صحه وهنا وعليكم بالعافيه

هلا اختي شواخه

انا راح اقولج عن العرسيه عندنا في الامارات
الافضل تستملين دجاج الدار لانه يعطي تماسك حلو للعرسيه وومكن لحم

تطبخين الدجاج مع الماء والملح فقط وتشيلين الزفره لغاية ما ينظج الدجاج وتحتفظين بماء السلق
وبعدها تاخذين الدجاج وتفتينه صغير وترجعينه للماء

وبعده تحظرين جدر وتظيفين له ماي السلق والدجاج وتطبخينه على النار لكن قبل ما يغلي ضيفي الطحين رقم (2)
وحركيه بالمضرب لحد ما يختلط وتصير متماسكه مثل العصيده وغطيه وخليه على نار هادئه جدا لمدة ساعه او حتى ينضج الطحين

وبعدها تقدمينه في صحن التقديم وترتبينه بالسمن( الدهن)

وصحتين وعافيه
تسلمين عزيزتي عطووووور

ما قصرت ومشكوووووره . . . بس أول مره أسمع أن العرسيه يسوووونها بالطحين إللي أعرفه عيش


عالعموم .... الله يعطيج العافيه


اقتباس مشاركة
المشاركة الأصلية كتبت بواسطة واحة الخير
حسب معلوماتي العرسية هي نفسها المضروبة والي قالت عنها المسافرة اسمها مرقوقة
وسلامتكم
هلا أختي..

المرقوقة أو ( محروق صبعة عند الكويتيين أظن ) غير عن المضروووووبة..

المرقوقة يسوونها بالعجين أو بالخبز.. لاكن المضروبة بحب الهريس أو بالشعير ( الكويكر ) أو بالعيش..

****لله بس وضحتلج.. لأنه هالأطباق معروفة عند الاماراتيين.. ودوم نسويها..

اقتباس مشاركة
المشاركة الأصلية كتبت بواسطة umm ali
لا الغاليةواحة الغير
المضروبة في ناس ايسونها بطحين مههن يعني محمر وفي ناس ايسونها باليريش وفي ناس ايسونها بالعيش الفرق الي بين العرسية والمضروبة ان المضروبة اتحطين فيها الطماط الصلصة والبهارات وتقلين البصل وغيرها لكن العرسية الاتقلين بصل ولاتحطين بهارات..
هلا أختي أم علي.. بالنسبة للي قلتيه اللي باليريش.. احنا نسميها ميروشة.. وتكون بالدجاج أو بالمالح ( السمك )..

وترى الأصناف كثيرة لاكن الفروقات بسيطة مابينهم.. وتقبلي تحياتي..



الساعة الآن 11:44 .