتستخدمي اصابعك واغمسيها مره وحده وخاصه اللي بتشكي من الحبوب

الخليط ازال تبقعات الكلف والنمش وبتلاحضو الفرق من اول استخدام
النعومه حريرررررررررررررررررر والرحه الروعه رح تصيري برتقاله


الي بدها تنقل الموضوع تنقله مسامحين
وسامحوني بدي اقوم انام اذا في اساله بشوفها بكره