السلام عليكم ورحمة الله وبركاته

اخواتي المباركات******


أتمنى منكن ان ترشدوني الى الطريقة السليمة لصنع الكنافة لاني اذكر ان احدى قريباتي صنعتها ولكنها كانت تسخنها من الاعلى (ولااظن ان فعلها صحيح)

فكانت تخرج --يابسة--

وماهو الوقت اللازم لنضجها؟ لاني اريد ان اعدها ولكن اخشى انها ما تضبط معي


وجزاكن الله خيرا.....

لا اله الا أنت سبحانك اني كنت من الظالمين
السلام عليكم اختي الهمة

انا والله بعمل كنافة وبتكون طيبة كتيير

بس اول شي بجيب كنافتي من محلات الحلويات
مو من الي بتكون في التلاجات

بس الاخيرة ممكن اذا مو متوفر عندك من محلات الحلويات

وبضعها في صينية وبسخن سمنة على النار شوي حتى تدوب بس

وبرش رشة خفيفة من صبغة الكنافة (اطلبيها من البائع) على الكنافة
وبسكب عليها السمنة
وبزيد قطعة صغيرة زبدة

السمنة انا بستعمل الاصيل
وبفركها كأنك تفركي غسيل حتى تختفي السمنة

الان جيبي صينية الفرن وضعي 3/4 العجينة فيها واكبسي منيح براحة ايديك
اكبس بقدر قوتك

نسيت اقولك لازم تضعي شوية سمنة او زبدة في قاع الصينية ورشة صغيرة من الصبغة
وتريكها حتى تدوب الصبغة

لا تكتري صبغة منشان يضل اللون زاهي مو احمر قاتم
هلأ يا ستي تضعي الحشو (انا بضع حليب + سميد على النار مع ماء زهر ومستكة )
بعدين بخلطهم بعلبة قشطة وشوية فستق حلبي

وترشي عليهم با قي العجين
وتدخليهم الفرن من تحت اول لما تشوفي الاطراف تحمرت او لما تحركي الصينية وتسمعي صوت
خرخشة

طلعيها من الفرن
بالنسبة للتقديم
انا بقطعها من دون ما اقلبها
عندي مجحاف بشيل بالمجحافف وبلقب القطعة على صحن التقديم وبضع نص ملعقة قشطة ورشة فستق للزينة وبيطلع شكلها ممتاز والقطر على حسب الرغبة بس انا بضعه وهي لسة بالصينية

ازا بدك تعمليها بالجبنة لازم تكون الجبنة حلوة تماما وناشفة يعني لازم تضعيها على فوطة
او في قدر على النار


الساعة الآن 06:12 .